Fatima_Al-juboory
وكون تلگه أبن ادم يموت بضحكتك !
منار:
دخلنه بسنه الـ 2020 المشؤمه الايام هادئه ماكو اي شي جديد بس جان جهاد يريد يتقدم لريناس بس مايقبل احجي الها يكول اني اريد اكللها ف ماجنت اكول لريناس ع هل موضوع
واكفه ع الشباك وفاتحه البرده ع النص اباوع للزلم الي تجي السيارات ساده الشارع واخواني وابوي واكفين بكل هيبه يستقبلون الزلم الي اجت تمشي عليه
عيني تشخصت ع ليث ضليت صافنه ع من دون البقيه كلها تقدم لـيث لجهاد مد ايده يسلم عليه وجهاد سحبه اله بقوه وشبكه
شفت ليث بوس جهاد وماعرف شنو همس باذنه وابتعد سلم ع ابوي واخواني درت وجهي ع صوت نرمين اختي
... الله يتمم ع خير
.. امين
.. باعي الضباط ولج سادين الشارع ماخذينه بس همه
... اكيد يجون هل كد غير اخوي وخطيبي ثنينهم ضباط بعني من الطرفين يجون
... باعي ع ذاك ولج يبووووي يچتل چتل
... اي خل يجيج عباس يچتلج چتل ههههه
... هههه لا والله مو قصدي اباوع ع غير رجلي بس اريد احجزه لمياسين
... هههههه اول مره اسمع وحده تدور ع رجل لحماتها
... هههه غير من حبي الها
طبت مياسين تركض دفعتنه وكفت يم الشباك هزيت ايدي خبله مايصيرلها جاره
نرمين: ابن الحلال بذكره ولج تونه نحجي بيج حجزتلج ذاك الطويل الي واكف يم علي
مياسين: وينه وينه
.. ومرص ذااك
.. اووويلي هذا الي كامش سلاح
... اييي
.. يبووووو يكتل قلبييييي اررريده يربييي
طفرت عليه وصاحت بوجهي خلتني اكمز
... بررربججج مناااار شوفيلي رجلج عليه خل يخطبه الي
.. ومرررض فززتيني
مياسين: نررمين تلفووون بساااع تلفووون خل اصوره قبل لا يطبببب
بعدهي نرمين مامجاوبتها وهيه سحبت تلفوني من ايدي ودخلت ع الكامره تصور بي وتقرب الصوره عليه
مياسين: وحككك علييي يومين حسابه عندي
منار: ثكليي ولج
.. تولي بابا ولي الي يشوف هل كيك يفكر يثكل
نرمين: عابت الخبله
دفعتنه وضلت شابكه الشباك وهيه عينها عايهم كل ساع وصاحت بصوتها الي يخلينه نكمز
... عززززااااا شوووفن ذااااك يخبلللل، عززززا يبوووي ولجن هذااا يكتل كتل، ولججننن احتاريت المن اباوت والمن اعووف،
منار: ومرررص صووتج حته الي مانتبه خليتي ينتبه عليه. عابت هل وجه
... ولج كيك كلهم دفرو كلبي وكعدوو بي خرب يومهم سوو اختحام لباب گلبي كسرو ودخلو حته مادكو مثل الاوادم لا اختحمو وجماله گلبي توسع اخذاهم كلهم
ضحكت ع سوالفها شكد فطيره مياسين صح لسان وكحه بس وكاحتها حلوه تنحب بساع
بس نفطه ضعفها لاتخلون ضابط كدامها ههههه تخرب وتتسرسح كابلت الشباك وضلت تصور بيهم خرب يومها ماتفوت هل لحضات من دون تصوير وتوثيق للحدث
واكيد يعني ماتفوت لازم تدزهن لصديقاتها يكعدن يختارن وياها ليكول حيجوهن او ليكول ملابس ويكعدن يختارن هذا الي وهذا الي
واذ خلن عينهن ع الي اختارته مياسين تكلب الدنيا شنو تخلن عينجن ع رجلي المشكله يوميه واحد وكايله عليه رجلي وتخلف منه عشرين طفل باحلامها
وهيه حته صوته ماسامعته مجرد شافته صدفه وبعد هل صدفه ماتنعاد واذ نعادت تشوف غير شخص ونفس الاسطوانه هيه وصديقاتها بحيث مرات من تسولفلي اخرب ضحك او من دخلني بكروباتهن
نزلت جوه يم خالاتي وعماتي اجايات كلهن والبيت صاير ماينطب من كد الهوسه الي بي وكل ساع اجاي واحد من الولد وصايح صوتجن فضحتنه
كعدت بصف امي وكدامي خالاتي وعماتي يسولفن سوه شكد احب جمعاتهن خصوصا بالمناسبات من يتجمعن خالاتي وعماتي سوه يصير الضحك ماله والي خصوصا تصنيفهن اذ كمشن واحد يصنفن عليه او سوالفهن الي ماتنمل
المصيبه بهل كعده كمشن ولد جيرانه تصنيف بحيث اريد اكمش نفسي من الضحك ماكو اكللهن يمعودات حرام الغيبه يحجن حجايه يخلني اطيح بالكاع من الضحك
عفتهن وكمت للمطبخ اساعد زينب واخواتي بالتنضيف لان صاير هوسه وكل ساع اجه واحد انطني ماي وركضت وحده منهن حصرت الكاسات بصينيه وانطتهيا
طب مرتضى ابن عمي صاح
... كاسات ماي بساعجن يمعودات همن اديجن حضرن علمود من نجي كبل ناخذ
نضال: منار من يمج انطي بساع
فتحت المجمده وخليتله بصينيه وقدمتهن اله ابتسم بوجهي وحجه
... يابه صايره مره الخبله واجايين شيوخ معگله ينحلف براسهم وضباط كل ضابط رتبته اطول منه علمود هل خبله ام الجفصات
... هههههه عزااا مرتضى شنو مو بعينك
.. لا والله بعيني شلون يابه جا غير انتي الغاليه بس اكلج شي بيناتنه الحجي
حجيت باهتمام
.. ايي شنو
تقرب من يمي وهمس
... مو تروحين تجفصيلج بجفصه اكبر من راسج كدام الجماعه بويه كضي لسانج الله يستر عليج بيوم العقد من السيد يكلج هل تقبلين كليله بس اي مو تحجيله قصه حياتج لو تجيبين العيد
