Fatima_Al-juboory
يا لذيذي يا تعب چفي وربات عيوني.
جمان:
عكد حاجبه باستغراب
... وين جنتي؟
دفعت ايده مني وتقدمت كعدت ع التخم وهو واكف بمكانه مستغرب مني ومن تصرفاتي
رجعت نفسي وارتـگـيت بأريحيه وطبكت رجل ع رجل رفعت عيني اباوعله ساكت منتضر، مني انطق ابتسمت ونزعت القميص الي لابسته بقيت بس بالكيمونه
جمان: تدري الجو مووت حر وهذا القميص ثخين خـرب بيج زمرد
يباوعلي وهو مافاهم شنو جاي اسوي او وين اريد اوصل دنكت ع الحذاء انزعها ماخذه دور الرجل الشرس فعلا مرات اشبه نفسي بالرجل الشرس
رفعت راسي اباوعله عينه ع صدري شمرت الحذاء برجلي بعدتها ورجعت ضهري للتخم وخليت اديه منا ومنا واني اباوعله رافعه حاجبي وهو صافـن
... بااان جيبيلي قميص من يمج
باوعتله وحجيت باريحيه
.. تفضل ليش واكف
دار وجها عني وهو يمسح باقطرات العرق الي ماليه جبينه حجيت بمكر وخبث
.. صعب مو الجو حار ماتعلي السبلت من يمك او اكول لا كايمه افتح الشباك
كمت اريد افتح الشباك اول ماوصلت اله كمشني من زندي وقربني اله حيل وهو يهمس
... جمـاانه شعلتي شيب الخلفوي بهاي تصرفاتج
ضحكت تك خد ودفعته عني
.. مامسويه شي وخر اريد افتح الشباك
سحبني اله اكثر بحيث انفاسه تلفح بشرتي
.. وتفتحي بهذا شكلج
... شبي
.. جمااانه لاتغثيني تدرين الشباك ع الشارع كبل ليش تغثيني
... اممم ماغاثتك
.. وين جنتي وشنو الي يدور بعقلج جمانه
بان: احم جمانه هذا القميص
ابتعد عني منحرج منها وهيه تقربت انطتني القميص وخزرته
... انتتت والله ماتستحي
صعب: ليش؟
.. شكو هيج كامشها ومتقرب الها هل قرب وانتي ليش هيج لابسه
خزرته وطلعت ضحكت ع شكلها وهو صافن عليها دار وجه يباوعلي ماهتميت اله ولبست القميص كعد ع التخم
صعب: ماناويه تحجين وين جنتي
... جؤ جان عندي حگ هنا بغداد ف اخذته وخلاص
.. جمان
.. اممم
.. قوتج تخوفني
... ليش
.. لبوه شرسه
جمان: مهره مو اي خيال يگـدر يروضها
... احجي
.. يعني اليوم اله احجيلك
.. اي
.. امم تمام دامك اله تعرف
حجيتله السالفه من اول لاخر نقطه وهو صافن عليه ماحجه باي حرف
كملت ورجعت ظهري لوره وطبكت رجل ع رجل واني رافعه راسي لفوك احرك بي اريد اطك ركبتي باوعتله لسه يباوع عليه مصدوم خليت ايدي ع رجله وطبطبت
... مو جمان الي تعوف حگها وتروح والي بعد حگ بالبصره بس هذا الحگ كلش قوي بي كسر ضهور
... مو كتلج اخاف من قوتج3
ابتسمت واني اباوعله ضحك وباوع لوره يتفحص المكان سحبني لحضنه حضني حيل
... ولج خرب عقلج صيري شويه انثويه يمي شجاج احس، نفسي كاعد ويه جهاد بالعباس ابو فاضل نفس السوالف
دفعته وباوعت عليه
... شنو معرفتك بجهاد وشلون التقيتو وشنو صار، بيكم من جنه بالموصل قبل لاتعرفني
.. ليش
.. اريد اعرف هل صدفه شنو الي جمعت بينه كلنه
باوعلي لثواني واسترسل بالكلام
.. اني وجهـاد ومؤيد وحسام ربع من ايام الدوره العـسكريه صح كل واحد بمحافضه بس انجمعنه ب أيام الدوره العـسكريه صرنه ربع كعدتنه شربتنه اكلنه سوه نفس الرتبه جهـاد متعلق بـ مؤيد كلش
بعد ماتخرجنه وتعينه بكم سنه بـ وقتها رتبنه جانت نقيب بدت اوضاع الموصل تسوء يوم عن يوم بده داعش يتغلغل بصوره كبيره ف دواماتنه نقلت للموصل
بهل فتره جهاد تعرف ع ولد شاب اسمه لؤي وخلال واسطه جهاد ومعرفته كدر يعينه بالحشد بوقتها كلش تعلقنه بـ لؤي كل الموجودين يحبونه ومتعلقين بي
تخيلي من اتصاوب الضباط تخبلوا عليه وخصوصا جهاد محد يفهم هذا الحب شنو او شنو سببه اني واحد من الناي كد مامتعلق بي واحبه استغرب من نفسي ليش لهل درجه هو محبوب
سكت ثواني مسح عيونه بقوه واخذ نفس وكمل كلامه
بعد هل فتره جان هو يريد يخطب الي يحبها بس يخاف ينرفض لان سبق ونرفض بسبب حالتهم الماديه فـ قررنه احنه ناخذ مشيه جبيره ونروح نخطب بهل حاله ابوها يستحي من الشيوخ الي تجي
لمهم بعد ماخذنه المشيه وابوها شاف حالته الماديه تحسنت قبل بي وتمت الخطوبه تقرب موعد زواجهم واحنه الي دكينه صدرنه نشيل عرسه واحد جابله الغرفه واحد محضر العشه عليه واحد كذا واحد كذا رغم رفضه بس انكله هديه
بهل فتره جهاد ومؤيد استلمو اخطر مهمه بوقتها الي هيه يتغلغلون بمكان من انضمه داعش الي يتواجدون بي الروس الكبار
جمان: نفس المكان الي ريناس التقت بجهاد بي
.. اي نفسه
... كمل
... لمهم جهاد ومؤيد وياهم ضابط جان هذوله التلث ضباط جوه ايدهم تقريبا 50 جندي وضابط برتبه ملازم تدربو ودخلو دوره علمود يكدرون يتغلغلون من دون ماينكشفون
