هينة والغول👹مكتملة👹

👹الجزء 38👹

#هينة_والغول
#سناء_الصنهاجي
38- فرمشة عين حضر القايد ديال الأمن لي كان خطف رحمة وقف فدام السلطان حادر راسو
- مولاي طلبتيني؟...دار عندو لقمان مصغر عينيه كيشوف فيه
لقمان : لبنات لي جبتي ودخلتي لقصر لقيتيهم قدام بابو ولا جايبهم من قدام بيبان ديورهم؟...القايد على عينيه فلقمان وصدمة نازلة عليه ماعرف باش يجاوبو ولا شنو يكوليه الغراب سرق ليه اللسانو وهرب بيه
لقمان(بالغوات) :
- سولتك جاوبني وياااك تكذب عليا حبل الكذوب قصير وإلى مشيت حتى عرفت بلي خبيتي عليا شيحاجة صغيرة قبرك غادي نحفرو بيدي وقبل ماندفنك انقطع لسانك قدامك ونربيه لطير ينهش فيه...القايد نزل راسو وبلع ريقو
القايد : صراحة أمولاي انا ورجالي لي جبناهوم من حدا بيبان ديورهم
لقمان : كيفاش وشكون عطاك الحق دير بحال هاد الجرم وهاد الفعلة لي مايبغيها لا ربي لا عبدو لهاد درجة الناس ولات رخيصة...هز القايد راسو فسلطان
القايد : سيدي حتى حاجة مكتجي منا هكاك الأمر الى تعجى من القصر خاصو يتنفد وحنى مادرنا فير خدمتنا
لقمان(قرب ليه كيشوف فيه) :
- على حساب لي فراسي أنا ماعطيتش شي أمر بحال هكا وعمري كنت أنعطيه
القايد : سيدي ومولاي سي الوالي هو لي عطانا هاد الأمر وكالينا بالحرف الواحد نظورو على أي قبيلة قريبة لينا والبنت لي غزالة وكتخبل العين نجيبوها لمولاي السلطان هدية وبلي هذا أمر منك...لقمان خل عينيه على تيساعهم شوية تدق بابو وتفتح ودخل الوالي ومعاه شيخ بكل هيبة وشموخ وقفو قدام السلطان حدرو ليه راسو وشافو فيه الوالي عينو مشات نيشان لقايد..
الوالي : مساء الخير المولاي كالينا لعوين بلي بغيتينى وحنا حضرنا شنو حبت خاطرك أمولاي؟
لقمان(ضحك) :
- شنو حبت خاطري؟ لالا كنظن انت عارف شنو كتحب خاطري داكشي باش عطيتي أمر بسميتي بلي تخطف كل بنت زينة ورزينة من قلب باب دارها وتجيني هدية...الوالي غوبش وشاف فالقايد
لقمان : شفت عينك مشات للقايد عند بالك غدرك ولا كلامك مغاديش يوصل ليا كنت تايق فيك ودايرك يدي ليمنية ونشاورك فللكبيرة وصغيرة وانت كتلعب ورى ظهري ومن ورايا طاعتي بخنجر الوالي
الوالي : أنا أنا كنت بغيت غير راحتك أمولاي
لقمان : راحتي راحتي الناس تدعي فيا راحتي الناس يمشيو ليهم بناتهم مزال بحال الوردة المفتحة راحتي هيا الناس تدعي فيا وعليا ويكولو بلي سلطان ظالم وكيعامل المرا بحال شي خرقة بالية هادي هيا راحتي عندك(شاف فشيخ) وانت أسي شيخ عارف هادشي وساكتك عاجبك ماضاير فالقصر
الشيخ : مولاي والله وربي لي شانو كبير مافخباري هاد الخبرية وبحااي بحالك أول مرة نسمعها نهار لي ولات لبنات دهل بحال شتا لهاد القصر عند بالي انت مول هاد الأمر وهكا كالي الوالي منين سولتو بلي انت لي صضرتي قرار بلي البنت لي كانت فشي قبيلة تجي لهاد القصر  رهينة وتكون ليك دليلة وعمرها تخرج من هنا
لقمان(طلع ليه دم) :
- الشيخ انت معايا منين كنت صغير وقبل مانكون سلطان عارفني كيف أنا وعلاش مطوي عند بالي بلي هاد البنات لي فهاد القصر جايين من ريوسهم ومعندهم دار ولا دوار ولا والدين جايين مقدمين راسهم هدية لا تربيتي وبلاصتي تخليني ندير بحال هاد الفعلة...شاف فالقايد..
   - بغيتك تحيد مسؤولية الولاية من على كتاف الوالي مسعود وتديه وتسجنو وتحكم عليه بحالو بحال غيرو
الوالي(بصدمة) :
- كيفاش كيفاش انا انا خدمتك سنين وسنين ودابا باغي تحيدني من مكاني واش عارف شنو كاتكول ولا شنو كدير
لقمان : ماتهزش صوتك عليا ومتنساش معامن انت كتهضر قبل مانسا بلي انت كبير فالعمر وندير فيك شرع يديا
الوالي(بغضب) :
- كان عندي صح فاش درت ليك هاد القالب كنت بغيت الناس يكرهوك ويبغيو يخرجوك من مكانك سنين وانا كنتينى فهاد البلاصة فالأخر يجي الولد لي كان صغير يدور يكتب فدواوين شعرية يحكم هاد القبيلة..
لقمان(بصوت مرتفع) :
- كتليك ديه ومانبقاش نشوف وجهو مزال دييييه...شدو القايد من يديه وقبل مايخرجو نباه لقمان :
- هادي آخر مرة يوقع بحال هادشي مابقيتش بغيت شي مرة تدخل لقلب القصر...أشر ليه القايد براسو وخرج...بقا شيخ واقف ولقمان كيدوز يدو فشعرو صدمة جاتو عمرو كان ظانها..شاف فشيخ تنهد تنهيدة طويلة ونطق
لقمان : سي شيخ سمحليا الى عليت صوتي عليك
الشيخ : كانعرفك اولدي منين كنتي صغير انت لي سمح ليا حيت فلحظة شكيت فيك
لقمان : مكاين باس مكاين باس بغيتك أسي شيخ كاع لبنات لي دخلو لهاد القصر يتطلق سراحم ويرجعو لديورهم الله يخليك هاد المسؤولية قوم بيها أنت
الشيخ : كون هاني أمولاي...حظر راسو يلاه أيخرج حتى نباه لقمان :
- سي شيخ كاع لبنات من غير رحمة أخت سلطان كول ليامنة تخليها فبيتها حتى نبغي أنا واخا؟
الشيخ(أشر براسو) :
- واخا مولاي ميكون أخاطرك..
#يتبع