هينة والغول👹مكتملة👹

👹الجزء 26👹

#هينة_والغول
#سناء_الصنهاجي
26- بدات شمس كتغرب ناضت هينة طل على حميرهم لقاتهم صحة سلام مزال فبلاصتهم موسدين يديهم..تمات راجعة سدات الباب بشوية وفطريقها لبيت لقطات ودنيها كلام البلهية كتهضر مع شي حد الفضول قتلها خصوصا هوما فبلاد غير بلادهم مخاصهم يأمنو لحتى واحد..
الباهية(بهمس) :
- يالهبيل علاش انا فين عمري خصرت ليك الخاطر والحاجة زينة كتكون ليك
زهر : دابا أمي هاديك القمرة مامزوجة ماوالو ياكي اضحكات عليا وانت دابا اتزوجيها ليا ياكي؟
الباهية(كضحك) :
- أياااه انزوجها ليك غير كون هاني وغدا فليل ايكون زواجك انت وهيا غير ضرب كولشي على حسابي
زهر(بغا يغوت) :
- انا انتز..قاطعاتو مو :
  - شووو اتشوهنا هادشي بيني وبينك فهمتي متكولها لحتى واحد ماتجيب خبار قدامهم انا علمتك يلاه سير سير تكلس وسكت...تم خارج زهر وهينة مخرجة عينيها
الباهية : والله لا فلتي يامربوحة لا انت ولا خوك من هاد دار مطلعو..تسلتات هينة غادية بزربة لبيت حتى وقفات على يوسف
هينة(كتولول) :
- نووض احنيني الما كيدوز من تحتنا وحنا مسايقين خبار شفتي شنو كلت ليك
يوسف(مغوبش) :
- مالك تاني ياك لاباس؟
هينة : لالاهم الباهية ناوية تزوجني غدا لداك المبهلل ديال ولدها وانت دور بيك وكاتلك من هاد الدار ماعندنا طلوع
يوسف : وباش عرفتي انت هادشي؟
هينة : سمعتهم فاش كنت جاية
يوسف : شفتي هالي كلت ليك عرفت تنوعيرك لاروب وغادي يطيحنا فشي زوبية ودابا خرجينا منها يافكاكة الوحايل يلاه بيني لينا حنت يديك ادادا الفاهيم..
هينة(كدور فجنابها) :
- شش صافي دابا غير هنينة لي عطا الله عطاه والعما جا على عين كفاه بغات تلعب بينا حنا لي غادي نلعبو بيها
يوسف : بحالاش؟
هينة(عطيني ودنيك مزياااان)..
****
وقفات هينة على الباهية فلكوزينة
الباهية : لالة مربوحة شنو خاصك عرفتي عمرتو عليا الدار والله العظيم
هينة : ربي يخليك اختي الباهية مانصيبش عندك شوية ديال اللويزة؟
الباهية : عنديي علاش شنو بغيتيها؟
هينة : الالة مدام شركنا طعام ومعرفتي يمكن نشاركو حتى الدم الالة هاد الوصفة ديال اللويزة كنديروها من جد لجد ورتناها هادي شحال كتخليك زينة ومضوية بحال القمرة وعمرك تشيبي ولا تكبري😉
الباهية(تفتحو ليها العينين وتحلو ليها الودنين) :
- الله أختي مربوحة وعتقينا بيها واخا انا منحتاج شاي ولكن مافيها باس نجربوها معاك
هينة : وعطيني اختي اللويزة لي كلت ليك او واحد البراد وسخني ليا شوية ديال ميها...دارت الباهية داكشي لي طلباتها عليه هينة ونفداتو بالحرف صاوبات هينة اللويزة دقاتها مزيان وفرتاتها..
هينة : الله يعطيك الستر لاما طلي ليا على دوك البهايم لي برا ياكما داهم شي حد
الباهية : هيا لولة...غير خرجات الباهية هزات هينة واحد القريعة صغيرة قطرات منها جوج قطرات فالبراد ورجعات خباتها فحزامها..رجعات الباهية عند هينة زربانة
الباهية : كول حاجة فموضعها اختي مربوحة وفين هيا تخليطة؟
هينة : ولاواه خليها طلق بينما تعشينا😄
الباهية : أياااه ماكلتي عيب...حطات الباهية العشا على طبلة الصغيرة وتجمعو عليها كاملين كل واحد فيهم فاش كيفكر ولاياش كيخطط..سلاو العشا وحطو البراد داللويزة..
هينة : وقبل كانشربو هاد البراد نتفاهمو بعدا على السلعة...جبدات الباهية واحد الكموسة توبها من الحرير فالحمر تقيلة وعامرة فلوس حطاتها قدام هينة
الباهية : هاهو تمن سلعة اختي ماسكون غير خاطرك انت وسي الغالي...جبدات هينة السلعة حطاتها ليها وهيا مبسمة
هينة : إيوا الله يدخلها علينا وعليكم بصحة ورزق وتيسير
الباهية : أمين ياربي ودابا نشربو هاد تخليطة..كبات ليهم كاملين زهر هو ومو طاحو على لكيسان عاميين..اما هينة ويوسف شي كيشوف فشي
هينة : ختي الباهية لاديريها منا قلت صواب بغينا نرتاحو الليل راح ومابقا وقت
الباهية : ياااه الله اودي انا نجيب ليكم غطاكم..نتضت البلهية جابت لغطا ليهم نوضات زهر وقفات قدام الباب شيرات ليهم
الباهية : الله يبيتكم فراحة الله
هينة : امين حنا وانتوما..ردات هينة الباب وسمعات زهر وهو يسول فمو
زهر : ومي عطيتيها فلوس بزااف
الباهية : سكت الهبيل غدا منين تولي مرتك لي ليها ايولي ليك يلاه زيد تنعس..نابة يوسف هينة
يوسف : زعمة متيقنة من هاد سالف ديالك؟
هينة : متيقنة انت غير شوف وسكت
يوسف : وشنو كيدير عندك داكشي بسلامة مايحسابليش جاي مع قطاعة الطريق؟
هينة : هداك الما هو ديال عشوب ديال الراس لي ضرو راسو كيدار مع كاس دالما ولكن كينعس واخا تخلى دنيا ماتجيب خبار ويلاه وجد راسك مابقى والو لينا ونهرجو من هنا..
#يتبع