Fatima_Al-juboory
مَكتُوبه قِسمتنه التعَبّ .
...... ♡♡.....
ريناس:
مر اليوم بين ضحكه وفرحه وسالفه بين ضحكه اهلي وروح ظافر المرحه خلص اليوم وكدرو اهلي بروحهم المرحه وكدرو يمسحون ع قلبي بحنيه ولطافه خلوني انسه الي صارلي العصر
تعبت كلش وصعدت لغرفتي انام ذبيت نفسي ع السرير بتعب من دون اي مقدمات استسلمت للنوم نمت بعمق وراحه
كعدات الصبح ع صوت جوه صوت هوسه وصياح نزلت جان البيت متوتر اشوف امي تلطم ع صدرها وتبجي وتصيح
... يمه ولدي شبيهم وين ولدييي شكووو تعالوووو فهموني شصاير ولجن خابرن رجولتجن فهمن السالفه شكووووو
واخواتي ملتمات عليها يحاولن يهدنها خاف ضغطها يصعد
نرجس: يمه اهدئي ماكو شي والله مااااكو هسه انتي كبل كمتي تصيحيين وفاولتي ع اخواني كولي يالله جوز شي بالشغل
ام ادهم: لا مو بالشغل ابوج بعد اتصال ادهم وجها نكلب وطلع يركض ولجن كلبي كارصني يكلي اكو شي بولدج ولجن گلبي يكلي ولدج مو بخير
دانيا: يمه كووولي يالله راح تطيحين علينه ع كيفج خل نفهم
ام ادهم: ولج شتفهمين شتفهمييين اني من الفجر كعدت مخروعه شي وندس گلبي شي وكالي ولج يا بهيه ولدج راح يصير بيهم شي بيتج راح ينهجم كمت صليت وقريت قرآن وصليت ركعتين دفع بله بس ماكو كلبي يكلي ولدج ولدج راح يصير بيهم شي سوووده بوجهج يابهيه من ساعت السوده ماراح ترتاحييين منين الكاها منينننن من اختجن الي سنتين بيد داعش وگلبي فرفح عليها يله شفتها لو منين من اخوانج الي هسه مدري شبيهم بس كلولي والله اذ صار بيهم شي امووت امووت مابقه
جود: ولججج يمه كااافي هسه انتي شفهمتي شفهمتتتي خل اخابرر كافي سكتوووو
اباوعلهن واحس رجليه بادت لا بيه احجي حجايه ولا بيه اروح يمهن امي تدك وتلطم وتملخ بوجها واخواتي محاوطاتها من كل جانب
الجهال واكفين ع صفحه ويرجفون من الخوف من شافو امي هيج
ادهم وظافر ماهمه ولا ابوي بس احنه وحدنه بالبيت الكل طالع جان وقت صبحيه قريب الـ10 هيج وقت همه بالدوامات
ادهم بل دوام وظافر كذالك بالدوام مشيت بخطوات ثقيله ورجليه ترجف كوه وصلت لنرجس دغيتها بيدها ع كيف مابيه حيل انطق ولا بيه اتحرك
دارت وجها عليه بهت وجها من شافتني بهل وضع وجهي اصفر وشفايفي يابسه مابيه احجي حجيت بصوت هامس متقطع
... اخواني شبيهم
شبكتني تحاول تهدء بيه وحجت
... ماعرف كعدت من النوم جنه كاعدين دك تلفون بابا ادهم مجرد حاجا بهت وجه بابا مايعرف شيحجي بعد بهل اثناء اول ماغلق الجهاز
اجه فراس يركض اجه ع بابا كله تعال ويانه وبابا ساله شكو كله تعال ويانه وانت تعرف السالفه وطلعو من دون مايحاجونه ولا يفهمونه شكو
البنات يسئلن وماما تسل وجان الوضع مو تمام وجان كلش كلش متوتر فراس مايعرف شيسوي بس يصيح بتوتر
... تعال ويانه ابو ادهم بساع الحك
الخوف تملكنه وكفنه بطريقهم منعناهم من الطلعه اله يفهمونه شكو
بهل اثناء تلفوان بابا ضل يدك ما سكت ابد وكل ساعه يدك علمود بابا يستعجل اني بقيت جامده بمكاني ماعرف شجاي يصير
استمر الوضع هجي بينه وبابا طلع هو وفراس طلعو من دون مايجاوبونه وماما تدك وتلطم تكول اكو شي بولدي لان بابا من جاوب ادهم كله ظافر وين هسه وانت خو مامتأذي
ريناس:يعني اكو شي اخواني بيهم شي
نرجس:والله ماعرف والله ادعي من ربي كون ع الشغل مو اخواني
ابتعدت عن نرجس كعدت بالزاويه واباوع عليهن بخوف جانن متوترات وما يعرفن شيسون والي يزيد من توترهن امي الي ملخت روحها
ضلن يدكن ع ابوي ماكو وندك ع الولد ماكو ساعه يدكن ع ادهم ساعه ع ظافر الي هو بالاصل جهازه مغلق
هنا من شافن جهاز ظافر مغلق لا هنا كل الاحتمالات توجهت ع ظافر انو هو بي شي حارن ع منو يدكن يدكن ومحد يجاوب عليهن
واخر شي نغلقت تلفوناتهم كلهم رجعن دكن ع ظافر وتلفونه مغلق وندك ع ادهم تلفون مغلق
الا ان استمر الوضع هيج ومحد اجه ولا واحد فهمنه شكو واستمر هذا التوتر والقلق من الصبح للعصر احنه ع فرد قلق وخوف ورعب متملكهن
مانعرف شنسوي نفتر منا ومنا نروح ونرجع بالصاله ع امل واحد يجي يفهمنه السالفه بس محد اجه
وكل ما نسمع صوت بره نركض عبالنه واحد من الولد بس يخيب املنه من نشوف محد موجود او الجهال بره ونرجع نطب بخيبه امل
من كثر التوتر العدنه ماكمنه نعرف شنسوي او شنو نفكر ساعه نفكر ادهم صار عليه شي او اجته طلقه او انفجار صار قريب عليه
ساعه نكول ظافر بي شي لان ادهم هو الي خابر ع بابا عقلنه ضرب بذيج الحضه ماكدرنه نربط الاحداث ولا كدرنه نفهم شكو
واستمر الوضع هيج وساعه تجر ساعه الى ان صار المغرب اجه احمد مستعجل اجه يركض راد جناسي بابا كام يصيح باستعجال
