Lina :
كملت خدمتي و رحت نشوف سيرين اذا كملت لقيتها حاصلة مسكينة .
- لينة: سيسي كملت انا كاشما نعاونك؟
- سيرين : جابك ربي كيما راكي تشوفي راني حاصلة مع الخدمة هنا و عندي مريضة موالفة نروح نشوفها .
- لينة: كيفاش مريضة فاميلتك؟
- سيرين : لالا مرا كبيرة مايقدروش يجيبوها كل يوم للسبيطار و حفيدتها جات حللتني باش نروح نشوفها ... و كي شفتها غاضتني راني نروح ليها كل يوم .
- لينة: اييييه هكاك نشدلك انا هنا و روحي .
- سيرين: البارح خرجت بكري الشاف سارفيس راح حالف فيا روحي في بلاصتي تعيشي ماشي بعيدة .
- لينة: اوك ابعتيلي لادراس دك نروح.
- سيرين: يعطيك الصحة نخلفهالك كاش نهار.
لينة : اييييه حقا راني بلاطونوبيل حسام وصلني الصباح .
سيرين : هاكي المفتاح تاع طونوبيلتب علابالي تروحي و تجي و انا مزال ماكملتش .
لينة : ايه راني رايحة مبعد ان شاء الله .
بدلت حوايجي و قلت نعيط لحسام نقولو خير ملي يجي و مايلقانيش يدير حالة سييت مرة زوج مايرفدش 😑 انا الغالطة لي قيمتو .
~~~~~~~~~~~~~~~~~~~~
Houssem:
شفت الميساج و بعتو كيما موالف لبلال و سييت نعيط للينا تلفونها مغلوق اووو ماشي عوايدها مبعد قلت بلاك طاحتلها لاشارج ولا ٫ هذاك الوقت كانت لحقت 4 ركبت الطونوبيل و رحت للسبيطار عاودت عيطت والو و هنا بديت نتوسوس .
دخلت و رخت للإستقبال:
- حسام: السلام عليكم ٫ وين نلقى دكتور #### لينة؟
- الموضفة: خرجت عندها تقريب ساعتين بصح قاتلي مانطولش و نرجع .
- حسام: ماقالتش وين رايحة؟
- الموضفة : نو ماقالتش .
تما بدى القلق تاعي يزيد و جات في بالي بلي سور سيرين تكون علابالها وين راهي.
- حسام : دكتور سيرين #### راهي هنا؟
الموضفة : وي
حسام: وين نقدر نلقاها ؟
الموضفة : الطاج الثاني البيرو الاول على ليمنا .
طلعت نجري في الدروج و كي لحقت لقيتها خارجة من البيرو.
- سيرين : حسام؟!!
- حسام: قالولي لتحت لينة خرجت ماعلابالكش وين راحت؟
- سيرين: علابالي انا لي بعتها تداوي مرة كبيرة موالفة نروح ليها بصح طولت بزاف و راني نعيطلها تلفونها مغلوق و مام حفيدت هذه لعجوزة تلفونها مغلوق تاني ٫ دك كنت راح ندي طاكسي نروح نشوفها .
أنت تقرأ
احببتها بعد فوات الاوان
Romanceقسوة الواقع و بشاعة الخذلان في النهاية تنسينا جمال البدايات. لكن مهلا هل هذه النهاية؟! قصة باللهجة الجزائرية ممنوع النقل او الاقتباس اعادة نشر لرواية كتبت بتاريخ 30/06/2020
