هينة والغول👹مكتملة👹

👹الجزء 47👹

#هينة_والغول
#سناء_الصنهاجي
47- فواحد الساحة واسعة وعريضة الناس مجموعين عيالات ورجال وحراس كثااار بحال شي موسم محطوط جوج كراسة كبااار كالسين عليهم جوج رجال سلاطين السلطان سليمان حاكم بلاد أولاد أيت حدو والكرسي الثاني عليه السلطان يعقوب حاكم بلاد ألف ليلة وليلة كيضحكو بيناتهم ويهضرو...
سليمان : سي يعقوب شنو بان ليك الى غلب ولدي يوسف ناخود العود الكحل ديالك
يعقوب(ضحك) :
- سي سليمان مد رجليك على قد لحافك مزال مابداو باش نعرفو شكون الرابح وشكون الخاسر...شوية دخلو جوج شبان باقيين صغار كل واحد فيهم هاز السيف ونظرة ديال الغضب على وجهو وقفو مقابلين مع بعضياتهم عطاو تحية وبداو فمعركة قتالية بسيف كل مرة واحد منتصر على الثاني ولكن فآخر المطاف واحد فيهم لي غلب وجرح الثاني فدراعو وهذا كان هو سلطان يوسف لي ربح وربح معاه الأب ديالو وخدا فمقابل الرهان عود عربي أصيل كان ملك لسلطان يعقوب لي كان صديق لسلطان سليمان..لقمان عمرو نسى علامة النصر على وجه يوسف لي كان صغير وهمو واحد هو الفوز هاد العلامة ماتمحاتش خصوصا من دراعو مزال للحد الأن...
#الواقع
لقمان(برودة) :
- انت هو انت عمرك تبدلتي اسي يوسف...يوسف جمع غوباشتو حيت هضر بحال الى كيعرفو
لقمان(كمل كلامو) :
- مكنتش عارفةراسي بلي غادي نلقاك مرى وخرى من آخر مرة وشحال هادي سنين من اخر مبارات ليا انا ويا بحضور سلطان سليمان وسلطان يعقوب...رحمة وهينة شافو فيوسف بستغراب مافهمو والو
يوسف : سلطان لقمان ولد السلطان يعقوب صدفة غريبة هادي بغيتي تنتاقم وبختي ولكن صعييب عليك بزاااف حتى لرحمة لا وألف لا..يلاه بغا يتحرك ولكن حاصروه الحراس..
لقمان(اشر بيديه لحراس باش يوقفو وبإبتسامة كال) :
- أنت حر وختك حرة تبغيو تمشيو من دابا طريق طويلة وانتوما عارفينها انا ماخطفت حد وماجبت حد بزز عليه ماشي من أخلاق سلالة سلطان يعقوب الله يرحمو
يوسف : وباء تفسر مجية ختي لهنا؟
لقمان : الغلط كيوقع وكل بلاد فيها العدو وصديق ومتعرف فيمن التيق..يوسف مادخلاتش ليه لدماغو يلاه باغي يهجم على لقمان حتى شداتو رحمة من يديه كتزاوك فيه
رحمة : خويا يلاه من هنا بلا صداع لي داز كافي او وافي براكة علينا لي دقناه بغيت نرجع لصدر الميمة الدافي يلاه عفاااك مابغيتش نبقى هنا...كلام رحمة كان نازل بحال السم على قلب لقمان تأكد بلي مكتحمل فيه أهر شعرة فراسو وهو لي كان باغي يتقدم ليها لزواج تراجع خطوة لور ودار وهو كيهضر وفقلبو ألف غصة وكية حس بالخنقة وشيحاجة شادة على روحو وكاتماها حس بالهوى مكاينش وبلي فأي لحظة ممكن يطيح أشر بيديه وهو داير
لقمان : الباب قدامكم مشاد حتى واحد فيكم الله يعرضكم السلامة والأمان...خلاهم ودخل نيشان لبيتو سد الباب وراه ولي لقاها قدامو يلوحها حتى من المرايا ديال الزاج الثمينة والغالية على قلبو هرسها ورجعها كلها طراااف..
#على_برا
يوسف بقى ساهي مافهم والو من تصرف سلطان لقمان حيد داك اللثام رجع بلور جر رحمة وهينة من إيديهم لجيهت البهايم حطو عليهم الرزامي وخرجو من باب القصر ومن حياة السلطان لقمان ومن بلاد ألف ليلة وليلة وهاد المكان...
- فطريق بدل يوسف حالتو هو وهينة حتى سولاتو ختو
رحمة : فين كتعرف سلطان لقمان؟
يوسف : حكاية طويلة هادي منين نكونو فالقصر نرجع نحكيها ليك دابا خاصنا نكملو على طريق حيت مزال طويلة وبعيدة...رحمة حدرات راسها ورجعات شافت فيوسف لي كيشوف فهينة وفراسها واحد السؤال كيفاش هينة وخوها يوسف مع بعضهم هاد السؤال لي حيرها ومزال مالقات ليه جواب..
#فبلاصة_أخرى
كولشي ساكت حاضيينو شنو كيدير فرحان وعينيه لكبار كيبريو كيسرح فشعرو الطويل وسنانو المخزين باينين...فضول المشة ماخفى وماتهنى حتى تسولو..
المشة : سيدي وتاج راسي سي الغول عارفاك مشغول ولكن شنو سر هاد الفرحة لي فعينيك وتبسيمة لي على وجهك...شاف فيها الغول وتبسم تبسيمة واسعة وعريضة
الغول : فرحتي مالها فرحة وسعدي وهنايا وميموني قرب يكمل ويتجمع الشمل
المشة : هيا لالة قربات تشرف وبزينها ونورها تنور المكان
الغول : زينها اينورني وبهاها أيسرني لشعرها انتوسد وللكلامها انتنغم وريحتها البهية التخليني النام اااااه أهينة قربتي تنوري دارك دارك الدايمة لي اتبقلي فيها ديما نايمة وعايمة...اووو هاهاهاهاهاهاهاهاهاهاهاها اوووو هاهاهاهاهاهاهاهاهاهاهاهاهاهاها...
#يتبع