هينة والغول👹مكتملة👹

👹الجزء 52👹

#هينة_والغول
#سناء_الصنهاجي
52- وصل يوسف بباب هينة او وقف العوين وراه واقف كيتسنى...دق السلطان المرة لولة والو لمرة الثانية او والو...شوية تمات جايا واحد المرا حتى وقفها السلطان :
- لالة الله يخليك أهل دار كاينين؟
السيدة(معرفاتوش) :
- سي علال هاد الوقت كيكون فسوق اما لالة حليمة من نهار ماتت بنتها وهيا حدا الواد مسكينة بحال الى تخطف ليها العقل والله أعلم...يوسف حس بدنيا دارت بيها دورة وحدة رجع بلور شوية ويطيح كونما يد العوين لي شداتو ديك بنتها ماتت نزلات عليه بحال الرعد بحال شي جبل طاح عليه وهو تحت منو كلمة وحدة كتردد فودنو ماتت ماتت ماتت...بلع ريقو عقلو مستوعبش ولا نكولو قلبو لي ماستوعبش بلي حبيبتو تكون ماتت..المرة ستغربات حدرات راسها وزادت أما هو جمع الوقفة وزاد بخطوات سريعة لواد مابغاتش تدخل ليه لعقلو بلي هينة ماتت كيفاش وعلاش وإيمتا مايمكنش يكون هادشي صحيح...وصل لواد دور عينيه ومع هو مكايعرفش مت هينة حار ولكن مكانش بزااف ناس تم كاع البنات فديورهم كيتزينو باش يحضرو للحفلة من غير واحد المرة كانت كالسة حدا واحد الشجرة وباين على وجها هازة هموم دنيا كلهم فوق كتافها...قرب منها يوسف ورما عليها سلام...شافت فيه حليمة وعينيها باهتين طلعاتو وهبطاتو ورجعات كتشوف فالواد
يوسف : لالة حليمة انا السلطان يوسف...شافت فيه حليمة وغوبشات وهيا توقف
حليمة : شنو باغي منا مزاال بنتي لي جاي تقلب عليها صافي داها الواد ومابقى لخيمتي وتاد
يوسف : لالة حليمة انا مجايش لهنا على مقصود الأدية بغيت نفهم شنو واقع انا بنتك كنبغيها وكنت بغيت نطلبها منك ومن سي علال على سنة الله ورسوله تكون ليا سند فهاد الدنيا تديرني فقلبها وفجنبها تكون معايا على الحارة والحلوة ونكون ليها الأمان يكون فيا صديق والخو وقت الشدة ونكون ليها باها ومها واخا انتوما والديها وديما تبقاو تاج على راسها...شافت فيه حليمة وتنهدات تنهيدة طوييييلة
حليمة : أحيانة فين هيا بنتي بنتي مشااااات من ورا لجبال صافي شمسي غابت ونوري طفا وسمايا غمات
يوسف(بالهفة وقلبو أيخرج من بلاصتو) :
- شنو وقع ومالك على هاد الغبينة مابغيتش نتيق بكلام أهل لقبيلة لي ماعندو ساس ولا راس
حليمة(شافت فيه) :
- كيكولو بلي حماقيت يااك وبلي بنتي ماتت مكايهمني كلام الناس سوا كانو حكماء ولا عقال قلبي كيكول بلي بنتي مزال عايشة ومزال أترجع ليا وقلب الأم دليلها
يوسف : عاودي ليا الى بغيتي هينة ترجع لينا ماتخليهاش فقلبك غبينة الالة حليمة وعينك حزينة
- شافت حليمة فالواد وبدا كتعاود ليوسف لي وقع هادي 5سنين فاتت ولي وقع لهينة حتى طارت..يوسف غوبش بحال الى كيحاول يتفمر شيحاجة وجات فبالو كلام الباهية على الغول نهار كانو عندها وكيفاش هينة تبدل لونها وفاش سولها نكرات وخبات وتحججات بحجج خاوية عاد عرف لغز الحكاية يوسف عرف فين اتكون هينة بين الجبال حلف مايرتاح ولا يهدى ليه بال حتى يجيبها ويعرف موضعها وطريقها واخا تكلفو ليالي وهو غادي..
- وقف يوسف خلا حليمة وراه ساهية فالواد ورجع لقصر ديال كانو شي ضياف بداو يجيو وشي حراس عنر عينو شافتهم ولكن هو عقلو مكانش غادي قاصد بيتو مشافش وراه دخل ومشا لواحد الصندوق جبد شي حوايح شوية قدام جبد واحد السيف او واحد الخنجر حطهم...دخلات عليه رحمة شافتو فديك الوضعية مافهمات والو
رحمة : مولاي مالك اشمن خبار جبتي معاك سلطان لقمان هنا وضهرلي بلي فعلا ضلمناه...شاف فيها يوسف وهو مغوبش
يوسف(بزعاف) :
- ماشي وقت هاد الكلام ارحمة خليك مع الناس هاد الليلة وماتبيني لحد بلي واقعة شيحاحة ويلى سولوك عليا كولي بلي مرضت فجأة وبلي مرضي كيعادي والحكيم وصاني براحة
رحمة : بستغراب علاش شنو واقع ماكلتيش ليا شنو وقع مع هينة وفين هيا واش اتجي ولالا؟
يوسف : انا شاد رحال هاد الليلة
رحمة(كيفاش) :
يوسف : هينة تخطفات غول لجبال جا وداها
رحمة : كييييفااااش؟😲
#يتبع