Fatima_Al-juboory
انا صاحِبَة الحَظ العاثر رُغمَاً عَن وجهِي الجَميل .
جمان:
بعد ماخذت قراري وبطلت عن المطعم صرت ادور ع شغل ثاني احاول اهرب او اتيه نفسي عن صعب ماعرف ليش جنت اتهرب منه ولهل درجه صرت اخاف شكد صلبه وقويه جنت هسه كل صلابه ماعندي
واجهت داعش واجهت الحزن وانتصرت وماستسلمت بنص الحرب طلعت ادور ع شي انقذ بي حياه حاتم وماخفت
تحاصرت من الدواعش وماكان بيدي غير سلاح يااما اسلم نفسي يااما اكون كدها واتخلص منهم وتقويت وكدرت اتخلص وكدرت انتصر عليهم وكملت طريقي
ليش وبعد كل هل انتصارات صرت استسلم بسهوله وصرت اخاف واتراجع ليش تغيرت وكمت اخاف اواجه
معقوله الانسان يضعف بعد ماكان قوي معقوله القوه الزايده تهدم الانسان وتخلي يتخله عنها ويصير ضعيف ترجعه لنقطه الصفر
صار كل همي اعيش بعيد عن الناس اعيش لاختي وبس منتضر الي جان املي بي ولا مره خابر ولا حاول يسئل استقرو بالاردن وكل تواصل ماعندي ويا اني كذالك لا تواصلت ولا ردت اتواصل اصلا ياسر وامه دائما ع تواصل ويانه وماقصرو ودائما يجونه وشكد ياسر يلح انو هو يصرف علينه بس ابد مااقبل
نفس كل يوم اطلع ادور ع شغل واني ادعي ربي كون الكه شغل صارت دنيا الظهر وماكو مالكيت اي شخص يحتاج مساعد ويا
الجو بارد كلش احس اديه بدت تثلج من الصبح افتر لسه الشي الي فادني هو المصرف الي جنت اعزله لوقت الضروره هسه اجه وقتهن
من يوم الي تركت المطعم وخلصن الفلوس كمت اطلع بالي جنت عازلتهن للمستمسكان الي ردت اخلي محامي بس ماجان عندي غير حل اطلع واصرف منهن
وكفت تكسي وتوجهت لغير منطقه جنت اتمنه احصل ع عمل لو باي مكان حتلو جان بعيد ماعرف ليش بوقتها اختاريت هل منطقه وتوجهت الها
جانت بعيده عن المكان الي ساكنين بي وكفت السياره نزلت امشي واسئل ماكو مر هواي وقت واني افتر بشوارع المنطقه واباوع ع الاشخاص الي يمرون من يمي كل شخصيمر يذكرني بشي من حياتي او بعائلتي كل عائله اشوفها تمشي سوه اتحسر لان نحرمت من عائلتي
الى ان شفت ثنين يمشون واحد كامش بيد الثاني غمضت عيوني بقهر وغضب واني اتذكر،زاكروس الله يلعنه درت وجهي عنهم صرت اكره كل ثنين يحبون وبيني وبين نفسي اخاف اكول خاف يغدر بيها نفس زاكروس
دك تلفوني قريت الاسم بان
... الو هلو بان
.. هلو جمان حبيبتي شلونج
.. الحمدلله
.. وين انتي
.. ليش
... تجين تتغدين تاخر الوقت
... لا يعمري مااجي تغدي
... جمان الى متى
.. الى ان الله يفرجها يله حبيبتي لايضل بالج مااتاخر بس تغدي
.. تجين تتعشين تعاي من وكت فدوه لاتتاخرين
... إنشاءلله يعمري انتي ماراح اتاخر
نهيت المكالمه وياها وكعدت ع الطريق منهلكه احس جبال ع صدري يمته اكدر اخلص يمته اكدر ارتاح من هل عذاب
كمت كملت مشيي ويه كل خطوه اخطيها ادعي ربي كون الكه شغل الى ان صارت دنيا العصر قريب الاغروب واني ماكو ردت ارجع للسكن بس وكفت كبال بنايه وشفت طلاب يطلعون منها وبيدهم كتب عرفت هذا معهد تدريس
نزلت دمعتي واني اتذكر ايامي الي جنت اكضيها بالمعهد والدراسه للاسف خلاص راح كل تعبيي من دكتوره جمان الى شخص ضعيف يحاول يلكه اي شي يعيش نفسه واخته
مسحت دمعتي وابتعدت عن المكان بخيبه وخذلان بتعب وقهر امشي واحس جبال ع صدري خنكه بصدري ماعرف شلون اكدر اتخلص منها
اجرت تكسي ورجعت دخلت للشقه تلكتني بان نفس عادتها شبكتني وبوستني
بان: آلله يساعدج حبيبتي تعاي كعدي ع التدفأه الجو بارد
.. ويساعدج يعمري تعشيتي
... لا انتضرتج
... ليش تنتضريني يمكن اتأخر
... جؤ حتلو تتاخرين
بستها وكعدت يم التدفأه منتضرتها تصب العشه علمود نتعشه
... باااان اشم ريحه دولمه
... اييي سويت دولمه
... صايره نادره
طبت بيدها الصينيه وهيه تضحك خلتها كدامي وكعدت تاكل تعشيت وكمت تمددت اريد انام شويه وطبت تمددت يمي سحبتها لحضني وبستها من راسها
.. بان بنيتي شبيج ضايجه تردين اطلعج
... جؤ
.. لعد شبيج
.. ضايجه ومقهوره عليج جمانه
.. الله كريم حبيبتي لاتفكرين
... جمانه
... عيونها
... تدرين البارحه شنو صادف
... لا شنو
... اممم ميلادي البارحة دخلت عمر الـ 16
شبكتها ع صدري حيل واني اشم بيها
... كل عام وانتي بالف خير يعمري إن شاءلله اشوفج مرتاحه بحياتج وعذريني والله نسيت
... عادي يعمري عاذرتج بس جمان اني هسه دخلت عمر الـ 16 صرت جبيره لازم دور تسولفيلي تحجيلي اسرارج
... هههههه هو انتي جبيره من زمان
... جمانه
... اممم
... انتي شكد صار عمرج
... امممم كم شهر وادخل ال21
