Fatima_Al-juboory
أنـا لا أعيش يومي أنـا أنجو منه فقط .
منقذي من الظلام.
بقلم فاطمه الجبوري.
ريناس:
كعدت منزعجه من اشعه الشمس الي تضرب بعيني باوعت نرجس ماهيه يمي والبرده شايلتها عرفت نرجس هيه الي موخرتها
جانت الساعه بـ 8 الصبح كمت للحمام غسلت ونزلت سمعت صوتهم بالمطبخ دخلت جانت امي ونرجس يسون بالريوك وابوي وظافر كاعدين منتضرين الريوك علمود يطلعون للدوام وادهم كاعد يلعب بالفون
... صباح الخير
الكل: صباح النور
دخلت كعدت يم ادهم الي عينه بالتلفون ويتبسم سحبت الكرسي وكعدت شفته خرج من المحادثه وخله التلفون ع الطاوله خلا ع الشاشه
نرجس: بابا اريد ريناس تجي يمي كم يوم دام احمد راح ينزل يبفه عشر ايام اريدها يمي تره ماصايره بس محبوسه بالبيت
ام ادهم: علوا والله ييمه تعبت واني اكللها اطلعي ماتقبل
أبو ادهم: عادي خل تروح وياج
ام ادهم: طلعيها فرريها خل تختلط بالناس
نرجس: هو اني هيج اريد اسوي
جنت اسمع بس مالي خلك اجاوب بس عيني ع تلفون ادهم الي كل ساع اجايته رساله وهو بس يرفع التلفون يعكسه عني ويقره الرساله بساع ويرجع التلفون ع وضعه ماجان يجاوب بس يبتسم
خلن الريوك امي ونرجس كعدنه ناكل اباوع ع ظافر عينه ع ادهم ويعوج بحلكه باوعت لادهم جان صافن ع الكوب وكامش الخاشوكه يلعب بيها وهو صافن بغير عالم اصلا والضحكه شاكه وجها
ضحكت ع شكله والله ياادهم اكص ايدي اذ، طلعت ماعاشك باوعت لنرجس وغمزتلها اشرت ع ادهم شافته وضحكت
نرجس: خويه ادهم ماتطيني الشكر من يمك
ادهم: دللي
هيه طلبت الشكر شال الخبر انطاهيا باوعتله صفح واخذته منه
ام ادهم: يا ادهم كالتلك انطيني شكر شسوي بالخبر
.. ها مانتبهت
ابو ادهم: حقك سالك ساعه صافن بغير عالم
ظافر باستهزاء: ي محتار بزمانه خطيه
ادهم: نجب
ريناس: ههههه ادهم اول ما كعدت لسه اباوعلك صافن وتضحك
باوعلي وسكت دنك ياكل بهدوء كملنه اكل ابوي وظافر طلعو للدوام وطبعا قبل لايطلعون لازم ناخذ، حصتنه من حنيتهم طبعو بوستهم ع خد كل وحده بينه وطلعو ادهم كمل اكله وكام غسل اديه رجع سحب تلقونه من الميز واتجه لامي باس راسها وباسها من خدها
... اني طالع يوم يمكن اتغده بره لاتنتضروني
.. محروس بالله وليدي
.. يالغاليه
كرص نرجس من خدها وباسها
.. وانتي ديري بالج ع رنوس واذ تردن تطلعن خابرني اجي اطلعجن دام ماعندي دوام
... يحبيبي ربي لايحرمنه منك
.. حبيبتي ولا يحرمني منج
تقرب عليه باسني بخدي وطلع شكد مااوصف حنيه ادهم مستحيل اكدر اعبر عنها
نرجس: يله حبيبتي ريناس روحي حضري غراضج جمعيهن وتعاي بين مااغسل المواعين وانضف البيت ونطلع
.. تمام
ركضت جمعت ملابسي وغراضي بجنطه جبيره يمكن جنت محتاجه هاي الطلعه كملتهن بدلت وشديت شعري لفوك اسمي ذيل حصان كلش احب شعري من اسوي هيج وهو طويل كلش طولان يصير حلو نزلت لكيتها مكمله ومبدله ملابسها
.. يله كملت
... يله حته اني
... منو ياخذنه
... اجه ادهم راح يوصلنه
... بس هو مو طلع
.. اي كتله يجي يوصلنه
سمعنه دكه هورن عرفنا ادهم طلعت هيه واني طلعت وراها اسحل بالجنطه سحل وصلت للسياره فتحتها وشمرت الجنطه ضحك ادهم
... جنج نمله تسحل بجنطه شكدها
.. ههههههه يااا ادهم شهل وصف
... يله اصعدي
صعدت وصلنه ادهم لبيت نرجس ومشه طبيت اسحل بالجنطه تلكتنه رنوسه تركض وهيه فاتحه اديها لامها شالتها تبوس بيها
نزلتها نرجس ودخلت لغرفتها اجت عليه تركض شبكت رجلي ضحكت ودنكت شلتها بوستها كعدت ع الكرويته العب بيها واضحك سمعت صوت احمد من وراي
... ياهلا بريناس نور البيت شلونج
درت وجهي اباوعله جان طالع من غرفته مبين جان نايم لان شعره مخربط وعيونه مورمه
... هلا بيك خيي البيت منور باهله شلونك شخبارك
.. الحمدلله بخير انتي شلونج شخبارج
... الحمدلله بخير
طلعت نرجس من الغرفه بيدها ملابسه العسكريه انطتهيا دخل للحمام يسبح علمود يلتحق لان اليوم نزوله للدوام
... نرجس اريد ارتب ملابسي وين
.. حبيبتي غرفه رنوسه روحي فرغي كنتور من الكناتير وصفطي ملابسج
دخلت للغرفه فرغت كنتور من كناتير رنوس ورتبت ملابسي وغراضي كملت سحبت التلفون وكعدت اكلب بي صارلي هواي ماكامشه التلفون ولا ادري عنه
دخلت ع الانستا ضليت اكلب استوريات الناس وكلبت ستوريات البنات الي متابعتهن صار عندي واهس انشر ستوري جنت لابسه قميص نص ردن ابيض وبنطرون اسود
وكفت ع مرايه ريناس طولانيه سحبت شعري وخليته لكدام واخذت صوره صارت كلش حلوه كتبت عليها مقاله
«سنلعب كما يلعبون وبحجم الالم سيكون الانتقام»
