راح اعوضكم عن البارحه اسفه لان مانزلت انشغلت ♥✨
Fatima_Al-juboory
ريناس:
اليوم موعد الكعده الكل منخبص عمامي كلهم اجو بس وجهم مايكصه السيف ويطبون ويطلعون يشمرون حجي علينه خلي يكتلو يطبه مرض ومن هل حجي
كوه ساكتين عنهم اهلي لان جانت نفسيتنه مو مال نردهم بيا حال احنه وهمه بيا حال بس الي جان عاجبني مهيب ونص من ولد عمامي يسكتون بعمامي وماراضين عليهم وهمه يشيلون روحهم ويركعوها بالكاع شلون يوكفون بوجه ابهاتهم وعمامهم اما باقي الولد لا همه يحرضون بعمامي شكد مخنثين ولعبت نفسي منهم
رهف تحسنت وابوي وحسام واني كدرنه نسحك ع رجلينه خفت الالام ع العلاج وشويه الجرح لتحم ظافر مانعرف عنه شي لسه ولا نعرف وينه ادهم وباقي الولد دورو لمن عطلو مالكو سئلو اصدقائه كلهم ماكو بس الي مطمنهم هو بغداد لان مايكدر يسافر ماعنده اي مستمسك ولا جواز وشي ثاني خايفين منه لا منتحر لان جان مو بوعيه جان داخل بصدمه
رفعت راسي للساعه جانت ب10 الصبح والكعده ب4 العصر كاعده ع الدرج وحاضنه نفسي احس نفسي الدقيقه الي تمر احسها تاخذ نص من عمري عيني ع الساعه وارجف قرب موت اخواني وقرب موتج ياريناس
انهدمتي ونهدمو اخوتج وياج انهدم بيتج داعش بالموصل ماكتلوج راح يكتلوج الدواعش الي محاوطينه ع قانون العادات والتقاليد داعش هدمو الناس تحت شعار الدين وذوله جاي يهدمون الناس تحت شعار العادات
رجعت لدوامه داعش نفس الاصوات تكررت نفس الرعب نفس الخوف
حاضنه نفسي وخاله راسي بين رجليه ومغمضه اريد انسه بس هيهات كل مااكول نسيت خلاص ريناس نسيتي وراح تعيشين براحه بس هيهات هاي الراحه تدوم لازم تخرب كل ماانسه الاصوات مال الضرب لازم شي بذكرني بيها
اصواتهم العاليه بالاستقبال توصلني وهمه يتعاركون ويه ابوي يسلمهم ظافر وهو يشيل بروحه ويركعها بالكاع ياناس ياعالم ماندله ولا انطي لو اعرف يذبحوني واحد يصد واحد يرد عمامي جانو وحوش جنت اشوفهم ازيد من داعش
صوتهم مزعج ازعجني اكثر رعبي زاد حضنت نفسي بالزايد وخليت راسي ع الحايط اركع بي بشكل خفيف رجعت لحالتي هذي من اضرب راسي اريد انسه اصواتهم ضربت راسي بالحايط حيل وكمت ارجف كزيت ع اسناني وكمت اهمس
... اشش صوتكم يزعجني كافي سكتووو كافي دواعش مجرمين قتله كلكم نفس الشي
سمعت صوت مصطفى ابن عمي قريب مني رفعت فتحت عيوني اشوفه واكف كدامي باسأ واديه بجيوبه كعد يمي ع الدرج واشرلي ادنه دنيت وكعد
مصطفى: ليش هيج ترجفين ريناس ع كيفج راح تموتين ماعليج يمضرطون وحدهم احنه بظهرج وبظهر ظافر مستعدين ننطي ركابنه الهم
... مصطفى خايفه
... لاتخافين
مارديت بس رجفه جسمي زادت بالزايد حضنت نفسي حيل رفعت عيوني اشوفه يباوع بأسى يدري بيه اخاف يعرف هل شي يذكرني بداعش وبأسوء ايامي حجه بهمس
... رجعتي لذيج الايام
نزلت دمعتي وحضنت نفسي اخاف حجيت بهمس
... اي رجعت لدوامه داعش رجعت بعد من المستحيل اكدر اطلع
زادت رجفه جسمي كعد كنبص كدامي كمش اديه يتوسل اهدء جان يحجي بس مانتبهت ع شنو جان يحجي حسيت الدنيا افترت بيه غوشت عيوني بعد ماحسيت بشي
كعدت لكيت نفسي بالغرفه مالتي من شوكت اني هنا باوعت للساعه ب12 زادت رجفه جسمي بالزايد قرب موتج هاي اخر لحضات الج زادت شهكتي باوعت للميز الي يم راسي التلفون مالتي عليه
سحبته اول مافتحته كومه اشعارات جاياتني ماهتمين الهن ودخلت للاستيديو اكلب بالصور والفيديوهات مالات ظافر وابجي
كل صوره وكل فيديو اله ذكره ضحكته شقا سوالفه مفتقدتهن حنيت للايام من يخبث ع ابوي يخلي يشيل روحه للسمه ويركعها لو من يخبث ع ادهم ويقط بي وادهم يضل يصيح جان اله بكل زاويه ذكره لكل شخص جان حافر بگلبه ذكره ومعزه
طلعت من الاستيديو واني ميته بجي وشهكتي تعله بالزايد دخلت ع الانستا كومه اشعارات جاياتني مافتحت ولا الي خلك صارلي شكد مافاتحه من يوم الي تهجمو علينه لسه ماشايفه التلفون
ردت اكلب برسايل ظافر وشقا من جان بس ايدي اخذتني للطلبات الي اجاياتني ماعرف ليش اجه اصبعي ع اول طلب فتحته كومه رسايل اخر رساله جانت مرسوله الي قبل ساعتين مكتوب بيها
... بت المنغولي اني الج
نزلت بالرسائل اشوف منو هذا الي هيج يتجاوز ع بابا بهل شكل ضليت انزل الى وصلت اول رساله اجتني من هذا الحساب نصدمت واني اباوع جانت اول رساله باليوم الي صار الحادث
داز صورتي واني شايلني كرار وكاتب جوه
... الكحـ مكيفه اخوج الكرن شلون هيج يقبل واحد يتدنه يمج بت الكلب
وره كم ساعه راد داز
... ي والله زحم روحه من اجه وشالج اخخخخ لو ما كاض روحي بذيج الحضه اله اجي افلش وجها بالمستشفى واعالجه ع حسابي اخخخخخ دور خايف ويروح ويرجع
شافني مارديت هم ساعات وداز
... ريناس گلبي عليج شلونج
... ولج شعلتي شيب الخلفوني وينج شصابج يبووي
.... ريناس بداعت اخوانج وادري ماعندج اعز منهم حذفي هذا حسابج حذفي الصور وسوي خاص راح يوصل للالاف ولج وكلها ولد وانتي تنشرين صورج واني اطحن بروحي كل ماادخل لحسابج واكلب المتابعين كلهم ولد يبووي رحميني وحذفي لهل حساب ليش جيبين التايهات الج
.... اشتعلو اهلج واحد واحد بت الـ** شصابج ماتكليلي ولج گلبي ناط عليج
... فاض الشوگ يبوي ماني متحمل نفسي اريدنج عبن روحي معلكه بيج ساكن بغداد لاجل عينج بس ماني متگرب صوبج عبني فشلان منج ع الي سويته بيج يبوي وحك لخلك الكون حوبتج ماتعدت تعذبت اضعافج
كومه رسائل جانت حارك التلفون حرك ساعه ينزل غلط عليه وع اهلي وفشاير ساعه يحجي بغزل وشوق بين كل رساله ورساله كم ساعه افتر راسي منو هذا وليش هيج يحجي شعرفه بيه
حتاريت اكثر من حيرتي وخوفي يمكن واحد من المتابعين اي اي ماكو غيرها لان يوميه داخلي واحد ويريد اسوي علاقه ويا اني بيا حال وهمه وين يفكرون بس ماجنت ارد ع واحد بيهم لان كارهتهم
خل تفض السالفه واحذفه واسوي واحد ثاني واسوي خاص واخلص من هل شكولات سحبت التلفون ردت احضره بس من رجعت شفته شلون متجاوز عليه وع اهلي
ماكدرت اسكت واني منا گلبي موتني ع اخواني وهذا اجاني من الله انطيت قبول ع رسائله واتصلت رنه بالرنه الثانيه فتح خط مبين ادبسزز
سكتت انتضر يجيني صوته بس الي عجبني ماكو صوت ماحجه بس صوت انفاسه السريعه تنسمع صوت اضطراب انفاسه المخربطه تجي باذني
ماتحملت اسكت اكثر لان كلش حرك روحي من شفت رسائله وغلطه وتجاوزه حجيت بصياح اريد ابرد نار گلبي واطفي النار الي مشتعله جواي مادريت راح اشعل نار ازيد اريد اطلع ضيم عمامي وضيمي كله بي
.... ادبسززززز حقيررررر بااااي حق تتجاوووز بااااي حققققق تغلط ع تربايتي وتغلط ع اهلي شنوووو صفتك بالنسبه النه ماكووو منغولي غيرك انت واهلك ماكو *** غيرك لو عندك ذره رجوله وذره كرامه ماسويت ولا حجيت الي حجيته يادبسزززز حقييير
نزلت عليه انواع الغلط وكل فشاره فشرها رجعتها اله بس الي زود ناري ماجنت اسمع صوته بس اسمع انفاسه العاليه نرفزني اكثر
.... مااااتجااااوب ماااتجاااااوب هاااا اخرررس بس كدرتك بالرسائل من وره الكيبور نافخ ريشاتك لك بابا طم روحك وزين شواربك اذ عندك شوارب ياا.....
بعدني مامكمله اجاني صوت اكثر شخص اكرها واكثر شخص جنت مامتخياه يجي يوم والتقي او اسمع صوته اجاني صوته العالي الي ع قوته حسيت حته الجهاز تفلش
... نلصمممممميييييي اجيييي اعبييي حلكج بارووووود قسمممم برب الكووون
مجرد صوته اجه باذني طاح التلفون من ايدي حسيت الدنيا افترت بيه كعدت بالكاع اوديه ع راسي وارجف معقوله هو اي هو هو رجع عليه من جديد
رجع يعذبني ليش فتحتي الطلب ليش دخلتي ع رسالته ليش خليتي نفسج تسمعين صوته ليش رجعتي نفسج للايام ياريناااس ليش ليش ضليت ارجف بالزايد
ماعرف وين اضم روحي او وين اشرد منه محد يحاميني منه انسان مريض ماحسيت غير نركع راسي بالكاع طحت مغمى عليه بعد ماعرف الدنيا شبيها مابيها ضلمت بعيني
فتحت عيوني اريد استوعب اني وين الي مر بيه حلم لو حقيقه شفت مصطفى كبالي واني بالمستشفى رفع راسه من شافني صحيت اجه عليه ركض
.. هااا ريناس خويه شبيج
خفت اكثر ضليت اتلفت منا ومنا اخاف يجيني حجيت بخوف وبجي
.. رجع رجع عليه يريد يكتلني والله رجع
ضليت ابجي واصيح فقدت كلش اجت نرجس تركض هيه ومصطفى يردون يفهمون السالفه او شبيه ماعرفو شي كل الي جنت احجي هو اجه راح يذبحني بس هل كلمتين جنت ارددهن وابجي وصوتي بي ومايعله نرجس صاحت بمطصفى
... ولكككك اركض صيح للدكتوره تجي تنطيها ابره مهدء رجعت عليها التخيلات مصطفى اركضض
كل الي ببالها رجعت اتخيل ماتعرف هذا واقع مو خيال مصطفى نخبص مايعرف شيسوي ركض شويه واجت الدكتوره ضربتني مهدء وضلت تحجي عليهم لازم ارتاح لان عندي انهيار عصبي وهمه يقنعوها انو اني اول ماصحيت هيج صرت
هدئت شويه واستسلمت للنوم كعدت ع لمسات ع خدي فتحت عيوني لكيت نرجس كبالي تبجي من شافتني مسحت دموعها وضحكت مجامله كدامي تريد تهدئني ماحاجبتها غمضت عيوني اريد اهرب من الي اني بي3
اجت الدكتوره وسجلتلي خروج واكدت لازم مااتعب وماكو اي مشاكل يمي لان حالتي النفسيه تعبانه وراح انهار
رجعنه للبيت جان ليل والكعده خلصت دخلت الكل كاعد ع صفحه وهمه شكل ادهم ابوي وامي اخواتي كل شخص دمعته تنزل ازيد من الثاني وكل شخص ماخذله ركن يبجي بي وهو شايل هموم الدنيا كلها ع اجتافه
عمامي راجعين بعد الكعده الي فهمته معترضين ع ابوي وصافين جنبهم واهلي متخبلين لان صفو عكس بابا بس شنو الي طلبو ذيج العشيره وخلو اهلي هيج ماعرف
