Houssem
لينة كانت تحكي و تبكي والشي لي ضرني اني انا السبة كيما خممت فيها انا السبة كون ماخليتهاش كون راهي كانت مزوجة كي تلاقاتو و ماكانش حط حتى امل انو ممكن تحبو ولا تكون ليه وكون مادخلتش لحياتها من الاصل بلاك كون عاشت حياتها معاه نورمال .ايه علابالي بلي هذه انانية مني بصح مانقدرش نتقبل الفكرة برك انه لينه تكون مع واحد خلاف .كملت حكاتلي كلش صرا قبل عامين و حسيتها و هي تحكي كيشغول راهي تعيش في كلش مرة خلاف كانت تلوم في روحها حاولت نقنعها بلي ماشي غلطتها و هذا مكتوب .
- حسام: لينة خلاص ماتزيديش تبكي هذا الشي فات خلاص لازم تنساي .
- لينة: ببببصح الميساج شكووون كككيفاه .
- حسام : بلاك يكون كاش واحد فاميلتو ولا يعرفو حب ينتقم ولا
- لينة: لالا مكان عندو حتى واحد ماليه كامل ميتين ووو ااانا زدت قتلتو 😭😭
- حسام: لينة نتي ماعندك مادخلك هو لي قتل روحو بركاي ماتعذبي في روحك
- لينة : 😭😭 بصح ااانا السببة انا لي قتلتو .
ماحملتش نشوفها تبكي هكا كانت تقطع القلب شديتها ليا و عنقتها بكات بكات حتى رقدت .
انا الليل كامل ماقدرتش نرقد نخمم شكون هذا لي حاقد على لينه هكا ولا بلاك عليا انا و باينه بلي لي بعت لحمامة نفس مول الميساج درك و الشي لي راني متأكد منه ماهوش انسان ساهل و باين بلي عندو خطة و عارف بزااف على حياتنا .
لينه الليل كامل و هي تتنفس بصعوبة و تهدر في هدرة ماشي باينة كانت باينة تنام سييت نوضها ماقدرتش .
الصباح نضت توضيت صليت لفجر و قعدت مقابل لينة نتفرج فيها و هي راقدة كانت كيما الملاك علاه دايما نفيقو روطار اكبر غلطة في حياتي كانت اني خليتها توقعت روحي ننساها مور مدة كيما اي وحدة قبلها بصح مانسيتش ماكانت كيما حتى وحدة و هذه الحقيقة كانت باينة قدامي انا برك ماحبيتش نأمن و خلصتها غالية .
********************
Lina
حكيت لحسام كلش صرا حسيت قلبي يتقطع و انا نحكي كيشغول هذوك ليامات يتعاودو كي كملت حكيتلو عنقني حبيت نبعدو بصح ماكان عندي طاقة لوالو مافقتش لروحي كيفاه رقدت و الليلة جوزتها كحلة ليل كامل و انا نشوف في مراد قدامي كان حاب يقتلني .
كي نضت الصباح لقيت حسام مقابلني و يتفرج فيا دقيقة هديك حبيت نعنقو و في نفس الوقت كنت حابة نقتلو هو سباب كلش .
نضت ماهدرتش معاه ماقيمتوش مامبا دخلت للدوش توضيت خرجت صليت لقيتو جاب لفطور ماكنتش قادرة ناكل والو حاسة راسي يسطر من لبكا و شهيتي مغلوقة.
- حسام : ارواحي تاكلي
- لينة : مانيش قادرة بصحتك
- حسام : ماتقعديش هكا بالشر يزيد كاشما يصرالك
- لينة: نتا واش دخلك خلي نموت واش همك
-حسام : لينة واش لهدرة هذه كيفاه واش دخلني ناسية بلي اني راجلك
- لينة: هههه كيفاه ننسى راجلي لي تزوجتو بسيف 😑
- حسام : واش تحوسي درك
- لينة : نحوس نموت و نتهنا مانيش حاملتك ماني حابة حتى واحدة في حياتي اخطوووني
حسام: لينة علابالي بلي راكي خايفة و زعفانة بصح ماتبعدينيش عليك هكا على الاقل ماشي و نتي في هذه الحالة.
كان يهدر و قرب ليا شدني من يدي .بعدتلو يدو بالقوة
- لينة: نتا سباب كلش اخطيني حياتي تدمرت بسبتك و ماكفاكش هذا كامل علاه عاودت وليت علااااه علااااااه اخطيني اخطططيييينننييي مانسحقش في حياتي خليني وحدي .
حسام : خلاص كالمي روحك اني رايح .
خلاني وحدي و خرح رميت روحي فوق السرير و قعدت نبكي كيفاه حابتو يبعد حابة نكرهو و في نفس الوقت حابتو معايا كرهت كرهت من هذه لحياة 😭😭😭😭.
******************
Houssem
كي ناضت لينة من الرقاد ماقيمتنيش كامل و هذا الشي قلقني ماولفتهاش هكا مي نستاهل راني نحصد واش زرعت مبعد بدات تعيط و كنت عارف بلي مازالت مصدومة من واش صرا لبارح سايستها على قدما نقدر مبعد خرجت و خليتها بسك ماكنتش قادر نتحكم في اعصابي كتر و ماحبيتش نجرحها ولا نعيط عليها خرجت سمعتها تبكي شي لي كنت حاسو مايتوصفش حسيت روحي تتحرق سيرتو مانقدر نخفف عليها بوالو جرحتها و مانيش قادر نداويها بصح مالازمش نفقد الامل .هبطت قعدت لتحت في لوتال ماكنتش حاب نخرج و نخليها سيرتو مع الضروف لي رانا فيهم مانقدرش نخليها وحدها نخاف كاشما يصرالها .
جازو 10 ايام و لحق الوقت لي نرجعو فيه لدزاير و لينة ماحبتش خلاص تخرج من الشومبرة كيما درت معاها مافادش .الهدرة و تهدر معايا فوق القلب ركبنا الطيارة و بعد ساعات كنا في مطار الجزائر الدولي كنت ماشي و لينة قدامي حتى لقيتها شدت في يدي بالقوة شفت في وجهها لقيتها صفرة و تبان خايفة .
-حسام : لينة وشبيك واش صرا.
- لينة : ...........
******************
لحقنا للنهاية تاع هذا البارت
رايكم و توقعاتكم؟
فوت و كومنتر بليز 🥰💜
أنت تقرأ
احببتها بعد فوات الاوان
Romanceقسوة الواقع و بشاعة الخذلان في النهاية تنسينا جمال البدايات. لكن مهلا هل هذه النهاية؟! قصة باللهجة الجزائرية ممنوع النقل او الاقتباس اعادة نشر لرواية كتبت بتاريخ 30/06/2020
