Fatima_Al-juboory
باچر كل بچينا يرد
باچر كل حَطب محروگ مِن دموعنا يورّد.
جمان :
بعد ما دخلنة ، صار صعب كبالي ..
عگد حواجبة مستغرب
صعب : وين جنتوا ؟
جمان : طلعنة بمشوار صغير واجينة ..
تقدم عليه وهو يباوع بعيوني درت وجهي عنه ردت اعبر من يمه مجرد ماعكبته بسانتيمات
سحبني من زندي يقوه وقربني اله اكثر قرب وجهة من وجهي وهو مركز ملامح وجهي اباوعله بعدم مبالا حجه بغضب مكتوم
...جمان وين جنتوا ؟
ابتسمت نص خد وحجيت بنفس نبره صوته
... مثل ما كتلك جان عندي ثار هنا بالبصرة واخذتة وخلص
هز راسه بعده مرات ورفع عيونه لجعفر الي واكف وراي وخال اديه بجيوبه
... اني الك انت الثاني
سحبني وطببني للغرفة مالتة وسد الباب
دفعني ؏ الحايط بقوه حسيت ظهري طك من قوه دفعته تألمت بس ما حجيت
قفل الباب وتقرب مني ..
صار وجهة بوجهي ، وانفاسة تطخ بشرتي
حجه بغضب مكتوم ...
... جمان جمان ، لا تلعبين بذيلج كافي رحمي حالي ورحمي حالچ كافي انسي الماضي خلينة نعيش براحة ونعيش بأمان ، كافي هاي السوالف وكافي هذا الطيش الي انتِ عايشة بي حالياً ، احنة راح نربطت سوة جمان ما اريدج هيج تضلين ، قسماً بالله اذا هيج تضلين تشوفين غير وجه !!
باوعتلة ودرت وجهي مامهتمه بس عكس داخلي احس، بركان مشتعل بداخلي
.. خلص يلا تصبح ع خير
ردت اطلع سحبني من ايدي وقربني اله اكثر
.. اني شكتلج ؟
... اي تمام انتَ مو كتلي بعد ما اعيدة خلص هاهية
وية ما ردت اطلع دگ تلفونة عگد حاجبة بغصب وباوعلي ورد اني جنت اسمع بس جوابة ماكد اسمع الشخص المتصل !!
... الوو ... هلا عمي الحمدلله بخير انت شلونك شخبارك... لا والله عمي حكك عليه خيرك صاير شي.. اممم... يصير خير، يصير خير دقايق دقايق واجي ونتفاهم
غلق التلفون وباوعلي عض شفته بقهر وهز راسه ودار وجها سحب سويجة من الميز وطلع ؏ السريع
طلعت من الغرفة صارت بوجهي ام صعب عگدت حواجبها
ام صعب : شبي صعب طلع هيج مستعجل ؟
رفعت اكتافي بمعنىٰ ماادري !!
... مادري اتصلوا عليه وطلع
وخليت ومشيت ، طبيت للغرفة الي فرغوها الي ولبان ، ضليت كاعدة بالغرفة صاحولي ؏ العشة ماردت بس بقيت كاعدة بالغرفة ما تحركت
مر الوقت وصعب لهسه ما اجة ،
شعور نتابني بأنو نضال صار بيها شيء بسبب ضربتي القوية وخاف الخابروا اهلها ، هيه اكيد الخابروا اهلها لان اني الضاربتها
شلت التلفون اتصلت عليه لان بالي يمه خاف صارله شي ليش لسه مارد فصل الاتصال وهو ماجاوب رجعت اتصلت مرة مرتين مارد اخر شيء رفض الاتصال
شمرت التلفون وضليت كاعدة مشاعري متخربطه ليش ندمانه لان ضربتها معقوله خايفه لاصعب يتغير عليه
اي يتغير لان تصرفاتي مو قانونيه اكيد يخاف بيوم اتجاوز حدودي ودائما خالته وره ظهري ماهتمله الي براسي اسوي
، تقريبًا لـ 12 باليل بقيت كاعدة انتضره وهو ماكو افكار راودتني خوف توتر ارباك اول مره لحس بهل شي ربما حسيت بنفسي راح افقد صعب اذ ضليت ع هاي تصرفاتي قلقت بالزايدة
طلعت دخلت لغرفتة مجان موجود !!
طلعت وجاي اسد الباب هوَ تقرب مني خله ايده ع ايدي الي ع يده الباب ضغطها بقوه وفتح الباب وطب
باوعلي بطرف عينة وعكبني ذب السويج ؏ الميز ونزع حذائة (تكرمون ) وقميصة وكمل مشيتة متوجه ؏ السرسر ، ذب نفسة ؏ السرير وتغطة اني دخلت للغرفة وسديت الباب حجه وهو مغطي وجها بالجرجف من دون مايرفع عينه عليه
.. من تطلعين سدي الباب وراچ وطفي الضوة اريد انخمد
... صعب شبيك ؟
رفع الغطه عن وجها باوعلي وضحك مستهزء ورجع الغطة ؏ راسة حجه وهو ع وضعه
.. انعم الله عليج ترديني هسه اصفكلج واكلج برافوووو عاشت ايديناتج الحلوه يروحي زين ماموتي البت وبتليتي
هنا متحملت شنو هيج يتصرف وياية اعصابي تلفت ، سحبت الغطة من وجهة وصحت
... اذا انتتت مارايدني وما عاجبتك كلي قبل لانعقد وقبل لا اتسجل باسمك دامك هيج كاتلتك نضال ع شنو طلكتها ارجعلها
طفر علية لزمني من فكي حيل قربني عليه وصاح بوجهي
... تحترمينننن نفسج وصوووتتتتجججج ماا ييييعله علييةلا شفتيني سكتتلچ وعبالج راضي بتصرفاتچ !!
احط ضهرج اعلىٰ علوة ونصة واكسرة فهمتييي لووووو لاااا ؟؟؟
هنا صدك ضجت احس العبره خنكتني دفعتة
.. مو بكيفك تحطت ضهري اعلىٰ علوة ونصة وتكسرة ، ومنو انتَ وتكسر ضهري ؟
... جمان بالج تحجين وياي هيچ ويلا هسه طلعي اريد انطمرررر
... خوش دامك هيج اني من باجر الصبح راح ارجع البغداد لا عبالك ميتة عليك
وية ما ردت اطلع جرني حيل لطشني بصدرة
... سمعيني زين بس تتحركين خطوة من هنا رجليج اكسرهن
