حزنت لان خلصت الروايه بس كلش حبيتها وانشاءالله انزل روايه حلوة جديدة وتحبوها لان كل روايه بيها معنا وحكمه واتمنى تفتهمون القصد حبايب قلبي ❤
Fatima_Al-juboory
يوردة روحَي هاي ألناس ماضن تعرف تشمك.
ريناس:
من يوم مااجه حاتم لحد الان احس غصه بداخلي صح فرحت من شفته وفرحتي جانت جبيره كلش بس غصه بداخلي من اتذكر الاء واتذكر خاله ام نور شلون ماتن كلمات جهاد لسه ترن باذني بيوم ماكال
... اختج ماتت الامير اغتصبها اغتصاب سادي وماتحملت لان جسمها جان ضعيف
فعلا جنت معتبرتها اختي هيه اختي الي ماولدتها امي صح مده جدا قليله واني اعرفها بس ماعرف ليش تعلقت بيها بهل شكل
مسحت دمعتي وكمت حضرت نفسي باجر المشيه تجي والحقيره منار ماترضه تجي والله شنو بعدني عروس عابت لهل صداقه الخايسه بحال اني اجيتج بعرسج واركص وفرحانتلج هو صوجج
ابتسمت واني اتذكر بيوم عرسها من رحت بيومها رحت من وقت جانت لسه بالصالون رحت بملابس طلعه عاديه واخذت الفستان كلت هناك البسه وارتب نفسي
قبل لاتجي تقريبا بساعه من بلشت النسوان تلتم ردت البس الفستان بس محتاره وين البسه باي غرفه خاف ادخل لغرفه واحد من الولد ضليت محتاره الى ان شفت نضال اخت منار كبالي
... اكلج نضال اريد ابدل وين
... صعدي لغرفه منار محد بيها ولا احد من الولد يصعدلها
... تمام
تشكرتها واخذت ملابسي ومكياجي وصعدت طبكت الباب من دون مااقفله بدلت ع السريع وكفت ع المرايه ارتب بي
دنكت ع الجنطه اطلع بالمكياج ومامنتبها للي فتح الباب عبالي نضال صعدت ضليت مدنكه واني اطلع بالمكياج
رفعت راسي اريد اتجه للمرايه احط مكياج رجعت لوره واني اشوف جهاد واكف بالباب وايد كامش يده الباب والايد الثانيه كامش قاطه
شعره مبلل ينزل منه قطرات الماي ع صدره العاري وبس بالسروال دار وجها يتفحص المكان ورجع باوعلي وهو يبتسم تقدم لاتجاهي واني ابتعدت بخطوات للخلف همست بصوت يرجف
... جهاد لايجي احد اطلع فدوه
... خل يجي واذ الكل تدري احنه مخطوبين
.. بعدنه ماكو شي رسمي
... جؤؤؤؤ جؤؤؤؤ كلشي رسمي بالنسبه الي انتي ملك من املاكييي
تقرب مني حيل بعد مالزكت بالكنتور قرب وجها لركبتي سحب نفس بقوه وهو يهمس
.. اخخخخ ياوجع گلبي
... جـ... جهااااد فدوه لايـ....
ماخلاني اكمل كلامي قطع صوتي ببوسته العميقه وايده متغلغله بشعري والايد الثانيه ضاغط خصري بقوه ويقربني عليه اكثر
ابتعد مني وهو يسحب بانفاسه خله جبينه ع جبيني وهو يتنفس سريع
.. جهااااد ابتعد فدوه
ماسمع الي ورجع باسني اقوه من مساعه شواربه تدخدغ بشرتي واني ادفع بي بقوه متنرفزه من شواربه الثخان ومن قوه بوسته الي قطعت نفسي دفعته بقوه واني القط انفاسي
عصرني اكثر بحضنه وهو وجها بركبتي همس باذني
... اذ حجيتي حجايه ارجع اكطع نفسج بالبوسه كل ماتحجين ابوسج
.. بس
.. اششششش
غمضت عيوني احاول اثبت نفسي بعد ماحسيت بي يبوس بشحمه اذني ويعضها بشفايفه ع كيف ويرجع يبوس بركبتي ويشم بشعري همس بصوت ذايب
... تتذكرين بايام داعش من جنت ابوسج واشمج مدري شجنت احس من اشمج كلج ريحه تراب واني اشمج بس هو صدك لو كالو الي يحب ينجن جنت مقتنع بريحتج6
دفعته بقوه واني متنرفزه ضحك بصوت عالي وهو يكول
... والله تخبل ريحتج بكل حالاتج خو هسه تموتين بشرفج خل اشمج اخر مره
.. جهااد اطلع برررره
... اشششش مفضوحه نفضحنه
.. اطلع
.. واذ ماطلعت
اول ماردت احجي قيدني بحضنه قوي رفع ايده يمسح قطرات الدم الي ع شفتي وهو يباوع عليهن بذوبان
باسني بشفتي لثواني دفعني وهو يضحك ابتعد عني سحب قاطه من الجربايه وهو يحجي
... نتحمل هل كم يوم يبوي نتحمل تحملنه سنين ع هل ايام مانتحمل
شمر بوسه بالهوه وطلع خليت ايدي ع گلبي الي يدك بشكل جنوني احاول اهدء من دكاته واني احمد ربي محد صعدت لفوك جا نفضحنه
خليت ايدي ع شفتي واني مبتسمه وامسح بيها بهدوء اتجهت للمرايه ضليت مركزه عليها شلون مشكوكه مسحتها بالكلينس وخليت مكياج بسيط وكل ساع اسرح بخيالي
كملت المكياج وعدلت شعري لميت غراضي وطلعت نزلت من الدرج صار بوجهي جهاد طالع من غرفته غمزلي ومشه
حسيت الكل شافه ضليت اتلفت بس الحمدلله جانن ملتهيات جانن الي حاضرات بس خالاته وعماته يعني اقربائه بعدهي النسوان جاي تجي
صحيت من صفنتي ع رنه التلفون ابتسمت من شفتها منار
... الوو
... اكلج عود اني راح اجي
... ههههههههه شبيج تحجين من طرف خشمج
... ماحجي من طرف خشمي ولج خابرت جهاد كتله مااجي بس ليث راح يجي هجني هجه زينه ودور امي استلمتني اكس مربع يمعوووودين اصحااب الغيره عمي اشاقه شجاكم اكلتوني ع كيفكم لا والله ماتستحيين هيج تحجين اخوج وصديقتج ماتجين الهم شفتي الرجل كيفتي يمعودين والله مو هيج شبيكم
