قسوة الواقع و بشاعة الخذلان في النهاية تنسينا جمال البدايات.
لكن مهلا هل هذه النهاية؟!
قصة باللهجة الجزائرية
ممنوع النقل او الاقتباس
اعادة نشر لرواية كتبت بتاريخ 30/06/2020
جازت الخطبة تاعنا انا كنت طاير من الفرحة و لينة باينة زعفانة كانت تضحك فوق القلب و ماشي حاملتني المهم لبستلها الخاتم و تفاهمنا على العرس مور 6 شهور .
بعد مرور 6 اشهر :(امريكا)
غدوا الصباح الطيارة تاعي جازو هذو الست شهور بالخف كنت لاهي مع الخدمة لي خليتها كامل لأيمن و درك نرجع لدزاير عرسي بقالو 15 يوم و ماما كل يوم تعيطلي وينتا تجي. لينا تواحشتها بزاف عندي 6 شهور ماشفتهاش اون بلوس ماحبتش تهدر معايا كلما نعيط تكوبيلي علابالي ماراحش تسامحني بالساهل نستاهل ماشي يقولو لي يديرها بيديه يحلها بسنيه يا ربي صبرني .
كملت لميت حوايجي و دخلت دوشت خرجت بعت للينة ميساج خلاتني vu كيما لعادة و رحت نرقد .
الصباح نضت وجدت روحي و ركبت الطيارة راجع لبلادي .
******************
Lina
باقي على عرسي سمانتين اي وحدة في بلاصتي نورمالمون تكون طايرة بالفرحة و الدليل احلام لي الفرحة باينة عليها بصح ماشي انا منيش قادرة نفرح صح نحبو بصح الجرح لي في قلبي كتر منيش قادرة نسامحو .كون كان هذا العرس قبل 5 سنين كنت راح نكون اسعد عروسة في الدنيا "بعض الامور تفقد معانيها بمرور الزمن فما فائدة حبك بعد فوات الاوان".
بعتلي حسام ميساج بلي غدوا يجي قريتو و خليتو vu كيما العادة واقيلا حسبتلو انا لعبة عندو يرميني وقت يحب و يرجعني وقت ماتحلالو انا صح قبلت نزوج بيه بسك ماكانش عندي حل خلاف بصح كون مانكرهلكش حياتك يا حسام مانسماش لينة.
- يا بنتي انا مك ونحس بيك و راني خايفة نكون ضغطت عليك باش تقبلي بسك مانيش نشوفك فرحانة كيما ختك .
- ماما ما تخافيش راني قابلة نزوج وماديري والو في بالك .
- ربي يفرحك يا بنتي و يعطيك على حساب قلبك .
- تعيشي ماما .
باستني ماما و خرجت و انا رقدت ديراكت كنت عيانة من الخدمة و قررت مانزيد نخمم في والو بسك مهما حسبنا ولا خممنا كلش بمكتوب ربي من نهار بديت نخمم هكا رتحت نفسيا لدرجة كبيرة .
في الصباح
-احلام: لينوش نوضي راح الحال .
- لينة : طيري خطيني مانخدمش اليوم
- احلام: شكون هدر على الخدمة ايا نخرجو نشريو مزال كاين حاجات خاصيني
- لينة : ايه راني نايضة يا سعدي كرهتيني في الخروج ولحوانت .
لبست و خرجت مع احلام نهار كامل وحنا نهومو في الحوانت شرات واش خاصها و انا تاني شريت شوية حاجات و رجعنا للدار .
*************
في بلاصة خلاف :
📞📞📞📞
- الو شكون معايا ؟
- مايهمش شكون انا المهم علاش عيطتلك مدام مرام.... طليقك عرسو قريب في الوقت لي نتي عشيقك تمسخر بيك و خلاك ماربحتي والو و خسرتي راجلك في باطل ولا راني غالط
- شكون نتا و منين علابالك بهذا الشي
- توتوتو قتلك مايهمش شكون انا و ماتخافيش ما عندي والو معاك باش نفضحك انا ضد هذا الزواج و نضن ماتقبليش وحدوخرة تدي بلاصتك . المهم اذا الموضوع يهمك عاودي عيطيلي هنا .
📞📞📞📞
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
************* وصلنا لنهاية هذا البارت حكايتنا مازالت في نصها و زادت ضهرت شخصيات جديدة يادرا واش حكايتها . Vote w cmntr n7abkom 😘💜
