هينة والغول👹مكتملة👹

👹الجزء 25👹

#هينة_والغول
#سناء_الصنهاجي
25- هينة جغمات من كاسها ديال أتاي وحطاتو على طبلة وراسمة ضحكة على وجها
هينة : إيوا يلالة الباهية مكلتيش ليا واش انت من هاد القبيلة؟
الباهية(فرحانة عند بالها هينة كتسولها بغاتها لخوها) :
- أه اختي مربوحة انا من هاد القبيلة صغيرة ولكبيرة كنعرفها
هينة : إيوا مزيااان حتى القبيلة لي كنت فيها كبيرة تبارك الله ولكن الحاكم ديالها واخا هكاك مامنو الكاين ولا فيه الفايدة بحال حليب الحمارة ماينفعك مايضرك(ضحكات)😂😂...كح يوسف كحة ديال شي واحد باغي ينود يهرسها من شي ضلعة
الباهية(كتهضر بشوية باش ماتفيقش يوسف) :
- لالا حمدنا الله وشكرناه حنى ماعندنا لا حاكم لا سلطان من غير شيخ صافي كنمشيو عندنو الى بغينا نستاشروه فشيحاجة
هينة(هزات حجبانها) :
- هممم العجب أول مرة نشوف قبيلة محاكمها حاكم
الباهية : لالا كاين شي جوج قبايل لي حدانا مافيهم حكام ولكن كيكولو وعلاما سمعت ناس دوار كيعاودو بلي واحد القبيلة بعيدة شوية حاكمها شي حاكم صعيب كاليك كاع الله يحفظنا ويحفظكم كيسيفط الحراس ديالو يجيبو ليه البنات من دواور خرين زعمة خدامات ليه وتحت رجليه وطوع يديه..
هينة(حلات عينيها مزيان) :
- وايلي علاش كاين شي حاكم مزال بحال هكا وفين جات هاد القبيلة؟
الباهية : الله أعلم ولكن بعيدة على هنا غير بشوية كيكولو ليها قبيلة ألف ليلة وليلة علاما سمعت من فام الناس وروات لفاه كاليك الله أعلم الله أعلم بلي جات فالوسط كاينة قرية ولاد حدو وألفةليلة وليلة الوسط عاد الجزيرة صغيرة ديال الغول هيا التالتة..
هينة(بلعات ريقها) :
- غول أشمن غول؟
الباهية(ككضحك) :
- حتى انت هادي حكاية قديمة كاليك من ورا 5 ديال جبال كاينة هاد الكزيرة صغيرة كان ساكن فيها الغول كاليك كان كولشي فيها كيهضر دجاج البهايم المهراز الغربال كولشي كيهضر ولكن هادي غير خرافة قديمة اما الغول مات شحال هادي سنين وسنين...هينة بالها رتاح وحسات براحة منين سمعات بموت الغول وأمنات على حياتها وراحت بالها..
هينة : وزعمة صعيب لواحد يدخل لديك القبيلة ديال ألف ليلة وليلة غير خفت منين نشدو رحال لا تحط قدامنا فيها كيشتي خلاوها ناس زمان اللي وصل بلاد غير بلادو خلا الهم لولادو ولالا الالة الباهية؟
الباهية : عندك الصح اختي مربوحة إيوا أش غادي نكوليك كيكولو ناسها كل واحد داخل سوق راسو ولكن لي صعيب هو دخلي لقصر خاصك يا تكوني زينة وعاطية لعين وهادي اتكوني مشيتي فرجلين حيت حاكمها عينو كتحب زين ولي شافتها عينيه كتولي ديالو وديك ساع متقدي تخطوي عتبة باب القصر والى مكنتي لا زين لا عينين يفتقو بزين خاصك تكوني كتعرفي ديري شيحاجة يا تشطحي ياطيبي يتغزلي ياتكوني نشاطة المجمع المهم تكوني كتعرفي شيحاجة وحاجتك مايكون منها جوج..
هينة(تنهدات تنهيدة طويلة) :
- إيوا الله يبعد بلانا من هاد البلاد حنا كاع مالنا حتى بقينا على سيرتها ايوا لالة الباهية ماهضرناش على سلعة؟
الباهية(ضحكات) :
- إيوا شنو انكوليك اختي مربوحة نعسي رتاحي شوية حيت حتى انا كنبغي نرتاح فهاد الوقيتة وديك ساع فاش نفيقو إن شاء الله وتكون هضرة وكلام يسر القلب ويفرح العيان...
- ناضت الباهية ومشات لبيتها وخلات هينة هازة راسها لسقف وكتخمم...حتى سمعات صوت يوسف
يوسف : علاش غير سمعتي سيرة الغول وانت تنفضي بحال الى قرصاتك حية ولا عقرب
هينة(تلفتات جيهتو لقاتو باقي مغكي وجهو) :
- أي واحد فبلاصتي غادي يتنفض الى سمعت سيرة الغول نسيتي بلي كانو جدودنا لوالة كيخلعونا بيه وبقات فينا عادة الى سمعنا سيرتو كنخافو وعلاش زعمة كتسول؟
يوسف : غير الفضول وصافي حيت جاتني بحة صوتك بحال شي واحد لي تابعاه شي حسيفة ولا قاريها فيه شيواحد حسيفة
هينة(نفضات لي فات من بالها) :
- غير كيبان ليك وصافي امولاي ودابا رتاح وخلينا نفكرو كيفاش انخرجو من هاد البير ديال هاد الباهية او ولدها زهر
يوسف : مغادي تخلعني لا هيا لا غيرها ومورادي غادي نوصل ليه غادي نوصل ليه واخا نقتل الروح عليه؟
هينة : كيبان ليا تابعانا طريق طويييللللة وقبيلة ألف ليلة وليلة صعيب دخول ليها خاصها شي كلسة وألف تخميمة وتخميمة..
#يتبع