أستاذي المتدين🤎مكتملة🤎

🤎الجزء 15🤎

~البارت15~

مشاو اتعشاو فجو كولوااا ضحك الا عيتاب وبدر لي غير إخنزروااا فبعضياتهم مني سلات عيتاب ما كلتها ناضت من فوق الطبلة

عيتاب: سمحولياا غادي نمشي نغسل ايدي

مني مشاات تبعهاا بدر دار السبة بتيليفونو

بدر: احم سمحو ليا غادي نجيب تيليفوني

السعدية هي او عزيزة تغامزوااا

عند بطلتنا لي كانت بغا تدخل لطواليط حتى حبسها صوت بدر

بدر: واحد الدقيقة

عيتاب: اك تفضل

بدر: سمحيلي على الحاديتة لي وقعات ليك قبيلة بسبابي

عيتاب: صاف ماوقع والواا( حلات الباب ودخلات وخلاتو كايحك فلحيتواا

مشااا رجع عندهم

عزيزة: اواا هدرتي مع تيليفونك

بدر: كفاش( وجهوا حماار)

عزيزة: ههه قصدت واش لقيتي تيليفونك فالبيت( وهيااا كاتشوف فالسعدية وتضحك)

بدر: اه الواليدة لقيتوااا

جات عيتاب  وناضت سعدية

سعدية: شكرااا على لعشاا مرة خرى غادي اكون عندي

عزيزة: الله اودي عشانا هوا عشاكم  بصحتكم

عيتاب:( كاع مكاينة فهاد العالم )حتا نغزاتهاا السعدية

السعدية: يالله ابنتي سلمي على خالتك عزيزة

عيتاب: (سلامات عليها من وجهاا) العشاا كان بنين تبارك الله عليك اخالتي

عزيزة: بصحتك احبيبتي

بدر:( نضراتوا كلهاا لعيتااب حتى نغزاتو موا حتا هواا)

بدر: بسلامة عليكم يالله نوصلكم مكانضنش تلقاو شي طاكسي فهاد الوقت

عيتاب:( نقزاات) لا غادي نلقاوه بلاما نعدبوك معانا

السعدية: اه اولدي غير رتااح

بدر: مكاين لا عداب لا والوااا غير يالله نوصلكم