Fatima_Al-juboory
وانا خايف لا يحِن حّزني على حِزنك .
جمان:
.. الله وياج خاله حبيبتي مو ماتجين فدوه
ام ياسر: شلون مااجي يبعد خالتج اجي واشيلج بعيوني، بنيتي انتي الي ماجابتها بطني
.. يعمري خاله
غلقت الاتصال ويه خاله ام ياسر نطيتها علم بموعد العقد علئ يوم الخميس
بـ البصره راح يكون يم اهل صعب
كلش فرحتلي وباركتلي ودموعها بخدها وتباركلي وتبجي ممصدكه واخيرا تغيرت حياتي للاحسن
غيرت ملابسي وتوجهت لبان اشوفها خلصت تبديل او لا مثل متوقعت لساتهة ممكمله واكفه علئ المرايه تسوي شعرها
... حبيبتي بان يلا استعجلي راح يجينه صعب بعد ماعدنه وقت
.. جماانه حبابه تعاي ظفريلي شعري راح يخبلني
ضحكت وتقدمت الها سحبت المشط وظفرتلهيا كلش تحب الظفيره
.. يله بدلي بساعج
عفتها وطلعت سمعت الباب يندك فتحته جان صعب بالباب ابتسم بادلته الابتسامه واني لسه واكفه بالباب
صعب:ادخل لو لا
..هههه اي اي اكيد تفضل اسفه
كرص خدي وطب كعد بالصاله
..دقايق واجي اشوف بان خلصت تبديل او لا
صعب:اني اكلج ماخلصت كـ العاده مأخرتنه
...هههه والله حفضتها
جبتله ماء قدمتله وكعدت يمه ننتضر بان شويه وطلعت بيدها حذائها
..جماانه سويلي القيطان
صعب: اكلج شو مستحله مرتي ماتتعلمين
بان: انت شعليك اختي لو اختك
كلبت عيونها بزعل ودارت وجها باوعت لصعب كوه كاتم ضحكته غمزلي وعدل ملامح وجها خفه ابتسامته وحجه
...اي جانت اختج هسه مرتي يله شعندج وياها
..لاااا بله والله انت الي شعندك وياها يله عوفها اختي
..جاي اكلج مرتي
..واني جاي اكلك اختي شبيك ماتفهم
جمان: ههههه صعب كافي تره تصدك
...وليش تصدك اني متشاقي وياها يله روحي ماتشدلج قيطانج والله يالله صغيرونه انتي شكدج روحي تعلمي مايعجبج لبسي غيرها
جمان:صعبببببب كافييي تره تصدك شوفها راح تبجي
باوعتله ودرت وجهي لبان دموعها متجمعات بعيونها ومكابره ماتريد تطيحهن وهو عاكد وجها مسوي روحه عصبي
صعب: اي ختولي اني بس اعقد اخذج واعوف بان هنا
بان: بطلت ماريد اروح اخذها وروحو اني اروح لخاله ام ياسر اصلا جذب ماروحلها لان ماتحبني محد يحبني حته جمانه ماتحبني
شمرت الحذاء وطبت للغرفه تبجي باوعت بصعب خله اديه ع وجها خربان ضحك
.. ياااااا صعبببب تحجي صدككك ليش هيج وياها
.. ولج طفله وعلي طفله
.. ايي ليش تزعلها
كمت لبان لكيتها مطشره الكناتير وتشيل بالملابس وتشمر بالكاع بعصبيه ضحكت ع شكلها وتقدمت حضنتها
.. ولج غبيه يشاقه وياج
.. ماااايشاقه وياااي مايريدني اكون قريبه منج ماتحبيني انتي
.. ولج امي انتي طفله
درت وجهي ع صوت ضحكه صعب باوعتله تقدم الها سحبها من حضني وباس راسها
.. خبله لاتصيرين بابا يعني ابطل منا وهيج مااتشاقه وياج بعد ماداهر بيج
.. انت ماتشاقيت وياي جنت تحجي صدك
.. هههه مو اكلج خبله
... مااا وخررر يله روحو طلعووو
... ماتريدن تجين ويانه
.. لاااا
جمان: صعبببب وخررر تعاي مالج دخل بي جيبي حذائج
سحبتها منها وكعدت بالكاع
.. رفعي رجلج يله
.. جمان روحي ماروح
.. لا اشو غصب ترحين
رفعت راسي وغمزتلها
.. علمود تحركين گلب ذولاك الناس خل يحتركون اني احبج ومهتمتلج
ضحكت وباوعت لصعب وحجت بغرور
.. اييي خيولون ذولاك الناس مقهورين لان احله منهم
صعب: ههههههه افاااااا هاي عليه
بان: منووو يمك وليدي
... افاااا صرت وليدج ولج منين متعلمتها
ضل صعب يداهر بيها وهيه ترد عليه بعصبيه ومصدكه بي وهو يضحك عليها وع شكلها شلون تصير عصبيه وجها ينكلب احمر وتصيح بوجها
ضحكت ع شكلهم وكمت لميت الملابس شلون مجان رجعتهن للكنتور
طلعنا نجهز الذهب ومريت للمستشفئ اخذ اجازه علمود نروح للبصره ضلينه نفتر بـ السوك واشترينا الذهب ختارينا الحلقات
وشتريت فستان العقد حبيت يكون بذوق صعب هو الي اختاره وبان اشترت فستان نازل جوه الركبه منفوش من جوه كلش حلو لايك عليها
وصار الليل واحنه لسه بالسوك جنه قريبين من مطعم
صعب: خل ندخل نتعشه ونرجع
بان: شرط الفلوس منك
.. عمي هسه اني كلت مادفع دللي
.. اي واخسرك اخذ هواي
.. اخذي الج عيوني
... ياااخيييي ليششش تقهر بيه اني اريد اقهرك مو تقهرنييييي
.. يله نقهرت
جمان: هههههههههه ولج بان
... شعليج اني ونسيبي
صعب: هيج احسلج
ضحكت وسكتت ضلو واحد يداهر بالثاني لحد ماطبينه للمطعم....
ريناس:
ادهم: ولججججج رينااااسسي راح ابطل ماروح
.. اجيييت والله اجييييت
نزلت واني الف بالحجاب اجيبه منا وارجعه منا ماعرف الفه
