احببتها بعد فوات الاوان

13

Ahlem

ليامات هاذو مكان والو جديد ابار حسام لي حاب يخطب لينة و هي ماشي مقيماتو و دايتها غير في نخمم يعني بقلاوة كيما هذاك يخممو الناس كون ماشي جيت نحب آدم كون عشقت فيه اه يا طاطا جميلة جبتي سلعة صحيحة المهم كنت نهدر في التلفون مع آدم لعشية و متكسلة في فراشي حتى زدمت عليا لينا تقول الارهاب و قبلما نخرج من الشوك زادت نحاتلي التلفون من يدي شوية احترام يا ختي 😮😠

- مساء الخير آدم ديزولي على الديرونجومون بصح لازم تعاوني

- وي ختيتو حاجة باينة وينتا رديتك من قبل ( كي كانت لينة مع حسام كانت مداصرة آدم يعني نقدرو نقولو عليهم دي زامي )

- شوف خوك لي مايتسماش يعيطلي

- اوكي مبعد نهدر معاه

- ايه و مكاش هدرة مع احلام حتى يعيطلي 😇

- اوو و حنا علاه دخلي فينا في النص 😒

- هكا باش نتأكد بلي تقنعو 😎

انا تشوكيت علاه تقول على حسام هكا باينه بلي ماشي حاملاتو و من هدرتهم حسيت بلي آدم و لينة يعرفو بعضاهم من قبل زعما وين و كيفاه وعلاه ماقالوليش ( صباح الخير هداوين فقتي 😂😂)

كوبات مع آدم و دات تلفوني ورايحة

- لينة تلفوني

- درك شوية نرجعهولك

- استناي فهميني واش كاين

- مكاين والو

وقفت في طريقها و قلتلها

- كيفاه ماكاين والو ديجا وينتا داصرتي آدم هكا؟؟

- غرتي 😏

- ماتبدليش الموضوع و علاه حسام تقولي عليه لي مايتسماش

- اووف احلام ماتدخليش روحك

- هداك تلفوني و لي هدرتي معاه غاجلي و لي تهدري عليه سلفي و نتي ختي كيفاه حابتني ماندخلش روحي .

سكتت شوية مبعد قالتلي

- آدم و حسام نعرفهم من قبل

- توقعتها بصح كيفاه

- اوووف شحال ماتسقسيش .كنت نحبو و راح و خلاني 😑😑 بردتي درك

- شكون فيهم

- صح حابسة باين بلي حسام 😒

- الحمد لله لي ماشي آدم .بصح حسام كان مزوج 😓

- كنت معاه قبل .و درك تلفونك راهو عندي كي يعيطلي نرجعهولك

- بصح مافهمتش واش دخل تلفوني في النص

- هددت آدم بيك كون مايعيطليش مانخليهش يهدر معاك 😈

- شغيغة 😒

- علابالي هاتي جديد .

راحت وخلاتني نطلع ونهبط وحدي علاه ماقالوليش قبل مبعد نتفاهم مع آدم لي خبا عليا 😔😒 و درك فهمت علاه لينة ماشي قابلة بيه وعندها الحق كلب رخيس 😠 بصح علاه ماقبلتش تزوج من قبل زعما تكون مزالت تحبو اوووف انا علاه نمرض في روحي ربي يجيب الخير و خلاص نروح نحلل لينة ترجعلي تلفوني .