Lina
طلع النهار نضت براسي يسطر من لبكا لي بكيت لبارح
صليت و هبطت فطرت لبست حوايجي درت خيماري و ركبت طونوبيلتي ديركسيون سبيطار لحقت بدلت و كانت عندنا بزاف خدمة يسما ماقعدت ماحكيت مع سيرين كي لحق وقت لغدا شرينا واش ناكلو وخرجنا نقعدو برة كاين طوابل تحت الشجر .
- قلتيلي غدوا يرحمها ربي راو لحق غدوا عندك كاش حل ؟؟
- قولي منيش حابة و خلاص
- في بالك ساهلة نسيتي بلي المرة التالية لي رفضت فيها خطاب ماما جابت موراها شحال و هي زعفانة مني لمرة هذه سور تطلعلها لاطونسيون 😞 .
- ايه عندك الحق و مام ماتنسايش بلي احلام تاني داخلة في الحكاية هذه المرة تخافي ماماه تزعف ولا
- نو ماشكيتش طاطا جميلة ماتبانش من هذا النوع اون بلوس آدم بفمو قالي ماتخليش الباسي يدخل في النص كي هدر معايا اول مرة يسما لبروبلام تاع احلام نحيناه يبقالي بابا و ماما لي حابين يزوجوني .
- تستاهلي كون قبلتي بواحد ملي خطبوك قبل كون ماصرالكش هكا حاجة باينة مراحش يدور بوحدة مزوجة ولا مخطوبة ديجا لمريض هذاك يكون داير في راسو بلي مازلتي تحبيه علابيها مازوجتيش .
-😏😏😈
- لوجه تاع الشر تاعك هذا مايعجبنيش واش راهو يدور في راسك لينة
- يسما خطبني بسك داير في بالو بلي نحبو ياك 😏
-- ايه المفيد ؟؟؟؟
- يسما اذا كنت نحب وحدوخر يخطيني ماضنيتش يقبل يخطب وحدة عندها واحد في حياتها
- 😏😏😏 بصح كيفاه ناوية تلحقيلو بلي عندك واحد في حياتك.
- عادي نتلاقا بيه و نقولو مالغري منيش حاملة نشوفو بصح لازم خير ملي تخلاص عليا مزوجة بيه و نقولو بلي نحب واحد و نستنا فيه يوجد روحو و يجي يخطبني نقولو خطيني منيش حابة المشاكل مع دارنا.
- وفي ميزك يقنع كون يخشن راسو ؟؟؟
- انا نسيي ماعندي ماخسرت .
- ايه مالا عيطيلو درك قوليلو تلاقاو غدوا علاقد مافريتيها بلخف تهنيتي
- نعيط لآدم قبل نجيب نيميرو تاعو .
عيطت لآدم بعتلي نيميرو تاع حسام عيطتلو
- الو وي شكون معاي
- الو انا لينة عيطتلك باش نقولك لازم نتلاقاو ( بصوت بارد )
- ايه مادابيا وين تحبي نتلاقاو
- غدوا لعشية في سبيطار *******
-اوكي انشاء الله
مخليتوش مامبا يكمل هدرتو و كوبيتلو في وجهو
أنت تقرأ
احببتها بعد فوات الاوان
Romanceقسوة الواقع و بشاعة الخذلان في النهاية تنسينا جمال البدايات. لكن مهلا هل هذه النهاية؟! قصة باللهجة الجزائرية ممنوع النقل او الاقتباس اعادة نشر لرواية كتبت بتاريخ 30/06/2020
