احببتها بعد فوات الاوان

21

Lina

كنت نمشي مع حسام في المطار و بعيدة عليه شوية بسك في العشر ايام لي فاتو ماكنتش نهدر معاه خلاص الحق كنت ناوية نجوز تحويسة شابة و نكرهلو حياتو بصح الشي لي صرا النهار الاول خلاني كارهة و غير نخمم لحقت لدرجة وليت نسمع صوت مراد حتى و انا نايضة بلا الليل لي دايما كوابيس .حتى شفت الشي لي خلاني نجمد في بلاصتي ايه شفت مراد مقابلني و زاد تبسملي شديت يد حسام من الخوف كنت عارفة بلي خيالي برك و مراد امبوسيبل يولي .

حسام كان يسقسي فيا واش كاين و باين من عينيه بلي قلقان عليا .

- حسام : وشبيك لينة جاوبيني

- لينة: راح نهبل 😭😭 شفتو هو ككككنت نسمعو برك و درك راني نشوف فيه 😭😭😭.

كنت نتأتأ و دموعي يسيلو كنت خايفة بسك راني نحس بلي الحالة لي صراتلي كي مات راهي تتعاود .

- حسام: قوليلي وين شفتيه

رفدت راسي وين كان مالقيتوش.

- لينة: كان لهيك 👈.

- حسام : خلاص ماتبكيش ماصرا والو اذا تحبي نشوفو بسيكولوغ بلاك يعاونك .

درتلو براسي ايه و رحنا ركبنا الطونوبيل ديراكت للدار .

               *****************

Houssem

كي لحقنا للدار الحاجة الاولى لي درتها عيطت لأيمن بسكو قبلما يروح للماريكان كان بوليسي قلت سور يعرف كاش واحد يقدر يعاونني في هذه لحكاية .

- حسام: الو ايمن صافا.

- أيمن : اييييه شكون عيطلي انا قلت تنساني كي تزوجت واش تواحشتني عندنا 10 ايام برك ملي تلاقينا .

- حسام: سامط كي عوايدك . خلينا من التمسخير تاعك راني مسحقك في حاجة سيريو

- أيمن : ايه راني نسمع

- حسام : ......................(حكيتلو كلش واش صرا من الكادو للميساج كلش ) و نسحقك تشوفلي كاش واحد من معارفك لقدم يكون ثقة .

- أيمن : درك نعيط نشوف و نردلك خبر .

موراها بعتلي النومرو تاع واحد صاحبو قديم عيطتلو و تفاهمنا نتلاقاو غدوا .

كملت طلعت عند لينة لقيتها في البيت متكسلة فوق السرير .

_ حسام : لينة....لينة.

عيطتلها ماتردش اوو راقدة في هذا الوقت مزال الحال .قربت منها شديت يدها بانتلي سخونة حطيت يدي على جيهتها لقيتها تغلي سييت نوضها والو .رحت جبت thermomètre قستلها السخانة لقيتها طالعة جبت قماش مع الماء بارد و حطيتو على جبهتها و بديت نبردلها في يديها و رقبتها .

- لينة: االللبرررد ❄

- حسام : احملي شوية برك باش تهبطلك الحمى.

كملت و بدلت الماء كي سخن و لينة كانت تمتم بهدرة ماشي مفهومة .خليتها و رحت جبتلها دوا تاع الحمى .

- حسام : لينة حلي فمك اشربي الدوا

- لينة: امممم خليني

- حسام : ايه اشربي الدوا باش ترتاحي و نخليك

- - لينة: مممم مانحبوش ماشي بنين

- حسام : يا بنتي واشية لي ماشي بنين اشربي دواك الحمى راح تقتلك .

سييت معاها ماجيت نشربهولها بسيف .

كي جيت نايض شدتلي يدي و سمعتها تهدر بصوت خافت .

- لينة : حسام ماتخلينيش وحدي .

درت لقيتها مغمضة عينيها و خدودها حمر قعدت قدامها فوق السرير نلعبلها بشعرها و بقيت الليل كامل نعسلها في الحمى اسكو هبطت ولا لالا و نبدل الماء كلما يسخن حتى هبطتلها وولات نورمال .

                *****************

Lina

كي لحقنا للدار حسيت روحي مدقدقة و حسيت ببرودة مالغري السخانة رانا في الصيف تكسلت و تغطيت مافقتش لروحي كيفاه رقدت كي فطنت لقيت حسام راقد قدامي و رقدتو معوجة كان باين ماشي الاز درت يدي في جبهتي لقيت قماشة و طاس ماء قدامي و دوا يا عمري راجلي تهلا فيا 😍 بصح والله ماسامحتك بالساهل هكا يا حسام .سقمتلو رقدتو و درت راسو فوق لمخدة و نضت دوشت نشفت شعري صليت و هبطت للكوزينة وجدت لفطور .شوية هكا هبط حسام .

- لينة: صباح الخير.

- حسام : صباح النور .راكي مليحة درك ؟ ريحتي شوية.

كان يهدر و جا حط يدو على جبهتي

- حسام: الحمد لله مكاش حمى.

قعدنا نفطرو

- حسام: ماما عيطتلي البارح. قالتلي علاه ماجيتوش عندنا ديراكت قلتلها بلي كنا عيانين قالت نروحو عندها اليوم نجوزو النهار لتم

- لينة: ايه درك نوجد روحي و نروحو

- حسام : وجدي روحك نوصلك و نخرج عندي طريق .

- لينة: اوك

مالغري كنت نغلي للداخل ماحبيتش نسقسيه وين رايح خلي هكا باش يدير في بالو بلي مايهمنيش .

لحقنا لدارهم طاطا جميلة ماطلقتنيش بالتحضان و البوس الحق نحسها انسانة طيبة بزاف و حبيتها من نهار شفتها .

حسام قعد شوية معانا مبعد خرج .اوووف كون غير سقسيتو وين رايح درك نقعد هكا نطلع و نهبط زعما واش حابة نبان ماشي مهتمة 😑 علاه دايما نتصرف بلاما نخمم علاه 😔.

               ***************
لحقنا للنهاية تاع هذا البارتي .
رأيكم في الاحداث
Vote w cmntr 😊❤🐸
Nhbkom ❤💕