Lina
كنت في الخدمة حتى جات عندي الفرملية قاتلي بلي واحد راهو يسقسي عليا لتحت قتلها تقولو يستنا شوية حتى نكمل المريض لي عندي كملت و هبطت انا قلت سور كاش واحد نعرفو. حتى سمعت واحد مورايا قال
-dr****Lina
درت ليه و قتلو وي
كي شفتو انخلعت و مام هو شفتو حبس عرفتو بلي ماتوقعش بلي انا .
-لينا !!!
-آدم !!!؟
كيشغول قلتها نسقسي في روحي ماشي فيه
- وشراكي لباس ؟
-لباس الحمد لله و نتا ؟
-لباس الحمد لله .
ماتوقعتش نزيد نشوفو مور هدو لعوام كامل ههههه زاد كبر و زيان 😂😂 .غست و نسيت ماسقسيتوش علاه يسحقني.
- ايه كنت تسقسي عليا عندك كاش مريض هنا ياك غير الخير .
-و الله الحمد لله برك سحقيتك في وحد الموضوع بصح ماش هنا اذا كملتي نهدرو برا .
-غير الخير .؟؟؟
انا وسوسني واش ااموضوع هذه لي حاب يهدر معايا فيه و اجابتو كانت آخر حاجة توقعتها .
- على أحلام ختك الصغيرة.
-😯😯😯😯
خرجنا قعدنا في الجاغدان تاع السبيطار و قتلو
-راني نسمع.
- اممممم الحق انا و أحلام نحبو بعضانا و راني حاب نجي نخطبها بصح هي قالت بلي باباك ماشي قابل يزوجها قبلك قلت بالاك كون تهدري معاه نتي يقبل .
-من وينتا تعرفها .
- تلاقينا قبل عامين و كنت نستنا فيها تكمل قرايتها برك و نخطبها.
انا بقيت ساكتة و نخزر فيه حتى قال
-لينا ماتخليش الباسي يأثر على قرارك تعيشي.
-ههههه الباسي خلاص فات و مايهمش نتا اهدر معا بابا و اخطبها منو و انا نسيي نقنعو مدامكم نتوما في زوج حابين شكون انا باش نوقف في طريقكم المهم تكون أحلام فرحانة .بصح كون تزعفها و تشوف واش ندير فيك 😒😒😠.
-ههههه ماتخافيش راهي في عينيا تولي مرتي برك 😅😅
-انشاء الله فيها خير . انا نروح درك تبقا على خير .
-و نتي بخير.
هو راح و انا طلعت قلت نبدل حوايجي و نروح نروح بسك هداك هو الوقت دخلت وين نبدلو لقيت سيرين لتم .
-سيسي كملتي .
-وي بصح عييت راح نموت حقا وين كنتي سقسيت عليك قالولي خرجتي مع واحد 😏😏😏
- بسم الله الرحمن الرحيم السبيطار هذه ما يتخبا فيها والو تقول قناة تاع اخبار .
-ايه خلاص بركاي بلا تفلسيف و قوليلي شكون هو 😑😑😑.
أنت تقرأ
احببتها بعد فوات الاوان
Romanceقسوة الواقع و بشاعة الخذلان في النهاية تنسينا جمال البدايات. لكن مهلا هل هذه النهاية؟! قصة باللهجة الجزائرية ممنوع النقل او الاقتباس اعادة نشر لرواية كتبت بتاريخ 30/06/2020
