Fatima_Al-juboory
لما شافني و باوَع لعيوني گال :
' شگد مَرَت عليّة عيون ما شفت بـ و لا وحدة هاللَمعة، أول عيون بُنيّة تكسر ع أحلى ألوان الدنيا.
ريناس:
اباوع ع نفسي بالمرايه وابتسامه مرسومه ع ثغري فرحه غامرتني بشكل موطبيعي
رفعت العطر رشيت منه ورجعته لمكانه عدلت شعري الاصفر الي طولان كلش رسمت شفايفي بروج احمر وختمتها بكحله
باوعت لنفسي برضى ونزلت الدرج بخطوات بطيئه متوتره احس صوت خطوات مشيتي واصله للاستقبال كمشت بالمحجر بقوه احاول اثبت نفسي غمضت عيوني بقوه واني اسحب بالنفس واتذكر كلماته
... راح تتسجلين باسمي ياوجع گلبي نحفر اسمج ع گلبي وراح ينحفر بظهر جنسيتي
كملت نزولي واني متوجها الهن صوتهن يجيني من الاستقبال وهنه يسولفن بصوت عالي صارت بنين ونرجس كبالي تقربت منهن واني اباوع عليهن بتوتر احس نفسي ارجف
نرجس: يله حبيبتي تعاي اخذي الضيافه الهم
... تمام
مشيت لمطبخ وره ترجس شالت صينيه الضيافه قدمتها الي وهيه مبتسمه بفرح بادلتها الابتسامه
وطلعت من المطبخ متوجها للاستقبال طبيت بخطوات ترجف صارت بوجهي منار ابتسمت الها وتوجهت لام غيث واني اكول
... السلام عليكم
الكل: وعليكم السلام
ام غيث: اللهم صلى على محمد وآل محمد لا نحسدج يا يمه
منار: هسه ع جمالها نحسدها هههههه
نرمين: منااار كضي لسانج
ام ادهم: ههههه خليها عادي متعودات ع بعض
منار: لا اني اشهد ع جمالها
قدمت لام غيث واني ارجف شعور اول مره احس بي حته من خطبني محمد ماجنت عايشه هل تفاصيل ولا حاسه بيهن
هل مره بحب عايشه كل لحضه عايشه كل التفاصيل بحب قدمتلهن كلهن كل الموجودات جانن امه ومرت ابو الي تصير ام منار اخواته ثنين نرمين ونضال ومنار الثالثه
طبت نرجس وبنين وهنه مبتسمات كعدن يم امي واخواتي الي اجن دانيا ورهف وجود لان جنه عدنه علم بحضورهم
كعدت قريب من نرجس واني اسمع لسوالفهن يحجن بمواضيع عامه واني مندمجه وياهن بكل حرف ينطقنه بس مااشارك الحديث جنت بس اسمع الهن
ام جاسم: وينها جنتكم
حجت امي وهيه تأشر ع بنين
...هذي مرت ادهم
ام غيث: ربي يحفضها إنشاءلله الولد الصالح
بنين: تسلمين خاله
نضال: ولو تأخرنه ماجينه من وقت نبارك الها ونوجب
ام ادهم: صدك جذب مابينه هل شي
حجت رهف وهيه تهمس باذني لان جانت كاعده قريب مني
...اي واضح اجايات توجبن
...سكتي ولج فضحتينه
ام جاسم: إنشاءلله اهل احنه
ام ادهم: إنشاءلله
حسيت بنرجس وهيه تهمس باذني
... غير يحجن بالموضوع ويفضني مو هسه ريناس تكعد ولازم اضل حايره بيها ومااسمع
... اني احس قطره دم ماضلت بجسمي ولا يكول خطوبه ليكول منتضره المحكمه شتحكم عليه اعدام لو مؤبد
رهف: اعدام حبيبي اعدااااام
.. صووووتج نفضحنه
نرجس: نفس شعورج بالضبط من اهل احمد اجو يخطبوني ابد ماانسه ذاك اليوم بعد الحب والتعب الي تعبته واني احبه جنت اراقبه من بعيد لبعيد قبل لا يعترفلي جان من يمر من يمي يسحل گلبي ويا ويروح هو وبدلته العسكريه يبوووو خو من اعترفلي يمكن شويه واطفر عليه ابوسه بشفته مدري شلون كمشت نفسي وبعت ثكل براسه
... هههههه نرجس مو وكتج الكل يباوعلنه واحنه نتهامس واني كوه كامشه ضحكتي هسه اطكها بضحكه افجر الاستقبال5
رهف: لا والله انتي ضحكتج اهون اله اني ضحكتي هيهييييييي جنها ضحكه وحده استغفر الله مااحجي
جنه نحجي بهمس واكوه كامشين ضحكتنه لا نضحك ونتفشل سكتنه من سمعنه ام غيث وهيه تكول
.. خيه ام ادهم احنه اليوم اجيناكم واحنه حابين نناسبكم نريد نخطب ريناس لاوليدي جهاد وهو رايدها واكع بهواها
نرجس بهمس: اهلهل من حجن
ام ادهم: والله يااخيه نتشرف بنسبكم بس القرار لابوها واخوانها واكيد الها
منار: بله هسه اذ عليها هيه موافقه اه اقصد انو سهله اني اقنعها تحصل احسن من اخوي
سكتت بعد مااجتها الخزره من امها واخواتها واني اتوعدلها بكلبي اني الج واخواتي كوه حابسات ضحكتهن منار ماتتحمل اله تفجرها
أم ادهم: الله كريم
ضلن كاعدات شويه وجبن بنين لان توها متزوجه وراحن
جنت بالمطبخ اني وبنين نسوي بالعشه ونسولف طبت جود وادهم بنين ماجانت منتبها الهم لان جانت واكفه ع الطباخ وتطبخ منطيتهم ظهرها
