قسوة الواقع و بشاعة الخذلان في النهاية تنسينا جمال البدايات.
لكن مهلا هل هذه النهاية؟!
قصة باللهجة الجزائرية
ممنوع النقل او الاقتباس
اعادة نشر لرواية كتبت بتاريخ 30/06/2020
كنت قاعدة في السبيطار مع سيرين حتى جاتنا حالة مستعجلة اكسيدون و كانت الحاله تاعو خطيره بزاف مور 4 سوايع في قاعة العمليات قدرنا ننقدو لمريض لي اسمو مراد ####و في ليامات لي قعدهم عندنا في السبيطار كنت متهليه فيه كيفو كيما اي مريض خلاف و زاد غاضني كي قالي بلي عايلتو كامل ميتين بعد مدة انا حسيت بلي كنت عاجباتو سيرتو انو مام كي خرج من السبيطار بقا يجي يقولي جيت نشوفك و يسقسي عليا انا كنت نسيي نتهرب منو على قد ما نقدر و عييت نسيي نلحقلو بلي امبوسيبل تكون حاجة بيناتنا بصح ماقدرتش نقولو ديراكت بسك ماصارحنيش و خفت نكون فاهمة غالط حتى جا النهار وين قالي بلي راكي عاجبتني و راني ناوي لحلال اي وحدة في بلاستي كانت تطير بالفرحة بحكم انه شباب ولاباس بيه بصح ماشي انا و كله بسبت الخداع تاع حسام ماقدرتش ننسا و ماقدرتش نعطي فرصة لواحد خلاف قلبي كان تكسر و مكاش لي يقدر يصلحو و مراد انسان مليح ماحبيتش نضلمو معايا ماعنديش مشاعر نقدر نمدهملو لمعيشه معايا و مع جثة كيفكيف بسك روحي قتلها حسام قبلما يروح .
مراد ماتقبلش فكرة اني رفضتو و بقا يتبع فيا و يحاول يقنعني في الاول كان يبعتلي الورد و الكادوات و يجي يهدر معايا و انا كونو ماغلطش في حقي ماقدرتش اني نيفيتيه و مانهدرش معاه
مع مرور الوقت اعجاب مراد بيا تحول هوس ماعلابليش اسكو السبة انه عايلتو ماتو كامل و والفني ولا بلاك انا الاولى لي رفضتو .الورد و الكادوات و الضغط التاعو تحول لتهديد ولا يهددني لحق وين قالي يا تكوني ليا يا ماتكونيش .
التهديدات تاعو زادو لدرجة انه السبيطار كامل ولا يعرفو و كانو حاسبين بلي نحبو بعضانا .مع الوقت الهوس تاع مراد كان مرايح و هو يزيد لحق وين ولا مهبول بيا لدرجة اني خممت بلي لازمو بسيكولوغ وحد النهار :
حسيتو تبدل 180 درجة حتى طريقة الهدره تاعو و تبدلت تم تأكدت بلي مراد مريض نفسي ماهوش نورمال.
ماوليتش نقدر نرقد وفي السبيطار دايما غايسة عيشني في رعب حقيقي و لي زاد هبلو كتر انو خطبني من بابا شحال من مرة و رفضت انا اصلا كنت رافضة فكرة الزواج اون بلوس ولا يخوفني لدرجة انو عايلتي تان سمعو و في بلاصت مايخممو كيفاه يبعدوه عليا كانو شايفين بلي انا لغالطة كي راني رافضتو سيرتو ماما لي كان همها تزوجني و خلاص على حسابها كبرت .
لحقت وين خممت نشكي بيه للابوليس و مبعد تراجعت سيرتو انو ما سببلي حتى ضرر .لي صرا موراها حسيت انه مراد بدا يتقبل فكرة رفضي ليه استغربت في البدية بسك كنت حاسة بلي جامي راح يخطيني مي عجبني الحال حسيت حمل و انزاح من حياتي بداو زياراتو ليا في السبيطار ينقسو حتى ولا مايجيش كامل انا قلت سور شاف حياتو بعيد عليا حتى لي صرا مور شهر كنت قاعدة في الدار حتى وين سمعنا تدقديق كانت 10 تاع الصباح فتح بابا و لي فاجئتنا انه كانو لابوليس في الباب و يحوسو عليا انا تما مت توقعت كاش تزوير بأسمي في السبيطار ولا و خفت على مستقبلي خدمتي كانت الحاجة الوحيده لي بقاتلي مانقدرش نخسرها هي تاني لي خرجني من الحالة لي كنت فيها البوليسي كي قال بلي يسحقو اقوالي في قضية وفاة المدعو مراد ##### تم مابقيت حاسة لوالو كانو يهدرو و انا في عالم خلاف نشوف فيهم يهدرو معايا بصح مانسمع والو كيشغول راهم بعاد مبعد وليت نشوف غير الضلمة و ماحسيتش لواش صرا حتى فطنت كنت في السبيطار كانت قدامي ماما و سيرين سقساني الطبيب اسكو راني مليحة درك قلتلهم واش صرا قالولي نغميتي تما تفكرت كلش و حاجة وحدة تدور في بالي مراد مات و انا السبة .
موراها دخل لبوليسي ووقالي بلي مراد لقاوه شانق روحو في دارو لي كانو لحيوط تاعها كامل معمرين بتصاوري .حكيتلو كلش صرا و اتغلقت التحقيق على انه انتحار و مراد دفنتو الدولة بسك ماعندو حتى واحد .قبلما يروح مدلي ورقه كانت آخر حاجة كتبها مراد و كانت رسالة ليا و لي كان فيها:
-مراد: سامحيني على كامل الوقت لي قلقتك فيه نتي ماتقدريش تكوني معايا و انا مانقدرش نعيش بلا بيك في الوقت لي تكوني تقراي فيه هذه الورقة انا يكون عمري خلاص اتهلاي في روحك جامي حبيت غيرك و ماراحش نحب مادام ماعنديش بلاصة في حياتك مانسحقش لحياة بلا بيك تبقاي بخير لينة.
مور ماقريت هدرتو طحت على ركايبي و دموعي شلال على على خدودي كانت تاني صدمه في حياتي دخلت موراها حالة اكتئاب حاد كتر ملي صرالي كي خلاني حسام ماقدرتش نتقبل انه روح ضاعت بسبابي ندمت لي مقبلتش بيه ندمت ندمت بصح الندم مايفيدش جوزت مدة ماقبلت نشوف حتى واحد حبست روحي في بيتي لحقت وين وليت نشوفو مراد كان ديما معايا وليت نشوفو في كل بلاصة مينداك يقولي نحبك و مبعد يلومني يقولي مت بسبتك حالتي كانت تنتقل من سيئ لأسوء كانت مرحلة صعيبه بزاف في حياتي خرجت منها بصعوبة بالدعم تاع عايلتي و سيرين لي ماخلاتنيش خلاص بديت نجوز عند بسيكولوغ حتى بديت ننسى بلعقل و قدرت نولي لحياتي هذه هي الدنيا كلش يجوز اي حاجة في حياتنا مكتوب لازم نتعايشو معاه بعد فترة من العلاج عند الطبيب النفسي وليت لينة لقديمة و تجاوزت واش صرا صح مراد مانسيتوش بصح الكوابيس لي كنت نشوف راحو و دفنت هذه الذكرى للأبد او هكا كنت حاسبة في وقتها .
End flash back.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
************** لحقنا للنهاية تاع هذه البارت رايكم في ماضي لينة و يا درا واش راهو يستنا في ابطال حكايتنا Vote w cmntr 😊🐱❤
