Fatima_Al-juboory
وتمنينه العمر شمعة سهر والريح تطفينه ..
عريان السيد خلف
...... ♡♡.....
ريناس
عيوني مغوشه كوه كدرت افتحهن اباوع للي محاوطيني ظافر كدامي غمضت عيوني بتعب
جان كل ضني جنت احلم من شفت ظافر الكل مجتمع داير مدايري اهلي وكلهم يمي ماعرف بوقتها شنو شعوري وشنو احساسي من شفت ظافر
كميت الفرح جانت بداخلي مو طبيعيه متنوصف اباوع ع ظافر ودموعي ماليه عيوني امنعهن من النزول ضحك ظافر
ظافر : هاا يثوله بعدني ما اجيت وطحتي جا خوش استقبال حته ما لحكت اسلم عليج كبل طحتي حته ما عرفت شسوي شنو معقوله بيه شي خلاج تنصدمين
ابتسمت بوجه اجه دنك عليه وحضني كل قوته وباسني رفع راسه ومسحه دمعته الي جانت طايحه صاح ادهم
ادهم : هاا يالثول تبجي امداااك زلمه جيس حب
ظافر: تكل خر* ع اساس انت مابجيت لاما كلبتها مناحه
ادهم: ههههه لا لا طاح تراب بعيوني
ظافر: نفس التراب الي طاح بعيونك طاح بعيوني هسه
ادهم: يله عدت
حسيت ادهم ما يريد يبقي الجو متوتر لان جنه اني وظافر بس راح نستمر واحد شابك الثاني راح ينكلب المكان مناحه تلافه الموضوع ادهم
لزمت ايد ادهم باوعلي حجيت بتوسل
.. احجيلي فدوه شصار وفضت السالفه او لا
جر حسره وكعد يمي ع السديه شال راسي وخلا بحضنه وابتسم
ادهم : لا تخافين فضت السالفه الحمدلله
ريناس : لا عليك الله شصار كلبي ما مطمئن شلون سكتو
ابتسم بحزن
.. من شافو حالتج شلون منهاره يمكن نكسر گلبهم
...شلون احجيلي
صفن بالفراغ الكدامه كأنو يسترجع بالاحداث
ادهم:
بعد ما جنه بالكعده وناس تصد وناس ترد ناس تطالب بدم وناس تطالب بدم وفصل
جان الجو كلش مشحون وشجار كلش جان عميق وما منه نتيجه مر الوقت ونفس الوضع
ما حسينه غير ع دفره الباب اندفع بقوه والكل دار وجها يشوف شكو لكن جانت صدمه الكل صفن ع ريناس وتصرفها
من شفت ريناس كبالي ومنهاره وبيده سجينه جمدت بمكاني ماعرف شسوي وشنو شعوري اريد اكوم عليها امنعها
ما اكدر حسيت برجليه بادني بعد ما ريناس بجت وصيحت وحجت كل الي بكلبها اول ماخلت السجينه ع ايدها تحاول تنتحر كبالهم
كأن شي ضربني ع راسي صحاني من صفنتي ركضتلها بس بعد فوات الاوان لكيته غركانه بدم معرف شسوي اريد اشيلها حيلي بااد موقف كلش صعب اشوف اختي بهيج حاله ومنهاره واكعه كدامي بهل شكل ودمها ماليها
اديه ورجليه يرجفن كوه قويت نفسي شلتها بس للاسف قواي خانتني كبل طحت اني وياها
بذيج الحضه الزلم كله انخبصت بالاستقبال يردون يشيلوها ياخذوها مني مايكدرون لان جنت شابكها بقوه امنعهم اخاف ياخذوها مني وتروح بعد ماشوفها شابكها وارجف وصافن ماعرف شسوي دمها مله الكاع وملاني صرت ارجف بقوه ماعرف شسوي وين اروح واخذها وين اضمها وين احميها وهيه بهل حاله
كلها نخبصت ما حسيت غير اندفعت ونشالت من يدي باوعت لابويه الي شالها وركض بيها ركض وراه احمد هوه وفراس
اني ضليت بمكاني ماعرف شسوي صافن ع الزلم وماعرف شسوي همه جانو بس صافنين الموقف كلش جان محرج من شافوها وشافو انهياره وكميت الحزن لي بصوتها كميه العذاب الي جانت عايشته يمكن جزء بسيط هذا الي حجته
كام واحد من الموجدين من اقرباء الولد طبطب ع كتفي رفعت راسي باوعتله هز راسه بأسف وحجه
.. لا تخاف إن شاءلله تعدي كوم لاختك تريدك سند لا تضل هيج
مد ايده الي وكومني بقيت متعجب من تصرفه باوعت لابو الولد هز راسه بأسف وفركه كام ولد شاب تقريبا يطلع بكدي
... كوم خويه ناخذك وره اختك
من دون مااجاوب باي شي كمت وياهم بس بلا اي شعور امشي جثه بلا روح رغم ثارهم ويانه بس هذا الشي ماجان يمنعهم من تقديم المساعده ودوني للمستشفى وصلنه نزلت اركض
بس لاسف جانت ريناس بحابه حرجه كعدت باب الغرفه مالتها ادعي من الله يكومها بالسلامه
المشيه تأجلت ع غير يوم مر اسبوعين وريناس فاقده عن لوعي اسبوعين واحنه ع امل تصحه
وره مصارت الحادثه بسبوع اجه ظافر وجان متخبل من سامع بريناس ماعرف شلون وصله الحجي من شافها هيج ضل يصيح ويبجي وهو يكرر بكلماته
... بسببي كله بسببي لو ماشارد لو منطيهم دمي ماصار بيها هيج
شكد حاولت وياه اريده يصحه بس كان فاقد بس يلطم ويبجي احاول اهدي بس ماجان اكو نتيجه
...ولك كوم راح يجون يمكننن واحد بيهم يراقبنه ولككك يردووون دمك كووووم
ميقبل باله كله جان يم ريناس وانو هوه سبب بلي صار كاعد بالكاع ويدك ع راسه ويبجي ويصيح
... بسببي اني ضيعت اختي
اجه فراس ومنتظر من شافو بهل حاله شالو وطلعو من لمستشفى لان أهل لولد دائما جانو طول هل اسبوع يجون يسئلون عن حالت ريناس اخذو بخاطرهم من شافو وضعها لان ماجان الها ذبن وخصوصا من سمعو جزء بسيط من قصتها ابوي جان منهار وحجالهم شلون تعذبت بيد داعش وشلون تحملنه فقدها طول السنتين
