Fatima_Al-juboory
اعوضكم انشاء الله بهذولي البارتات✨
.... إن اللّٰه معنَا في كُل مرّه ومُرّه .
ريناس:
... اكضج لو تطيرين لسابع سمه
سمعت ضحكه زمرد الي خلت الكل يباوعلها بنضره وصخه
.... هههههههههااااااايييييي اووووي رينااااس يله اسرعي شهل فهاوه
درت وجهي عليها مصدومه من وقاحتها وسخافتها كدام العساكر رجعت لوره بخوف من شفت جهاد عيونه نكلبن حمر نزلت نضري ع ايده الي شد قبضته بقوه والاورده بانت
كمشت ايد زمرد قوي وسحبتها من نصهم اريد اخلص نفسي من الورطه الي خلتني بيها اني مو هيج ليش مشيت وراها اتمنه الكاع منشكه وبالعتني ولا هل موقف السخيف الي نخليت بي
مجرد مابتعدت عنهم درت وجهي عليها صحت بوجها بغضب
... زمرررد ياااحقيرررررره ليشششش ليششش شسويتلج وتخليني بهيج موقف هااااا فهمينيييي
كمشت ايدي وحجت
... ريناس فدوه لاتزعلين مني والله مو قصدي احرجج بس اريد اقهر هذا الخبيث
... تقهررري تقهريييي بيه تقهرييي تحرجييني تخليني بهييججججج مووقف كدام هل جنود والضباط كلهاااااا زمرررد
... ريناس
... اشششش ولا كلمه اني الج
دفعتها بقوه وركضت لاتجاه الشارع اريد ارجع للبيت عيوني غوشت بسبب الدموع امسح بالدموع وتطيح من جديد
جانت تصيح وراي تريد اوكف بس ما وكفت عبرت الشارع مااهتميت للسيارات الي جانت تمشي
وكفت بالسايد الثاني انتضر سياره صارو بوجهي جهاد وجماعته يباوعون لاتجاهي ماهتمي الهم بقيت واكفه انتضر سياره
اجت زمرد رادت تحجي وياي كمشت ايدي تحاول اهدء لان جنت فعلا منهاره من تصرفها والموقف الي نخليت بي حسيت نفسي فشلانه من الموقف
... ريناس بس اسمعي
... زمررررررد ولا كلمه
ماهتميت للشارع ولا للناس الي واكفه تباوعلنه باستغراب من حالتنه دفعتها بقوه وكفت تكسي حجيت بشهكه
.. عموو وصلني لل**
جان السايق مستغرب من حالتي
... شبيج بابا ليش هيج تبجين صايرلج شي احد متعرضلج
... لا عمو فدوه بس وصلني وخلاص ماكو شي
ماجاوب عليه وصلني انطيته الكروه ونزلت بالباب مسحت دموعي احاول اهدء نفسي وابين مابيه شي دخلت من باب المطبخ ع امل مااشوف احد من اهلي ويسئلوني بس للاسف لكيت الكل كدامي اول ماشافوني سئلوني مستغربين
ام ادهم: يمه شبيج ريناس
.. ماكو شي يمه والله ماكو شي
ابو ادهم: جا ليش هل بجي شكو
... ضاعن فلوسي واني ردت اروح للمول تالي مارحت
قبل لايجاوبون عليه مشيت ردت اعبر بس وقفني ادهم
... وهيج تبجين ع مود الفلوس ولا يهمج حضري نفسج باليل اهذج وافررج المكان الي تردي
.. لا خويه شكرا مالي واهس بعد اريد ارجع انام
عفتهم وصعدت للغرفه اول ماطبيت شمرت الجنطه ع الجربايه وكعدت ابجي خايفه من جهاد شرايح يسوي بيه خايفه من زمرد لاتطيحني بمشكله مستحيه وخجلانه من الموقف الي صرت بي
ندكت الباب عدلت كعدتي ومسحت دموعي احاول اهدء نفسي سمحت للطارق بالدخول نفتح الباب ودخل ادهم عرفت هل شي مايعبر ع ادهم دنكت راسي حسيت بي تقرب مني كعد بصفي وسحبني لحضنه رفعت راسي اباوعله منتضرته يحجي
.. ريناس
.. هاا
... ريناس اني ثاق بيج ومنطيج كل الثقه ماريدج تخربينها ولا اريد اضوجج بيوم ولا اريد يجي يوم من الايام اخسر هذي الثقه واتندم لان انطيتجياها
.. ادهم ليش تحجي هيج
... اكلج شي بس ماريدج تزعلين مني ولا اريدج تضوجين مني
.. كول اسمعك
.. اريدج تبتعدين عن زمرد كل البعد ريناس زمرد انسانه مريضه وراح تخليج تتمرضين بنفس مرضها انسانه عدها الحرام حلال شتتوقعين من انسان هيج شتتوقعين من انسان بلا اخلاق شتتوقعين من انسانه تسوي علاقات ع النت وتذل نفسها
من سمعت كلام ادهم عرفت بي سامع شي او شايف شي عن زمرد معقوله جهاد حاجيله او منبها لان جهاد هو وادهم يشتغلون بنفس المركز من الممكن يكونون ع معرفه
... ادهم ليش هل حجي جاي تحجي زمرد صديقتي ومن زمان ع علاقه وكلكم تعرفون بهذا الشي مو جديده عليكم وتوك عرفت بيها ليش هسه جاي تنصحني
.. ريناس ماريدج تتعلقين بيها ولا اريدج تمشين وراها ريناس الحجي الي وصلني عليها هسه كافي انو امنعج عنها ولو اطر الامر انو استعمل وياج القسوه علمود امنعج عنها مااراح امانع استعمل وياج القسوه في سبيل ابعدج عنها خلينه اصدقاء وخليني منطيج الثقه الكامله وابتعدي عنها تعاي سولفيلي فتحيلي كلبج صدكيني ماراح تلكيني اخو لا راح تلكيني صديق وحبيب وكل شي تتمني اكون الج سند وحزام ظهرج لاتتصورين يجي يوم وتتخيلين نفسج بلا سند اله اذ لا سامح الله متنه بذيج الساعه تكونين بلا سند
.. اسم الله عليكم ادهم شهل حجي
... ريناس حبيبي ابتعدي عنها
