Fatima_Al-juboory
متت وياي
من اول وتريد تعيش من تالي؟
كتلتك چا صرت مثلي،
وتريد تصير جتالي!
احس ظلك يرافگني،
ويكبر من تجي الظلمه يصير
خيول وحشيه ويطاردني
اروحن الوين..؟
رحت لكل مكان وسيفك اگبالي
اروحن الوين...؟
الا اشلع جذر گلبي بشرايينه
واجمع نار واحرك كلشي من بالي
احسك ظل يرافكني، يبجيني ويضحكني
يسكتني ويحجيني
اروحن الوين...؟
منقذي من الظلام.
ريناس:
ام ادهم: ها ماما تجي صديقتج لو بطلت
.. لا ماما حتجي
.. يله لعد كومي حضري الضيافه فشله ماما من صديقتج
... تمام حبيبتي
طبكت ملازمي وكمت سبحت ولسبت ثوب خفيف عدلت شعري ونزلت اليوم تجي منار لكيت امي محضره الكيك والكليجه وجاي تسوي بالعصير من النوع امي تحب خطار يجونه خصوصا اذ كانن بنات بعمري تحب لمات البنات تحس نفسها من كصتهن
... عوفي ماما اني اكمله
... ماعندي شي حبيبتي روحي كعدي
ندك الباب امي باوعتلي واشرتلي اروح افتحه فتحت الباب صارت بوجهي منار مبتسمه شبكتها واني اضحك
... تفضلي تفضلي
.. زاد فضلج يعمري
سياره وراها سوده ماكدرت اشوف الي بيها لان جانت مظلله رغم احس نفسي شايفتها بس ماتذكرت وين كلت اكيد بالشارع وعاي تشبها شخط السياره ومشه
.. منو هذا الي جابج
.. اخوي
طبينه للبيت نسولف كعدنه بالصاله شويه واجت امي جابت الضيافه
.. ياهلا بالي جاينه هلا بمنوره ماتتصورين شكد حبيتج ع كد ماتحجي بيج رنوس
.. ههه بعد گلبي خاله فدوه لعيونج ادري معمل كيك لو عائله
ضحكت امي ع سوالفها وهيه نطلقت ويه امي سوالف وضحك اصلا نستني ومن شافت امي شلون حلوه ومبينه صغيره تخبلت عليها
.. خاله بربج خل اخطبج لابوي
... يااا خل يسمعج عمج ابو ادهم
.. عليج الله عمي عبدلله هيج حلو
... ولج ابوي يخبل جنه ادهم
.. هو اني شايفته ادهم ماشايفه بس ابو عيون الخضر العائله كلها عيون خضر
ام ادهم: لا لا ادهم عيونه زرك ع ابو والبنات هم نرجس وجود عيونهن زرك بس عندج رهف صفر مدري جوزي ودانيا رصاصي
... اللهم صلي على محمد وآل محمد خاله بربج ماتنطينه خل نغير نسلنه لو اصير جنتج اختاري
... ولج شنطيج كلهن مزوجات صيري جنتي احسلج
.. خاله والعباس قفلت عليج ادري شنو كيك انتي والعباس موش مره حلغوم
ريناس: ياا باع شلون تتغزل
... ولج خاله خل اخذج لابوي وعلي اسمر يخبل چا هو الاسمر المملوح ينحط ع الجرح وشيخ بعد شتردين
اباوعلها خربانه ضحك شلون اسولف بجديه شو هاي صفنت وكملت
.. لا لا مو لابوي ماخذ ثنين مايفيدج تجيني امي ترفه تخنكني لا لا اخذج لاخوي غيث يمه بعد گلبي يلفج جوه عباته وياخذج شايفته من يطب هو وابوي سوه وهو لابسلج العبا والعكال وهيج يشيل العبا يخليها جوه اديه فدوه لطوله شسوين بابو عيون الزرك مايحتاج انتي حلوه غيري اخذي الاسمر ابن الجنوب
اباوع لامي منطلقه وياها ومكيفه عليها
ام ادهم: شو ولج قنعتيني يله اريد اخوج خل يجي عبدالله اطلكه واجي وياج هم صدك
.. بس هاا متزوج تره يله الشرع حلل اربعه يوم الج ويوم الها
ريناس: هلووو هلوووو بحجايه وحده بعتي ابوي خل يجي اني الجن
منار: اخذ امج منج وانتي ابقي لا لا ولج اخذج لجسار بعد گلبي كلبه
... اعععع ماريده واتصيرين حماتي ماعوزني
جاي نسولف مامنتبهين وطب ادهم وظافر جفت ادهم يغني ويتمايل بجسمه وظافر يطك اصبع
ادهم: لما يهل الورد البلدي
كل الورد يخاف
بالعربي الي م شافش العربي..
يبقى لاعاش ولا شاف
ابن بلادي يامالك قلبي..
يامحلي الايام
سكت بعد ماانتبه لمنار كاعده دنك راسه
.. احم السلام عليكم
ردينه السلام بس منار الفاهيه ضلت بس ترمش صعدو لغرفتهم وامي صعدت وراهم بعد مااادهم صاحلها كرصتها
.. شبيج يافاهيه
.. هذا منو
.. منو منهم
.. الي يغني
.. ادهم ليش
ضربت كصتها حيل
.. ولج هذااا نفسه الي حجيتلج عنه بشقه جهاد بيوم ماجفتت عليهم
... لا عليج الله
.. وعلي خرببب حضيييي
ضليت اضحك عليها وهيه كل ساع متذكره موقفها وتصيح خرب حضي شلون فشله مر الوقت واحنه نسولف ونضحك الى ان خابر اخوها عليها ترخصت تروح رغم امي واني شكد توسلت بيها تبقه بس ماقبلت
طلعت وياها اوصلها للباب واكفه اودعها لمحت ليث واكف بالباب وطلع ادهم يركض بملابس الدوام صعد للسياره وتحركت حجينه بوقت واحد
.. اهوووو هم ليث الغثه
وحده باوعت بوجه الثانيه نضحك لان حجينه سوه
منار: لحضه لحضه شعرفج بليث الغثه
... يبووو اموت منه ولج فد غثيث وماينبلع ابددد وشلون ماعرفه وهو صديق ادهم
... بس لا هم كاسر ايدج
.. عزاا لا ولج رزلني مره مافهمت شنو تكولين كاسر ايدج
