Lina
فاتو ايام ملي تلاقيت بآدم و من هداك الوقت ماهدرتش مع احلام في هذا الموضوع بسك راني زعفانة منها لي خبات عليا كانت قادرة تحكيلي من الاول .المهم انا قاعدة في بيتي حتى جات عندي ماما
- لينا مزال مرقدتيش
-لالا ماما مزال واش كاين ؟؟؟؟
- الحق كاين واحد جا خطب باباك في احلام و هو ماقبلش على جالك.
انا غير قاتلي جا في بالي بلي آدم يسما لازم نقنعو انشاء الله برك يسمعني
- بصح انا معنديش مشكل اذا لقا بلي لعريس يوالمها يقبل احلام مهيش صغيرة درك .
- مام انا قلت هكا بصح باباك محبش حتى يسقسي عليه خايف تزعفي .
- و الله غير نورمال يا ماما خلاص خلي غدوا نسيي نهدر معا بابا
- ربي يخليك ليا بنتي لعزيزة والله غير أمنيتي نشوفكم في دياركم مستقرين مع رجالكم و لعقوبة ليك يا بنتي .تصبحي على خير
-ونتي من اهلو .
كي راحت ماما رقدت و انا نخمم كيفاه نقنع بابا .
الصباح كي نضت هبطت للكوزينه لقيت بابا و ماما قاعدين يشربو في القهوة.
- لينة: صباح الخير ☺
- نادية (الام) : صباح الخير يابنتي اقعدي نحطلك قهوة
- لينة : thnx mam 😘😘
- محمد (الاب ): صباح الخير بنتي تواحشنا نشوفوك الصباح موالفة تبكري للسبيطار
- لينة : ايه والله تواحشت نشبع رقاد . بابا حابة نهدر معاك في حاجة
محمد : غير الخير يا بنتي ؟؟؟
لينة: ماما قاتلي بلي خطبوك في أحلام و ماقبلتش على جالي .
بابا خزر في ماما تاع علاه قلتيلها و قالي
- محمد: ايه صح ماقبلتش بسك احلام مزالت صغيرة
- نادية : واش صغير فيها قرايتها و كملتها و راهي خدامة.
- لينة : بابا متقلقش روحك علاجالي منيش حابة نوقف في مستقبل احلام اذا لقيتو يوالمها و قبلت بيه تعيش بابا مترفضوش علاجالي
- محمد : يا بنتي منيش حابك تزعفي و لا كانش من يسمعك هدرة .
لينة : هذا مكتوبي و انا قابلة بيه و بالعكس فرحت احلام تعني فرحتي .تعيش بابا سقسي عليه في خاطري .
- محمد : و من وقتاه نقدر نرفضلك طلب اميرتي .
- لينا : ربي يخليك ليا بابا .ههههه انا نروح نوض احلام نقوللها
محمد : ههههه علاه مزروبة قلت نسقسي عليه مشي راني قابل .
لينة : ايه بصح لازم تعرف .
أنت تقرأ
احببتها بعد فوات الاوان
Romanceقسوة الواقع و بشاعة الخذلان في النهاية تنسينا جمال البدايات. لكن مهلا هل هذه النهاية؟! قصة باللهجة الجزائرية ممنوع النقل او الاقتباس اعادة نشر لرواية كتبت بتاريخ 30/06/2020
