Fatima_Al-juboory
وين وليش واليمته ولحد يا صوب
مو متنه
ليليه نزف گلوبنه ونبچي وننام من الحزن ونغني غربتنه
يرب العاشگ المرتاح چا يمته
منار:
واكفه ع صفحه اباوعلهم ودمعتي ع خدي امي تخربطت وكعت اخذوها يقيسون ضغطها المستشفى نترست ضباط وعمامي ولد عمي خوالي اصدقاء جهاد الكل التم
واكفه بزاويه بعيد عنهم ودموعي ع خدي ماعرف شنو مصير جهاد راح يكوم لو لا مسحت دموعي بعد ماسمعت صوت شخص وراي
ليث: احم شلونج منار
باوعتله ورجعت درت وجهي عنه
.. شلون تشوف لوني انت
... تهون إن شاءلله يكوم بالسلامه
.. امين
... منار رجعي للبيت زلم المستشفى نترست
درت وجهي اباوعله بعصبيه نترت بي
.. تشوفني واكفه يمهممم لو واكفه هنا بعيده عنهم اباوع من بعيد لبعيد
.. وشنو وكفتج هنا رجعي للبيت ومن يطلع الدكتور يخاروج اهلج يطمنوج عليه
باوعتله وروحي طالعه مالي خلك نفسي مو ليث عليه خزرته ودرت وجهي ابتعدت عنه ضليت واكفه تقدم عليه جسار
جسار: منار يله رجعي للبيت شنو ضلتج هنا
.. جسار مارجع لمن اطمئن ع جهاد
... منار لاتيبسين رايج وكتلج رجعي
.. جسار تحجي صدك اقلها اطمئن ع امي
.. اي هيه من تطلع واحد من الولد يرجعوجن
.. عود الله كريم هسه وينها اريد اشوفها
.. مشكليلها مغذي تعاي امشي يمها دنكي راسج وامشي لاترفعي
.. تمام
مشه واني امشي بصفه صرنه بنص الزلم والضباط صارو كبالي ايسر وعلي ولد عمامي وجاسم اخوي اول ماشافوني مباشرتاً اجو مشو بصفي حاوطوني من الاربع اتجاهات يمنعون الزلم مني
الفخر الي حسيته بيومها ماينوصف رغم جانو كل واحد بجها وعلي واكف يسولف ويه ولد بس من شافوني اجو عليه بوقت واحد
يمشون وهمه رافعين روسهم واني بنصهم محاوطيني يتحدون الي موجودين يباوع عليه واني بنصهم يمنعون الزلم يباوع لعرضهم حسيت بفخر حسيتهم صدك اولاد عم واخوان ينشد بيهم الظهر
طبيت للغرفه الي بيها امي جانت شاده المغذي كعدت يمها واني اباوع ع حالتها شلون تبجي وحالتها حاله
لمن حلص المغذي شالو واجو الولد يرجعوها طلعنه من الغرفه والزلم نفس الشي بالعكس زادت ماخفت بنفس الطريقه حاوطونه الولد لمن عكبنه الزلم وصلنه لباب المستشفى نريد نطلع طب ليث صار بوجهي
رفعتله حاجب وتعديته رجعنه للبيت مكلوب عماتي وبناتهن وخالاتي واخواتي وصاير ماينطب من كد الهوسه عفتهن ودخلت لغرفتي مالي خلك كلشي
سحبت التلفون ودكيت ع ريناس اذيتها بكلامي بس من حركت كلبي حجيت الي حجيته هيه مالها ذنب بالي صار قدر مكتوب شنو ذنبها هيه اختارت تعيش حياتها واختارت الشخص الي تريده واني اذيتها بكلامي
اجاني صوتها المبحوح ماعرف تبجي او جانت نايمه
.. اسفه حاف كعدتج من نومج
.. لا اصلا ماجنت نايمه
.. اممم
.. جهاد شلونه وضعه ماصحه
.. ع الله لسه بعده
... الله كريم
.. ريناس اني خابرتج مو علمود شي خابرتج علمود اعتذر منج ع الكلام الي حجيته الج العصر انتي مالج ذنب بالي صار فدوه انسي كل الي حجيته بس من شفته شلون جان مفرفح من سمع بخطوبتج وطلع وصار الحادث من الصدمه الي صرت بيها ماعرف شسويت وشحجيت الج
.. عادي منار اعتبري ماسمعت
... شبي صوتج ريناس
.. ماكو شي
.. اممم يله تصبحين على خير
.. وانتي بالف خير
ريناس:
سديته منها ضليت ابجي يالله دخيلك برد گلبي احس اني السبب احس الحادث بسببي رغم الاذيه الي مأذينياها والعذاب الي شفته ع ايده بس ماعرف ليش من سمعت الخبر حسيت بصدمه حسيت بقهر احس، الذنب مني
مر وقت واني ع حالتي لمن سمعت رنت التلفون باوعت للشاشه محمد غمضت عيوني بقهر واني احس نفسي مامستعده لهل خطوه ليش خطيتها ليش تسرعت ليش سويت بنفسي هيج ودخلت نفسي هل متهاها الي ماطلع منها بعد
فصل الاتصال ورجع من جديد شلته ورديت بصوتي المبحوح من كد البجي
.. الوو
.. الو شلونج يروحي شخبارج
.. الحمدلله
.. شبي صوتج
.. جنت نايمه
.. ها اسف كعدتج بس مادري نايمه
.. عادي مصار شي
.. ريناس
.. ها
.. تدري شكد احبج من مامصدك صرتي حلالي مامصدك نفسي ابد انو انتي، صرتي الي
عضيت شفتي بقهر واني اسمع بحجيه ياالله دحيلك خليني احبه لاتخليني اضلمه وياي
.. ريناس
.. اممم
.. وينج ليش راح صوتج
.. وياك
.. ريناس زواجنه بهل شهر ماكدر اتاخر
.. لاااا فدوه محمد
.. ليشش لا ريناس شبيج نزيتي
.. مو محمد مامستعده
.. ريناس ماكو مامستعده خلاص الشهر اليجي عرسنه ابدي جهزي من باجر
شهكت ابجي صدك حسيت نفسي عاجز امام هل خطوه الي خطيتها مو كدها مو كدهااا شكوو تخطين هيج خطوه سمعت تنهيدته
