Fatima_Al-juboory
"حتى لو اقتضى الأمر أن تخلع قلبك وتمضي من دونه، افعلها ولا تمضي مثقلًا هكذا."
ريناس:
كملت دروسي جاي الم بالاقلام علمود اطلع من المعهد دك تلفوني رفعته جانت نرجس انطيته رفض وكملت لم غراضي علمود اطلع واخابرها
طلعت من المعهد وكفت بالباب انتضر ظافر يجيني خابرت ع نرجس بين مايوصل ظافر رنتين وجاوبت
.. الووو
... هلو ريناس
.. هلو حبيبتي
.. اكلج اليوم اريد اطلع للمول ضايجه كلت اخذج وياي تجين3
... لا والله مااكدر لان عندي دروس
.. ها يعمري ع راحتج شدي حيلج
.. حبيبتي
نهيت المكالمه ويه نرجس وبقيت واكفه باب المعهد انتضر ظافر يتاخر عليه يله يجي بهل اثناء واني واكفه مر من يمي شخص خلاني واكفه مصدومه من شكله
ماعرفت شسوي مجرد شفته ضليت واكفه بمكاني اريد اتحرك اريد اتقرب اتأكد من الي شفته ماكدر ضل واكف قريب مني بس مايباوع لجهتي
لتفت لجهتي هنا حسيت رجفه سرت بجسمي واني اشوفه نسخه من جمان بس هذا ولد اريد اتقرب منه ماكدرت ابتعد عني يريد يوكف تكسي
ركضت علمود اوكفه اريد اتاكد منه بس للاسف كان بعيد عني صعد بالسياره ومشت حاولت اوكف السياره بس ماوكفت
كعدت بالكاع مهدود حيلي كل ذكره ويه جمان رجعت عليه كل لحضه كل سالفه رجعت عليه كأن هل شخص رجعلي ذكريات جمان الي تناسيتهن
تمنيت اوكف ويا اسولف ويا تمنيت اضل اباوعله لوقت طويل اريد ارجع ملامح جمان لبالي من خلال هل شخص اريد اطبع ملامحها ببالي
بس للاسف ماكدرت اوكفه كاعدت بالكاع ارجف مشتاقتلها مشتاقه لبان شصار بحالهن وين هنه هسه احس حيلي باد رجليه مايعينني اوكف
حسيت بشخص خله ايده ع متني رفعت راسي اباوع لظافر واكف وراي انطاني ايده كومني صعدت بالسياره بس بالي ابد مو يمه شكد جان يحجي وياي بس بالي مو يمه
وصلت للبيت كبل نزلت صعدت لغرفتي لابيه انام ولا بيه اكل ولا اكدر ادرس بالي متشدد اشتياق لجمان وبان خوف من ذكريات ذيج الايام
حاتم الاء خاله ام نور قائد الي شفته بس مره وحده شصفه بي الدهر ام نور والاء الي ماتن حاتم وقائد بان جمان ماعرف شنو صفه بيهم الدهر
شنو حالت حاتم ورجله متصوبه ومتأذيه كوثر الي ضلت ويه حاتم
كمشت ايد بايد احاول اثبتهن بعد ماشفتهن يرجفن بصوره جنونيه رجفه جسمي زادت حسيت بنفسي اختنكت كلش
كمت توضيت وصليت لان ماجان بيدي شي غير اتجه لربي هو الي يقويني وينسيني قريت قران لروح ام نور والاء وقريت قران لحاتم وقائد وكوثر وبان وجمان هديته اذ كانو مستشهدين ف لروحهم تنزل سكينه واطمئنان واذ كانو عايشين ف هو ليوفقهم بحياتهم
طبكت القران ولميت السجاده وكمت نمت مابيه حيل اقره
ثاني يوم كعدت من النوم نزلت جوه اشوف امي مخبوصه وتلطم ابوي وظافر يهدئون بيها ويصيحون لاتفاولين عليه لا تفاولين كومي لبسي خل نطلع
حيلي باد ماكدرت اوكف ع رجليه كعدت ع الدرج من شفت منضرهم خايفه ع ادهم خاف بي شي حجيت بصوت يرجف
.. شكو
الكل دار وجها عليه امي لطمت وحجت
.. احمد رجل اختج متصوب كومي لبسي وروحي لاختج الي راح تموت
مابيه اوكف ولا بيه احجي طلعو يركضون صعدو بالسياره طلعت وراهم من دون ماابدل صعدت
ذبوني بيت نرجس وهمه طلعو للمستشفى البيت فارغ نرجس ماكو رايحه بس ريناس بتها بي تبجي كعدت اهديها واحاول العبها واني بالي متشدد اصلا مو يمها وهيه بس تبجي وتصيح ماما وين
حاولت وياها كوه نامت خليتها بفراشها وذبيت نفسي ع التخم احس بنفسي ضايعه البارحه واليوم صدمه من وره صدمه ياالله دخيلك
ماحسيت بنفسي من نمت صحيت ع صوت بالبيت كعدت لكيت نرجس بالبيت تبجي وامي واخواتي يهدن بيها كمت كعدت حجيت بخوف خاف احجي ويصدمني
.. شلونه احمد شبي
ام ادهم: مابي شي الحمدلله سووله عمليه وصحه بس ماخلونه نبقه لان المستشفى نترست زلم وضباط أصدقائه رجعونه وكالو من تخف نجي ناخذجن
مر اليوم بطئ وملل كلش نرجس بس تبجي وخايفه ع احمد رغم خابرو وكالولها صحه ومابي شي بس هية خايفه عليه
ثاني يوم راحت اله شافته بالمستشفى من شافته مو كلش وضعه خطير يله هدئت شويه
رجعت للبيت لان عندي تحاضير بالمعهد حاولت اطرد كلشي من بالي واكعد اقره
مرت الايام وضع احمد تحسن نسيت او تناسيت سالفه الولد الي شفته الي يشبه جمان تناسيته وحاولت التهي بدراستي واني ادعي من ربي يجي يوم والتقي بجمان وبان
قربت موعد الامتحانات وجان الوضع كلش متوتر كلش خايفه ومتوتره اهلي يحاولون يهدوني ويشجعوني دائما ظافر وادهم وابوي ينطوني حافز يرفعون معنوياتي مثل
.. املنه بيج
