Fatima_Al-juboory
ريناس:
حسيت نفسي بلشت ارجع للواقع اسمع اصواتهم اسمع حجيهم وهمه ينادوني بس مابيه احجي حجايه
بعد مرور وقت صحيت لكيت نفسي بحضن ابوي والكل ملتم يمي مجرد باوعت عليهم حسيت كلمه ابوي رنت بعقلي
... طالبو بدم ولدج ثنينهم وفصليه
سحبت نفسي من حضن ابوي ماكدر ابقه يمهم اكثر باوعت عليهم كلهم يباوعولي باستغراب من دون مااحجي وياهم اي حجايه
صعدت لغرفتي مارديت ع اي واحد خليتهم يحجون وياي يردون اجاوبهم بس مارديت ع اي شخص
صعدت لغرفتي وقفلت الباب اريد اشرد من واقعي هذا اريد ابتعد عنهم اريد استوعب شنو الي جاي يصير بيه وليش اني بالذات كل هذا صار وياي يمته اكدر اخلص من هذا كله يمته اكدر ارتاح
احتاج العزله قليلا لافهم ماذا سيحدث لي اريد الهروب من هذا العالم المخيف المرعب الذي اصبح يحاول نهش جسدي وعقلي المتعب
اتمنى الهروب من هذا العالم بالكامل اتمنى فقط الهروب والعزله بمكان هادء بعيدا عن اصوات البشر المزعجه بعيدا عن الفوضى المريبه التي تحدث داخل عقلي المتعب
احاول فقط احاول الهروب لكن لايمكنني سوى الجوء الى هذا الغرفه بين اركان هذا الجدران الاربعه تحت هذا السقف المخيف
داخل الغرفه المظلمه التي لاطالما احاول ان اهرب والجئ اليها احاول ان اجعلها مظلمه لكي اهرب من الضوء الخارجي الذي، لاطالما يشعرني بالخوف والارتباك
الى الان لم اتخطى ذالك الظلام الى الان لم استطع النسيان ابدا ماذا فعلتم بي ماذا تريدون مني اكثر
دقائق مو اكثر سمعت طرقات الباب الخفيفه وصوتها الخافت الي يناديني من وره الباب
نرجس: رنو رنوسه حبيبتي تسمعيني افتحي الباب
ماجاوبتها ولا اكدر اجاوب عليها مشيت بخطوات ثقيله وكفت وره الباب اسمعها رجعت صاحت بنفس نبره الصوت
نرجس: ريناس حبيبتي اخيتي انتي افتحيلي الباب بس احاجيج
سمعت صوت جود يمها حجت بصوت خافت
جود: نرجس ليش ماجاي ترد اخاف صار عليها شي لا سامح الله ريناس ابد مو ع بعضها خايفه عليها
نرجس: اني اكثر خايفه عليها ريناس لسه ماتخطت ولا راح تكدر تتخطى السنتين الي كضتهن بيد داعش تحاول تتظاهر هيه نست او تعايشت بس ابد مانست دائما منتبها عليها اقل شي او اقل موقف يصير تتذكر والتخيلات ابد ماجاي تفاركها
جود:مو كلش منتبها عليها عبالي نست بس من تصفن او من يصير موقف اي انتبه عليها
نرجس:منتبهتلها اني ومنتبها لكل حركه ريناس كلش جاي تتأذه والي يأذيها اكثر الكتمان
جود:الله كريم
جنت واكفه اتسمع الهن فعلا كلام نرجس ماتخطيت ولا اكدر اتخطى رجعت دكت الباب بس ماكنت اجاوبها خاله اديه ع حلكي امنع شهكاتي العاليه
سمعت صوت خطواتهن وهنه يبتعدن عن الغرفه بعد ما ايسن انو افتحلهن الباب
كعدت بالكاع ورتكيت ع الباب علت شهكاتي وزادت دموعي بالنزول امسح بالدموع وينزلن غيرهن الى ان سمعت صوت خطوات تتجه الى الغرفه
كتمت صوت شهكاتي بعد ماسمعت طرقات الباب وصوت ادهم وره الباب
ادهم:ريناس حبيبتي فتحيلي الباب بس حجايه وياج ورجعي
ماجاوبته ضليت ساكته سمعت صوت حسرته القريبه من الباب ورجع حجه بس هل مره كانت حجايته بتوسل
ادهم:ريناس حبيبتي فتحيلي زين لا تفتحيلي الباب بس حجايه منج خليني اتطمن انتي بخير رنوسه باباتي بنيتي انتي لاتخوفيني عليج يكفي الي بكلبي
فتحت الباب وشمرت روحي بحضنه ابجي بحركه والم ابجي ع كل لحضه وكل شي صار بيه
شد قبضته عليه واسمع صوت شهكته بالبجي طبع بوسه قويه ع راسي ورفع راسي، بايده لتقت عيوني بعيونه
مسح دموعي بطرف اصبعه واليد الثانيه مايكدر، يحركها يحجي ومبين المها من تعابير وجها الي تنشد بقوه والم وترجع ترتخي
ادهم: ريناس جاوبيني ليش هيج صار بيج ريناس انطيتج وعد محد يتقرباج لا الج ولا لظافر راح الهم واحد انطيهم ركبتي سد بسد
ريناس: وشلون يهونلي تموت خل ياخذوني اني يكتلوني اقبل اني اقلها تعبت اريد ارتاح
ادهم: اششش اسم الله عليج من التعب يعمر اخوج لاتحجين هيج ليش من شنو تعبانه
ريناس: تعبت كلش تعبت ادهم احتاج طبيب احتاج طبيب نفسي اريد اتعالج من هل اوهام الي جاي اعيشها من هل تخيلات من الرعب الي جاي اعيشه اريد انسه ايام داعش
ادهم: من هاي العين قبل هاي العين بس خل تعدي هل فتره والله كريم
ريناس: اريد ظافر واريدك ماريدكم تروحون عني اموت والله
جر حسره وطببني للغرفه وطبك الباب وره برجله كعد ع الجربايه واشرلي بايده اكعد قريب منه تقربت منه وكعدت كمش ايدي وحجه
ادهم: ريناس لو بيدي ماعوفج دقيقه لو بيدي ادخل الحكومه مو بس هيه ادخلها لا ادخل كلشي وادخل كل الرتب في سبيل ابقه يمج بس ذوله ناس الهم سلطه وجبروت تعرفين شنو الهم سلطه كلش جبيره بالحكومه وبالعشاير بس رغم هذا رفضو الحكومه تدخل طلبوها عشاير لان همه شيوخ
