Fatima_Al-juboory
گُمت أتخَيلك ترجَع
وأحاچيك..
وأسولِفلك الصاير
مِن عِفتني..
عَلى يا هيَّ أعِذرَك..؟
صارَن هواي..
بَس حچاية أكلك " ضَيعتني"..
...... ♡♡.....
جمان
بعد ماطلعنه من الحله توجهنه لبغداد الطريق كله مالي واهس احجي حجايه
طول الطريق بان وياسر يحجون بس بالي ابد مو يمهم رجعت راسي ع الكشن واستسلمت للنوم وتركتها ع الله
حسيت ع بان وهيه تكعدني تكول يله وصلنه باوعت لجهت ياسر جان يحاول يبث القوه بداخلي حجه
ياسر: يله خويه جمان وصلنه نزلي
نزلت واني كلي خوف وارتباك شلون راح اواجه ابو منتظر وشنو لي راح اكوله اله بشنو ابدي وشنو انتهي
غمضت عيوني بقوه واخذت نفس قوي احاول اقوي نفسي واخير راح ارتاح من العذاب لي شفته والهم اخير راح ارتاح من بعد عذاب سنين من يوم لي صرت بيد داعش لليوم واني ما مرتاحه هل ياترى راح ارتاح او يستمر هذا عذابي
وكفنه كدام عماره كلش جبير كل الي جان ببالي انو راح اكدر اخلص ماجنت ادري راح ارجع من نقطه الصفر
ياسر : هذي العماره مال ابو منتظر يله خويه توكلي ع الله وخل ندخل
جمان: ياالله
دخلنه جوه راح ياسر سئل شخص ع ابو منتظر بس جانت الصدمه بالنسبه النه كلش جبيره من بعد ماحجه
الرجال: ابو منتظر ماجاي للعراق من سنتين بالاردن هناك عايش بس ولده يجون يرتبون شغلهم ويرجعون وحاليا الي جاي فقط هوه ابنه الجبير منتظر
باوعت لياسر الي جان محتار اكثر مني ورجع حجه وهو عينه عليه
.. بس اني من سئلت كالو اجاي ابو منتضر
.. لا بس منتضر اجاي يمكن الي كالك متوهم
هز راسه هزات متتاليه وحجه
.. اي اي يمكن متوهم
بان: نكدر نشوف منتضر
.. ي تكدرون هسه اصيحه الكم بس اكله منو
.. كله من طرف التاجر قحطان ال**
..يامرحبا يامرحبا بيكم تفضلو استريحو هنا هسه اصيحه الكم
مشه الولد يصيحه ورجع لمكانه دقائق واجه منتظر بتجاهنه من شافني كبل فتح عيونه بصدمه لان هوه يعرفني ابتسم وتقدم لاتجاهنه اني نزلت راسي ورجعت رفعته
منتظر : جمان
جمان : اي جمان
منتظر : عمي عاش من شافج شهل صدفه الحلوه يابه والله مشتاقلكم خو رافد الحقير كطع من اشهر كلش طويله كل مااخابره مغلق شبي خاف زعلان والله ناوي اجي كلت اول مااوصل للعراق بس صارت عندي شغل مالحكت يله همزين شفتج شلونهم الاهل
من ذكر اهلي كأنو كلامه جان بالنسله الي ملح ورشه ع كل جرح بكلبي نزلت دمعتي وحجيت بهمس
.. استشهدو
.. شنووو
.. ي
.. شلون
.. حجي طويل مو مال هنا
.. تعالو وياي هناك احسن
رحنه كعدنه باوعلي بحيره وحجه كأنو كان يتمنه مني اكله كنت اكذب بس ياريت هل شي جان يترقب كلامي بخوف وهو مركز ويه كل كلمه اكولها
بديت احجيله كلشي صار وياي من صرت بيد داعش وشلون تعذبت شلون غدر بينه زاكروس شلون نذبحو اهلي الى اليوم الي ابو خنجر كال لصعب طلعهن
هنا اختنكت صرت ابجي واشهك همه من شافوني هيج كالو خلص ماكو داعي تكملين
.. زين هسه شلون شسوي ما عندي غيرك وحد يساعدني انت الوحيد الي تكدر تخليني تحت جناحك
منتظر : زين بشنو اكدر اخدمج اني كولي ويجرالج كلشي تطلبي
جمان: ما اريد شي غير بس اكعد بالعماره مالتكم وأمن ع نفسي وع اختي وحته ادفع ايجار واطلع اشتغل بس كون من اطلع مطمئنه ع اختي هيه بئمان يمكم لان اعرفكم شنو وانتو الوحيدين الي اكدر ابقي بان يمكم انتم وياسر وكلش ثكلت ع ياسر اريد اجي هنا
ياسر: جمان ارجع واكولج عمرج ماثكلتي علينه وباي وقت بيتنه مفتوح الجن واني شفتج مامرتاحه يمنه وطلبتي تجين لبغداد نفذت لان اريد راحتجن لاعبالج هان عليه عليه طلعتجن
بان: والله ماقصرت بشي ياسر
جمان: ماتقصر ياسر وفضلك طول العمر ماانسا قسم بالله بس اني اريد اطلع اشتغل اعتمد ع نفسي انت يادوب مصرف الك ولجامعتك وامك وفوك كل هذا ايجار وحملنه عليك ثكل كلس جبير
ياسر: جماان لاتحجين هل شكل اخوه احنه
متضر: جمان هسه بشنو اكدر اخدمج
جمان ما اريد شي غير بس اكعد بالعماره مالتكم وامأمن ع نفسي وع اختي وحته ادفع ايجار واطلع اشتغل بس كون من اطلع مطمئنه ع اختي هيه بئمان
اباوعله جان محتار كأنو عنده شي ويخاف يحجي يباوعلي بأسى نزلت راسه بسرعه بأسه وفرك كصته وعيونه بيد وحده ورجع رفع راسه يباوعلي بنفس النضره
منتظر : جمان راح اكلج شي بس فدوه بداعت الخوه البينه ماريدج تنقهرين
جمان : اي شنو
منتظر : للاسف احنه صفينه حساباتنه كلها بالعراق ونتقلنه للاردن واجيت اني اكمل اخير شغله وننتقل وصحت ابويه كلش متأزمه وخاصه هوه بيه سرطان وما نكدر نعوفه وحده وكالو احتمال بس هل شهرين يمكن مايطول واحنه محتارين كلش ويا والطياره مالتي بعد ساعه وتطير
