هينة والغول👹مكتملة👹

👹الجزء 6👹

#هينة_والغول
#بقلم : #سناء_الصنهاجي
6- هينة ضحكات على كلام مها حيت عارفة راسها عمرها حصلات وماسلكات راسها بالفطنة ودها والحيلة لي عطاها الله..
#قصر_أيت_بن_حدو
قصر كبير وسواريه عالية ماليها متيل..منين دخلي من الباب وانت داخلة وسط الشجر والنخل وربيع والورد هابلعمان هاورد سوسان ها مسك ليل ها ريحان بحال الى داخلة وسط غابة خضرا كبيرة وباهية وسط منها نفورة كبيرة ماها بحال لؤلؤ صافي كيبري...تما كان واقف بسلهام داير إيديه وراه غادي وجاي مرة مرة يعلي راسو فالباب بحال الى كيتسنى فشي واحد...وقف عليه لأمين ديالو موسى..
موسى : سيدي ياك لاباس شفتك ماشي هو هداك...على فيه سلطان راسو
يوسف(بالغوات) :
- راه كلتليك اموسى مابغيت حتى واحد يدخل عليا خليني بوحدي
موسى(حدر راسو) :
- واخا اسيدي مايكون غير خاطرك..رجع موسى باللور حتى غبر...شوية تفتح الباب وتمات داخلة رحمة قشعاتو من الباب وقفات الخادم ونزلات وتمات جايا قاصداه غير شافها تقاد فالقوفة او وقف كيتسنى فيها وغوباشتو على وجهو..
رحمة : مولاي انت هنا؟
يوسف : درتي لي فراسك ارحمة وهادشي غير وصيتك زعمة مابقيتيش ديري بكلامي
رحمة : الله يهديك أخويا شنو فيها الى مشيت عند هينة وطلبتها
يوسف(طلعات قنديشتو لسما) :
- طلبيها لالا زوينة هادي هادشي لي بقا الالة ماطلبك حد ولاش تمشي لعند وحدة مكنعرفوها لاهيا شكون لا أهلها شكون مكنعرفو لا سهمها لا عرقها ديك نية ديالك الزايدة غادي تخرج عليك الرحمة
رحمة : كالو سيادنا اللوالة دير النية وبات مع الحية وزايدون البنت عمري شفت منها شيحاجة خايبة ونسيتي هيا لي عاوناتني من دوك القطاطعية لي تلقاو ليا
يوسف : وشكون كال هيا لي تكون متافقة معاهم باش تكسب محبتك ودخل لقصر على ظهرك وتاكل منك وتشرب
رحمة : عينة ماشي من داك النوع والى بغيتي تيق سير لقبيلة وسول لكبير وصغير عليها مخاصش الواحد يحكم قبل مايشوف ويعاشر امولاي يوسف
يوسف : وليتي تقابحي معايا ارحمة؟
رحمة : حاشا أخويا انا بغيت ليك غير لخير ولكن حيد منك داك الشك الكثير...خلاتو واقف هزات على جلايلها ودخلات لقصر...بقى واقف كيشوف فيها حتى غبرات...دور وجهو كيشوف حداه على راسو لسما كيخمم شوية بحال الى جات شيحاجة لبالو..وبدا كيعيط
يوسف : موسى موسى...تم جاي موسى كيجري
موسى : نعام اسيدي
يوسف : بغيتك تهبط لقبيلة وتسول واحد بواحد على واحد البنت سميتها هينة شكون هيا أصلها ومفصلها شكون باها وشنو كيدير ومها أي حاجة عليها ولكن بسكات ابغيت حد يعرفك شكون انت ولا منين جاي تفاهمنا
موسى : واخا أمولاي كون هاني...مشا موسى كيجري هز واحد البهيمة(حمار) ركب عليه ونزل لقبيلة باش حد مايشك فيه لا منين هو لا منين جاي..
يوسف : وقت المزاح سالة ودابا انعرفو شكون انت الالاهم هينة..
****
هينة كانت مسرحة رجليها عند شجرة لي مدلية غصانها مضلة بظل ديالها شادة واحد طاسة معمراها بالحنة والما ديال السواك وكتلطخ لشعرها وتمشط وتغني...حتى وقفات عليها مها
حليمة : بقاي كالسة هنا يطلو عليك الناس حتى دخلي بعينك وطيحي ليا عاوتاني جمعي داك شعر ودخلي لداركم
هينة : ربي حارسني وحاميني الحمد لله بلاما تشغلي بالك أمي وزايدون هاني ساليت غير تهناي...شوية بانو ليها بنات دوار كايتجراو..حليمة دخلها شك وخافت سولات وحدة فالبنات
حليمة : شنو واقع اديك البنت...جاوباتها البنت..
- تايكولو بلي شي ناس غراب كيقلبو على بنات زينات يديهم لقصرهم باش يكونو جاريات(كالت هاد الهضرة ومشات كتجري هربانة)..
هينة ماحسات بمها حتى هزاتها من سالفها وجراتها لدار
هينة(مقصحة) :
- امي راه سميتي هينة ماشي بهيمة بشوية عليا ياك لاباس؟
حليمة : لا والو باس غير كتسمعي البنت شنو كالت وانت مزال مسرحة ليا رجليك بحال المعزة
هينة : حتى انت هاديك غير هضرة وكلام فين عنر لغاشي دخل عندنا لقبيلة ولا وحدة فبناتنا قوة تقرقيب وقلة النقيب خلاوها ماليها نمشي نغسل عضيماتي وكان..
حليمة(تبعاتها بشوفة) :
- إيوا اش انكوليك ابنتي الله يهديك ويرد بيك..
#يتبع