🦋البارت : 37🦋
السعدية : بنتي دواو فيك الخطاب
عيتاب : الميمة عوتاني هاذ الموضوع راكي عارفة شنو كاين ما بغيتش نتزوج
السعدية : ولكن ابنتي حلي عقلك معايا لي طلب يدك لزواج الله يعمرها دار ولد ناس وكانعرفوه وماشي شي حد غريب علينا
عيتاب : شكون هذا ؟ ما تقوليش ليا عمر ولد عيشة
سعدية : لا لا ابنتي لا هذا زوين وطويل وغادي يعجبك
عيتاب : الله يهديك الميمة طلقينا شكون هاذ القندوح لي فرعتي ليا راسي بيه من قبيلة
سعدية: بدر ولد عزيزة
عيتاب توحلات ليها الماكلة حتى ولات حمرة مدات ليها السعدية كاس ديال الما رشفات منو عاد رجع فيها النفس
السعدية : بسم الله عليك يابنيتي ياولي غير بشوية عليك
عيتاب: المييييمة لا لااااا هي لااا ما بغيتش نتزوج بيه اويلي وخا يبقى غير هو ولكلب
السعدية ( ندبات ) اوليييي وحدي على البنت تي فيقي راه الولد الف وحدة تمناه ونتي جا حتال لعندك وبيغتي تفلتييه
عيتاب : ( سكتات وكاتشوف فيها حتى كاتفكر لهضرة لي قال ليها *راجلك على سنة الله ورسوله * ) باقا صغيرة على الزواج الميمة
سعدية : بغا طرطقي ليا المرارة ياك يابنيتي ولد متدين وداخل سوق راسو وباغاا تطيريه من بين يديك
عيتاب : مي المييمة فهميني عفاك راه ما يمكنش نتجمع معاااه مكايتصرطش ليا والووووو واش يدوز ليا من نهنا ( دوزات على عنقها )
سعدية : راه غير تزوجي بيه ايدوز ليك
عيتاب : الااااء ما بغيتوش
سعدية : هو لي كاين ليك ابنتي ولمصلاحتك هو لي يرض ليك العقل انا ماشي بغيت نبزز عليك تزوجي به ولكن ما بغيتش نموت وانا هازة لهم ليك بغيت نمشي وانا مهنية عليك ومرتاحة عليك وباش نتهنا خاص نزوجك بيه هو بضبط حيت مني كايصلي وكايخاف ربي ما غديش يتكرفص عليك
عيتاب : ( دمعات عنيها ) الله يطول فعمرك الميمة
ناضت من فوق الطبلة وهي حابسة دموعها اما سعدية فبقات كاتشوف فيها حتى طلعات مع الدروج
نمشيو عند بدر
♨️♨️
عزيزة : راني اولييدي دويت مع جداتها وقريب ترض علينا
بدر: غير زربتي الواليدة راه مغاديش تقبل البنت
عزيزة : غادي تقبل اوليدي علاش نتا شنو ناقصك حتى ما تعجبها
بدر : ( نطق بين راسو .. ناقصني التبرهيش باش نعجبها ) انا غير قلت ليك وصافي
♨️♨️
نرجعو عند عيتاب السعدية من بعد ما غسلات يديها طلعات لبيت عيتاب دخلات لقاتها متكية وهي تمشي تجلس حداها
السعدية : مال زوينة ديالي مقلقة
عيتاب : ( جلسات ) ما تخلينيش بوحدي راه غادي نموت والله ما نقدرش نصبر حتال لفراقك
السعدية: ( عنقاتها ) هاذي هي الحياة ابنتي لي كتبها لينا ربي هي لي كاينة
عيتاب : ( بدات كاتنخصص ) الله يطول فعمرك ليا ياربي نموت قبل منك ياربي
السعدية : سكتي ابنتي سكتي الله يطول فعمرك حتى توصلي لي بغيتي وتزوجي وديري وليداتك
عيتاب : والله يطول فعمرك حتى تكبري معايا وليداتي
السعدية : آمين يابنيتي ( كا تنطقها والدموع واقفة فعينيها )
عيتاب : الميمة صافي قررت
أنت تقرأ
أستاذي المتدين🤎مكتملة🤎
Romansa💎مكتملة💎 ❌حصرية على الواتباد❌ 😇رمضان مبارك سعيد أميراتي نتمنااا إدخل عليكم بصحة وسلامة😇 ✨🥂أول حاجة وقبل كل شئ عواشركم مبروكة أميراتي.......🖇️ جينا ولا تتقولواا ماجينا جيناكم بقصة كاتحمل فطياتها أمور دينيا ولي كاتهضر على أستاذ متدين لي...
