احببتها بعد فوات الاوان

14

Lina

عطاني تلفونو خزرت ما أمنتش واش شفت واقيل ولا عندو هواية تاع يشوكيني

- لينة : منين جاو هذو

- حسام : مخدومين ماشي حاجة صعيبة بصح يبانو صح لالا

- لينة : علاه خدمتهم

- حسام : باينة

قعدت ساكتة و نخزر فيه عقلي ماشي قادر يتقبل واش شفت تصاوري معنقاتو و راقدين اون بلوس مغطيين بإيزار برك يعني بلا حوايج .

- حسام : و درك تقبلي ولا لالا

الدمعة طاحتلي ماتوقعتش تلحق بيه وين يشوهلي سمعتي و يطعني في شرفي .مسحت الدمعة لي طاحت و خزرت فيه نمتل القوة و قتلو .

- لينة: وكون مانقبلش ؟؟

- حسام : ساهلة نبعت التصاور هذو لعمي محمد و نشوفو ردت فعلو .

- لينة: بابا امبوسيبل يأمن عليا حاجة كيما هذه و التصاور هذو نقدر نثبت بلي ماشي تاع الصح .

- حسام : ايه علابالي بصح على حساب ماسمعت باباك عندو القلب و تصاور كيما هذو قادر يقتلوه قبلما تثبتي بلي مزورين

- لينة : كلب رخيس نتا صح ماتسواش

- حسام : اششت اقعدي عاقلة كاش وحدة تهدر هكا مع راجلها

- لينة: نتا ماشي راجلي

- حسام : قريب انشاء الله نولي

- لينة : صح كنت نكرهك بصح درك طحت من عيني .

- حسام : امشي نرجعو خير ملي كاش مايديرو في بالهم

قرب مني و يهدر عند وذني

- حسام : و ماتنسايش القرار في يدك حبي

- لينة : كلب

سبقتو رجعت للصالون و حسيت روحي ضايعة حساباتي كامل خسرو و ماعنديش حل خلاف درك.

- عبد الرحمن : جيناكم اليوم طالبين يد بنتكم لينة لوليدنا حسام على سنة الله و رسوله و نتمنا ماتردوناش .

- محمد : انا من جيهتي قابل بصح راي الطفلة هو الصح .واش قلتي بنتي ؟

- لينة : قابلة

قلتها بلعقل و انا شادة البكية بسيف و ناضو الزغاريت تفاهمو على الفاتحة مور سمانة و انا محبيتش حاجة كبيرة فاتحة في المسجد و يلبسو الخاتم و خلاص كي روحو رحت ديراكت لبيتي نحيت حوايجي و دخلت تحت الماء بارد بسك اعصابي حسيتلهم راح يتحرقو من البكية لي مقبيل و انا شادتها و من التخمام في يلي جاي .

                    *****************

Houssem

كي شافت التصاور شفت الدمعة في عينيها غاضتني بزاف بصح مكانش عندي حل خلاف لينة راسها يابس و امبوسيبل كانت تقبل كون مادرتش هكا كي قاتلي و كون مانقبلش هددتها بأني نبعت التصاور لباباها و كنت نكذب مام كون ماقبلتش جامي ندير حاجة كيما هذه خوفتها برك رجعنا للصالون و كانت تشوف فيا تقول حابة تقتلني .كي قالت بلي قابلة حسيت الدنيا ماشي سايعتني بالفرحة المهم تولي مرتي و نعوضها على كلش فات و نخليها تسامحني ان شاء الله.