احببتها بعد فوات الاوان

8

Houssem

طلع النهار ليوم الفاتحة تاع آدم و انا ليل كامل ماقدرتش نرقد و تخمامي كامل فيها من جيهة كنت فرحان لي ماهيش مزوجة و من جيهة نحاسب في روحي كيما العادة و نلوم فيها لي ضيعت طفلة كيما هي و في نفس الوقت يدور في راسي سؤال علاه مازوجتش لدرك زعما مزال تحبني مكاش منها شكون تحب واحد راح و خلاها سور تكرهني درك اااه يا ربي علاه فقت روطار علاه.خرجت من البيت و هبطت للكوزينة لقيت ماما و نانا وبابا في الطابلة يفطرو .

- جميلة:صباح الخير حسام

-حسام :صباح الخير عليكم

- فطيمة: صباح الخير يا وليدي

- عبد الرحمن : صباح الخير

- جميلة:اقعد نحطلك تفطر

- حسام :آدم مزال ماناضش

- جميلة : مزال تقول ماش فرحو

- آدم : اني نضت ماما ديجا مزال الحال

- عبد الرحمن : ايه وجدو روحكم باش نروحو للفاتحة ديجا عمومك و خوالك راهم جايين

فطرنا و.وجدنا روحنا جاو الرجال تاع لافامي خوالي و عمامي و ولادهم و رحنا للمسجد دارو الفاتحة .

- حسام : مبروك عليك خويا لعزيز .

- آدم : يبارك فيك لعقوبة ليك .

- حسام :انشاء الله 😏.

- آدم : واش راك تخمم الخزرة هذه ماتعجبش .

- حسام : خير انشاء الله .

- آدم : ربي يستر وخلاص .

-حسام : ههههه هيا برك ماتعمرش راسك بيا ليوم فرحك .

رجعنا للدار و دنيا تقلبت بالزغاريت بسك كانو عماتي وخالاتي جاو باش يروحو معانا لعند لعروسة لعشية .

المهم مور لغدا ووجدنا رواحنا و رايحين لدار احلام .

***************

Ahlem

اليوم الخطبة تاعي يسما يجي و يلبسلي الخاتم ههههه من شدة الفرحة منيش مأمنة يااااا نااااس دارو الفاتحة تاعي الصباح نسمى مزوجا درك 😂😂😂تقريب المهم كنت قاعدة في البيت نستنا فيهم يجو كنت لابسة غوب في الباج بدوغي مع سوندال دوغي و شعري ملايم شوية و الباقي بوكلي و ماكياج راني بوبية احم احم😂 دارنا كانت معمرة لقراب في لافامي كامل راهم هنا لغنا داير حالة هدي الخطبة و هكا العرس علابالي يقيمو الدنيا قبل بشهر عايلتي و نعرفها شوية و نسمع لكلاكسون يا عمري جاو😍😍 رحت للطاقة نطل (وقابة😂) قعدت نستنا بيد ماحطولهم القهوة و هدوك لحكايات حتى جات لينة قالتلي بلي يدخل آدم باش يلبسلي الخاتم و نقطعو لباتيسري .

- لينة قولي الحق راني شابة

- راكي تشبهي ل 4 تاع الصباح

- صح 😱😱

- ههههههه يابنتي وشبيك راكي تهووووبلي ربي يحفضك من العين .هيا راهو جاي

- راني خايفة

- مناش خايفة تان ؟؟

- من العين 😌

- ربي يهديك اقراي المعوذتين و امشي قدامي قاتلو من العين واش يتعاين فيك نتي 😏

- 😒😒😒

- ماتزيريش وجهك هكا يشوفك آدم يهرب

- ههههههه

- ربي يدوم هذه الضحكة الزينة

- لينة واش هذه لهدرة اواه نتي ماشي لينة شكون نتي

- لغالط لي قيمك و هدر معاك كيما لعباد هيا نروحو

- نتمسخر ختيتي انا شكون عندي من غيرك

حضنتها و خرجت قدام لبيت حتى بدات الزغاريت طلعت راسي قابلني آدم لابس costume noir جايو sur taille و شعرو ممشوط و اللحية مطراسية قلبي الصغير لا يتحمل 😍كروشيتو ريحتو دوختني و رحنا للصالون مع الزغاريت لي محبستش كانت لباتيسري فوق الطابلة قطعناها كيفكيف و كلني و كلتو و شربنا لجو داو الباتيسري و جابت ماماه لخاتم تاع الخطبة يهبببل هو قالي خيريه بصح علابالي الذوق تاو شباب و محبش يصورهولي لبسهولي و تصورنا مع لافامي و تصاور وحدنا .

****************

Adam

درنا الفاتحة الصباح يسما احلام ولات مرتي تاعي .رحنا عندهم للدار تقهوينا و انا غير نستنا وقتاش نشوفها توحشتها و منيش نشبع منها كون جات بيدي هههه كون درت العرس ليوم كي دخلت و شفتها الله يبارك بوبية كلما نقول امبوسيبل تولي شابة كتر على هك نلقاها زادت زيانت واش راح يصبرني 😌 ههه كانت حشمانة بصح الفرحة باينة في عينيها خرجتها و قطعنا القاطو وهدوك لحكايات مبعد لبستلها الخاتم و صورنا بزاف تصاور حتى عييت 😵 و مبعد خرجت علاه يا ربي علاه ماشي العرس ليوم و يادرا شحال لازم نزيد نستنا زدنا شوية و روحنا في الدار كي لحقنا درنا عشا للافامي لي راحو معانا و زيد سهرة مع لحباب .

***************
نهاية البارت
Vote w commentaire 😇😌😊
بلييييز باش نتشجع و نكمل 😘❤