Fatima_Al-juboory
آحضني .. تعبت مِني !!
ريناس:
حسيت شخص لمني بحضنه رفعت راسي اباوع ظافر شابكني ويباوعلي بخوف وقلق
.... كافي يروحي اخوج لاترجفين اني يمج ماكو شي لاتخافين
حضنته حيل واني ارجف
... ظافر خايفه خايفه
.... اششششش كااافي ماكو شي لاتخافيين
... ادهم
... مابي شي شوفي
كومني اخذني يم ادهم الكل متجمع يسئل شكو وشنو الي صار بس هو جان ساكت مايجاوبهم من شافو بهل وضع طلعو علمود يرتاح
كعدو بالصاله الي عباره عن كزاز وكلشي بيها متهدم باوعولي باستغراب منتضرين جوابي خفت من منضرهم شجاوبهم منتضره ادهم هو الي يحجيلهم
ابو ادهم: بابا ريناس شكو شصاير
... ما ما مادري بابا اجه ادهم عصبي كسر وكام يصيح تخربط وكع اجو جماعته ماجان عندي غير اطلعلهم علمود يدخلون ياخذو للمستشفى
ام ادهم: وهيج توكعين گلوبنه جيت لكيت البيت بهل وضع وانتي ماكو عبالي شو شصار عليج اريد اوكف ع حيلي ماكو طلعو اخوج وابوج يدورون
... ماما نسيت نسيت الوضع الي جنت ماخلاني افكر انطيكم خبر فدوه تعبانه ماما تعباااانه
نهاريت ابجي الشي الي اني بي مستحيل ينوصف او ينحجي بالي متشدد كلش
حسيت شخص لمني بحضنه رفعت راسي اشوف دانيا تباوعلي بخوف مسحت دموعي وضلت تحجي بس بالي ابد مو يمها ولا سمعت شتحجي
كمت من حضنها اتجهت للغرفه عفتهم وراي يحجون بس ابد مارديت ع واحد منهم قفلت الباب وكعدت ورا منهاره ابجي
ماعرف شسوي او وين اروح منو يحلي المشكله الي اني بيها منو يسمعني لمنو اشكي ضليت ابجي بصوت عالي واشهك محتاجه حضن ادهم محتاجته احتاج لحضن ظافر اريد احجيلهم احس نفسي بلياهم مااسوه شي
كمت فتحت الباب طلعت توجهت لغرفه ادهم امي واخواتي ينضفن جانن بالصاله مجرد ماشافني تقربن مني يحاولن يفهمن مني شصار بس ماجاوبتهن
عفتهن وطبيت لغرفه ادهم مجرد ماطبيت لغرفته وشفته شلون متمدد ع السرير وضعه كلش متأزم نهاريت كله بسببي اني الي وصلته لهنا
شمرت روحي بحضنه ابجي منهاره وابوس بي ابوس بكل وجها ماريده يزعل ماكدر ع زعله ماكدر اشوفه بهل حاله وصل للجلطه بسببي
بس هو ابد ماهتملي عكس كل مره عكس ادهم قبل من يشوفني ضايجه يتخبل هسه لا صار العكس منهاره بحضنه وهو ماهتملي دار وجها عني وضل ساك
من شفته هيج تخبلت بالزايد علت شهكاتي وعله صوتي احجي بكلمات متقطعه كوه تنفهم بسبب الشهكه
... اااد ادهم والله مالي ذنب ادهم عاقبني بكلشي اله زعلك لا فدوه مااكدر مااكدر اشوفك ماتحاجيني ادهم امووووت والله
دفعني عن حضنه ع كيف وحجه بنتر وهو كاز ع اسنانه وداير وجها عني مايباوعلي
... طلعي برا
... ادهم
... طلعيييييي برررا كتلججج
نصدمت منه ادهم مستحيل هيج يحجي وياي ادهم مستحيل يأذيني بهل شكل
... ادهم بس سمعني
... لظاهر نطيتج عين زياده بس اني اعرف شلون اعاقبج وزمرد ال** اني الها وين تفلت ويله طلعي برا وخرررري عن وجهييي
دفعني بيده حيل بحيث طحت بالكاع رفعت عيني مصدومه منه ومن تصرفه وهو اصلا ماباوع بجهتي صاد للجها الثانيه ويتنفس بغضب مسحت دموعي وكمت
صعدت لغرفتي ماتحملت نضرات ادهم نضرات العتب الي بعيونه كعدت بالكاع منهاره من البجي ملخت روحي حته شعري ملخته اريد شي ابرد نار گلبي ماجاي تبرد
اريد شي اخفف ع الم روحي ماكو كطعت شعري شهكاتي زادت نار بگلبي ماتطفه بيها وماتزيد الكلمات الي ماطاحن من حلكي
... الله ينتقم منج زمرد الله لا ينطيج حسبي الله ونعم الوكيل
مالكيت نفسي الى واني ساحبه التلفون وداكه ع رقم جهاد ماجان ببالي شي بس اريد اخفف عن الوجع الي يحيط گلبي
اجاني صوته الي زيد الرعب الي بداخلي صوته كأنو عاد عليه كل الم مر عليه رش ع جرحي ملح كنت احس هو السبب الاول بالي يصير بيه هو المذنب الاول بالعذاب الي اتعذبه اي هو الي دخلني بهل قوقعه والرعب والتوحد الي صابني تكرر صوته للمره الثانيه وهو ينتضر الرد صوته زيد الكره والحقد الي بداخلي
... الووو تسمعيني ريناس
ماجاوبته بس ضليت اشهك بالبجي ويه كل كلمه يحجيها تزيد شهكتي وتزيد دموعي
... يبوي شمالج ماتكليلي منو وياج ليش هل بجي يبعد هلي وطوايفي فهميني منو حاجاج ريناس لاتضلين ساكته تشعلين النار الي بگلبي
حجيت بشهكه والم
... انـ... انت انتتت اكرهك اكرهك انت السبب انت الي وصلتني لهل مواصيل ليش ليش ماقتلنتي ليش جنت بس تعذب بيه ليشششششش كليييي فهمنييييي
سمعته تنهد وحجه بصوت انصه يحاول يهديني
... يبوي كليلي منو وياج منو ذكرج ليش هل حجي ريناس شبيجج
