هينة والغول👹مكتملة👹

👹الجزء 29👹

#هينة_والغول
#سناء_الصنهاجي
29- فواحد الدار كبيرة بزااف بحال شي زاوية فيها كترت الرجال والعيالات مباينينش من غير الخدامة بوحدها لي غادية جايا فواحد البيت واسع كالس واحد الراجل كبير لحيتو وشعرو لي مغطي برزة بيض بشيب كالس كلسة بحال الحكام محاوطينو رجال كبار فالعمر بحالو وكاين حتى لي صغر منو كيتناقشو على شيحاجة حتى تسمعات الهضرة والغوات...الراجل لكبير دور وجهو وغوبش وهو يوقف لا هو لا لي معاه
الشيخ : أش هاد الصداع ياك لاباس؟😡...تم داخل داك الغريب عطا سلام لشيخ
- سيدي لقينا واحد جوج غراب مرا وراجل عند الكدية العالية ديال القبيلة ماعرفناهم نصابة ولا شفارة
الشيخ : دخلهم لهنا...دخلوهم الحراس او وقفوهم قدام الشيخ...هينة نطرات إيديها ويوسف دفع لي كانو شادينو
الشيخ(مغوبش) :
- شكون انتوما وشكون مسيفطكم وشنو كديرو هنا؟
يوسف(بنفس طريقة الهضرة) :
- واش لازمنا نجاوبوك على هاد المعاملة الزينة حتا بهايم لي يجرجرونا هاد التجرجيرة
الشيخ : متعليش عليا صوتك وحتارم راسك وفين انت وجاوب على قد سهمك...هنا هضرات هينة خافت يوسف لا يلوحهم فشي حفرة
هينة : حنا مانصابة ماشفارة حنا غير رحالة كنمشيو من بلاد لبلاد وكل دوار راح فيه ليلنا كنباتو فيه ونبيعو لي قسم الله من سلعتنا ونشدو طريق تاني...الشيخ شاف فيها بإعجاب طلعها وهبطها كلس وأشر لرجال لي كانو معاه يخرجو...منين خرجو وبقا غير هو وهينة ويوسف رجع شاف فهينة بإعجاب
الشيخ : هممم شنو سماك الله
هينة : هينة
الشيخ : اممم سمية زينة بحالها بحال مولاتها...يوسف خنزر فيه تخنزيرة ديال القتيلة رجع شيخ شاف فيوسف وتكلم
الشيخ : وانت شنو سماك الله...هينة نغزات يوسف باش يتكلم
يوسف : انا سميتي الغالي
الشيخ : مرحبا مرحبا أسيادنا سمحو لينا على الحالة ولكن ناس القبيلة محسوبين ومعروفين واي واحد دخل لهاد القبيل دخيل كايخصنا نعرفو شكون هو ومنين...كيبان ليا العيا على وجوهكم انعيط على منانة الخادم تديكم ترتاحو وتاكلو حسبو دار داركم..
هينة : ربي يخليك أسيدي...عيط الشيخ على الخادم عطاها تعليمات جات داتهم لجناح الضيافة كل واحد عطاتو بيت وحوايج نقيين وصواني ديال الماكلة...هيمة عجبها الحال وفرحات وكالت أخيرا غادي ترتاح.
#عند_الشيخ
- سيدي انت عارف قانون ديال القبيلة بلي البنت لي دخلاتها ومكانت مزوجة خاصنا نزوجوها وحتى رجال هكاك ولالا؟
الشيخ : عارف هادشي داكشي باش هاد هينة لي دايرة بحال القمرة المنورة اتكون حلالي بحال عيالاتي لوخرين
- ولكن أسيدي باش عرفتيها مامزوجة وراجل لي معاها؟
الشيخ : ماباين عليهم حالت زواج وانا بانت ليا فيها وشيخ الى حط عينو على شيحاجة حتى واحد مايكلعها ليه...
- دازت العشية على خير وبيخير والأنغام فدار خدامة...تدق الباب على هينة وقفات وفتحات كان يوسف لي دخل عليها وسد الباب من وراه
هينة : شفتي كبيلة شنو كنتي غادي دير لينا راه الواحد يتفاهم غير بلحسنة وبلسان الحلو سولو الجمل باش تتاكل الشوك قال ليهم باللسان الحلو..
يوسف(خنزر فيها) :
- أشمن حلو ولا مالح واش انت عامية ولا مدرقة الشمس بالغربال واش ماشتيش شوفات داك الشيبة العاصية كي كيدير فيك ولا؟😡
هينة : لالا انت يمكن حفى ليك القرشال السيد كبير ماكبير غير الله ودار فينا خير رديتيه كيشوف فيا وماعرفت شنو تاني زدتي فيه هاد المرة
يوسف : هينة تبع الراي لي يبكيك لا تبع لي يضحكك انا راجل وكنعرف الرجال فاش يكون دماغهم خبيت كيفاش كيفكرو ويخمو اتندمي يلاه نمشيو من هنا قبل لا يفوت الفوت...يلاه اتجاوبو حتى دق الباب وتفتح ودخلات منو مرا طويلة وعريضة كبيرة فسن الجوهر مزين عنقها ونبايل ذهب مزينين يديها بقفطان فالحمر وزيف فالخضر معلق فيه لويز وتبسيمة على فمها محلياها ونور على وجها..
- مرحبا مرحبا انتوما هوما ضياف جداد داكشي لي كالو هو لي كاين تبارك الله الزين والبهى حاضر ناضر
هينة : ربي يخليك الالة ولكن شكون انت؟
- انا الغالية مرات الشيخ عومار مراتو الثانية
هينة : ااااه تبارك الله علاش هو مزوج 2؟
الغالية(ضحكات) :
- لا مزوج تلاتة وانت اتكوني عروستو جديدة😁...هينة خرجات عينيها وحلات فمها
هينة : كك كك كيفاش اش كتكولي الالة وشنو كتخرفي؟
الغالية : هذا هو قانون القبيلة المرا لي دخلات ليها ولا لي وصلات سن الزواج كيزوجها الشيخ الى عجباتو كتكون ليه اما الى ماسراتش ليه العين كيزوجها لواحد من خدامو ولكن انت عندك الزهر كيهرس الحجر حيت عجبتيه وفتنتيه
هينة(كتحرك راسها يمان وشمال) :
- ولكن هادشي راه مايمكنش😲😲
#يتبع