Houssem
لحقت للمطار لقيت آدم يستنا فيا .
- اهلا بخويا لعزيز هكا تطول علينا الغيبة.
- خلي باش تتواحشوني شوية.
- كون تشوف يماك ملي ناضت و هي توجد (نطيب هذه يحبها وليدي نزيد هذه جيبلي هذه ...) "يهدر بصوت رقيق زعما كيما جميلة 😂😂".
- هههههه هذه كامل غيرة .خلاص راني راجع منين جيت .
- ههههه نتمسخر معاك برك و الله كامل توحشناك .
ركبنا في الطونوبيل طريق كامل و حنا نحكو .آدم حسيتو بزاف فرحان بهذا الزواج .لحقنا للدار فتحتلنا ماما الباب .
- جميلة: وليديييي
و بدات تعنق فيا و تبوس.
- جميلة : مرحبا بيك يا وليدي لعزيز
بستها من راسها
حسام : توحشتك بزاف ماما .
خرج بابا من الصالون .
- عبد الرحمن : اهلا بيك هذه غيبة عاش من شافك كون مانديروش مناسبة مانشوفوكش.
سلمت عليه و عنقتو
- حسام : قريب توليو تشوفوني حتى تكرهو مني .
شافو فيا كامل تاع واش قصدك !!
- جميلة : يسما ماتزيدش تولي
- حسام : ههههه كنت حاب نخليهالكم سوربريز بصح كي صح هدرت خلي نكمل نولي بلاك خمس شهور ولا ستة باش نريغل الخدمة و نخليها لأيمن مبعد نستقر هنا .
- جميلة: يويويويويوييييييي (المرا هذه تعرف غير تزغرت 😂😂😂)
- عبد الرحمن : هذا خبر شباب .درك نقدر نتقاعد في راحتي
- آدم : يسما انا معبيتلكش عينك .قتلك دوك كي تجي يبيعوني 😞😞.
- عبد الرحمن : هههههه ماشي هكا يا ولدي باش تتعاونو برك مكنتش حاب نخليك وحدك بصح كي جا خوك راكم كيفكيف و انا نريح خلاص كبرت .
- حسام : ماتقولش هكا بابا لعزيز مازلت صغير لي يشوف يقول خونا .
- عبد الرحمن : هههههه انا مدي يماكم و رايح نحوس و نتوما احصلو بالخدمه.
- آدم : ههههه قول هكا من الاول .
حسام : ويني نانا آدم قالي راهي هنا .
فطيمة: راني هنا يا وليدي كنت نصلي مرحبا بيك يا الغالي وليد الغالي .
- حسام :بيك يعيشك نانا لعزيزة ربي يخليك لينا .
سلمت عليها و بستها من راسها .
- فطيمة: واش حوالك .
- حسام:لباس الحمد لله سوال عليكم.
أنت تقرأ
احببتها بعد فوات الاوان
Romanceقسوة الواقع و بشاعة الخذلان في النهاية تنسينا جمال البدايات. لكن مهلا هل هذه النهاية؟! قصة باللهجة الجزائرية ممنوع النقل او الاقتباس اعادة نشر لرواية كتبت بتاريخ 30/06/2020
