Fatima_Al-juboory
مرني تلگه أنسان يستاهل تـعذره !
جهاد:
كاعد مقابيلها مبتسم احس شوفتها تردلي عافيتي تكطع بالعجين وتباوعلي وتبتسم وجها المجعد عيونها الذبلانه اكبر دليل ع كبرها وشيبها كملت غسلت ايدها تريد تكوم تعلك التنور علمود تخبز
تقربت عليها خليت راسي ع رجليها وغمضت عيوني اريد اعوض كل يوم اني بعيد عنها كل لحضه مو يمها
خلت ايدها ع شعري تمسد عليه بحنيه حجيت واني مغمض
... كل مااكبر احس نفسي بعدني ذاك الطفل الي يضيع من دون امه
.... ربي لايحرمني منكم
... ولا منج يالحنينه
دخلت منار وزينب مرت غيث ضحكن من شافني
منار: باوعي باوعي الحنيه يمه تره اغار شنو هاااي وخر جهااد عن حضن امي
اجت دفعتني وتريد تاخذ مكاني بحض امي دفعتها بالضحك
... وخري وخري عن امي روحي لامج هم عندج ام ولاحكتني ع امي
... مااااا وخرررر چا هاي مو امي
... لا هاي مرت ابوج مو امج وخري
ام غيث: يا ولك جهاد عوفها تعاي بنيتي تعاي6
زينب: هههه خاله اني راح اخبر جنهم اليوم مايعوفوج ونضل بلا خبز
ام غيث: الله يرضه عليج يبعد گليبي
شالت الصينيه وطلعت تضحك ومنار عوجت شفايفها بزعل وهيه تباوع عليه ضحكت وسحبتها لحضني
... تعاي انتي مكانج هنا بحضن اخوج
... يبعد عمري حزام ظهري
ام غيث: ربي يزيد المحبه الي بگلبكم ويبقيكم سند واحد يسند الثاني
... امين
جهاد: ترفه
... ياولك شمالك شنو ترفه ماتكول يمه
... چا مجذب مو انتي اسمج ترفه
ام غيث: هسه يله احجي شرايد
... يمه شلون حبيتي ابوي
...مامليت ع كد مااحجيلكم
منار: يمه والله لو شكد ماتعيدين بيها مانمل كلش احب قصتج انتي وابوي كلش اتمنه واحد يحبني كد ماابوي يحبج
كفختها ع راسها وضحكت
... يله يمه احجي اريد اسمعها
بدت امي تحجي ونفس كل مره نسمعلها كأن اول مره نسمعها
ام غيث: حامد جان هو وابوي رفگه الروح بالروح رغم فرق العمر بينهم بس ابوي جان يعتبر حامد ابنه لان من صغره هو مرافك اخواني وابوي وضل وياهم الى ان كبر ابوي شيخ وجدك ابو حامد شيخ جانو رفكه الى ان بيوم جدك ابو حامد توفه وبعد مده حامد استلم الشيخه
كثرت جياته النه وكثرت جيات ابوي لحامد باعتبار شيخ يطلعون سوه فصل وغيرها جنت اني اسمع بحامد ماشايفته الى ان يوم من الايام ليش ماابوي واخواني يعزمونه يمنه
كالو راح نعزم شيخ حامد واخوانه هنا صدك والله ثاني يوم حضرنه وطبخنه بيومها اني تعاركت ويه امي نغثيت حيل تريدني اغسل الحوش واني مالي خلكه رزلتنه كول كامت ترفه تحزمت تغسل وهيه منا ضايجه تنافخ وروحها بخشمها
ليش ماشلت سطل الماي وچبيته بقوه قريب من باب الديوان ردت اغسله عود وصوني لاتوصلين ليم الديوان بس نسيت شلت السطل وچبيته حيل ردت اطلع قهري
مااحس غير ع صيحه شخص خلاني افز مرعوبه ع صيحته
حامد: شبييييججججج ثوووله
رفعت راسي اباوعله خازرني دشداشته البيضه صايره سوده من الطين من فشلتي مااعرف شسوي ضليت واكفه بمكاني نسيت نفسي محزمه بالشال شعري ورجليه طالعات خزرني بقوه وصاح
... طبيييي جوووه
ركضت للمطبخ اباوعله من الشباج وكف ع المغسله يغسل بدشداشته ويسب ويغلط من يومها صار كل مايشوفني يصيح عليه لو يخزرني ربك ذب عليه كرها صرت اشوف دم سنوني ولا اشوف حامد
بيوم جنت بالبستان مالتنه مامنه البستان مسيج وماكو احد الفلاليح ماهمه بوقتها جانت اكو مرجوحه ابوي ناصبها الي بالبستان من جنت صغيره لحد ماكبرت
فليت شعري وهو طويل بزمنه امهاتنه يحطن حنه الشعرنه بحيث تشوف الوحده شعرها لحد ركبها مغطي ظهرها ليكول عبايه
جنت اغني واهز بنفسي وفاتحه شعري واغني مااحس اله نسحبت من شعري بقوه من وره لطخت بشخص همس باذني بنتر من سمعت صوته جمدت بمكاني خايفه منه شجابه لبستانه
حامد: لمي شعرج وستري ع نفسج لا ادفنج بمچانج
تخبلت منه شلون يحجي هيج وشلون يكمشني من شعري واني بت الشيخ واني وكحه وملسنه كمت عليه ضربته راشدي وصحت بوجها
.. منوووو انت وتمد ايدك ع ترفه بت الشيخ علوووان ايدك اكسرها الك
صيحت بوجها ونثرت شعري كدامه هو نجن شلون امد ايدي عليه وشلون احاجي هيج من شفته هيج ركضت شردت منه حته حجابي ماخذته خايفه منه وهو يتوعد
ثاني يوم جانت صدمه الي من اجه ابوي وكال شيخ حامد طالب ايدح وجايب شيوخ ويا وماكدرت ارده وانطيتج اله
بوقتها بجيت وصيحت ردت اكتل روحي لان مااحبه واخاف منه وادري بي خطبني علمود يعاقبني ضليت اسبوع لا اكل ولا شرب متت بوقتها
اهلي صح يحبوني بس مايكدرون يكسرون كلمتهم لان انطو كلمه ولشيوخ نجبرو وقبلت من شفت ابوي سائت حالته خفت عليه يصيرله شي
