أستاذي المتدين🤎مكتملة🤎

🤎الجزء 64🤎

البارت : 64 🤍⚜

رانية : وينوووو على خويااا العزيز جا معااك جبادور وجيتي زوييين مشااء الله
بدر : ( عنقهاا و خربش ليها بديه فوق راسها وخا كانت مغطية ) ختي العزيزة نهار كبير هذاا .... توحشنااك شحال هذاا ما شفنااك غبرتي علينااا ..
رانية : غير قالت ليا ماما بلي غادي تزوج قطعت البيي أنا ولدي . حشوومة خويا الوحيد مانحضرس ليه لعرسوو .... اوااا كيف داير نتااا لباس عليك كيف دايرة عروستنااا ..
بدر : ( كايبتاسم ) لباس عليها ههه ..
نقز يانيس من الباب
يانيس : خالوووو بدروس ( هزو بدر وكايبووس فيه )
بدر : فين أصحبي لباس عليك ..هاي هاي كبرتي وليتي راجل
يانيس : ياه وليت لاجل حتى أنا بغيت نتزوج ( يانيس ولد رانية فعمروو 8 سنين حروفوو كحلين وكايشبه لبدر ..)
بدر : ( كايضحك وكايشوف فختو لي كانت حتى هي كاتضحك ) ما عندي ما نتسالك الشنيولة ولدتي لينا راجل مشاء الله عليه
رانية : ( زولات النقاب من على وجهها رجعاتو فوق راسها ) مشاء الله ههه اواا زيد نمشيييو خلااص رانييي بغيت نشوووف مرات خويااا
بدر : ( هاز يانيس وعنق ختوو جنب ونزلوو لطابق لتحت وضحكاتهم مالية أرجااء البيت .... لقاو عزيزة واقفة هي وخوتاتها فاطمة و عائشة كايدويو ويضحكوو ومعاهم مرات عموو فوزية )
رانية : ماما العرييس ديالناا وااجد ... يالله دبا نديو الزغارييت
🍃🍃🍃🍃

عند عيتاب لي كانت جالسة مع بنت خالتها إيمان ( أجي نعرفكم عليها بنت زوينة ما بيضة ما كحلة حروفها كحلين عيونها كبار فمها صغيور ..طويلة والفورمة هي هاذيك .. كانت لابسة قفطان حمر غامق ومطرز بخياط ذهبي طالقة شعرها لي كان واصل لحد مؤخرتها فالون الأسود .. دايرة عكر حمر وفوندوتاه صاف )
إيمان : ( شادة فإيد عيتاب وكاتشوف فالخاتم ) وينو حبيت الخاتم.. وخا تعطيه ليا نجربوو ههه
عيتاب : ( حيداتو وعطاتو ليها ) هاكي الكلبة جربي ديريي الفال ههه
ايمان : ( دارتو فإيديها ) جا معايا بحالك ياربي تجيب ليا حتى أنا شي تيتيز نطير بيه ما نرجعش لدار بإيدي خاويين ( حيداتو ورجعاتو ليها )
عيتاب: ( قدات الخاتم فإديها ) آمين ههه
ايمان : قولي ليا علاش بكيتي لبارح فاش عقدتي نتي وبدر
عيتاب : والوو غير الفرحة والتوتر صافي
ايمان : ( قرصاتها ففخدها ) ناري لحبك ليوم طرتطقي البوشونة ههههه
عيتاب: ( خدودها حماروو) سكتي الخرية كاتخلعي فيااا
ايمان : عادي غير كانضحك معاك .. اجي قولي لياا بدر عندو شي صاحبوو زوييين ..
عيتاب : اممم على مكانعقل عندوو صحابوو عارفة فيهم زكرياء مزوج بلاما تخرجي عينيك
ايمان : تفوو حتى فيقت الآمل
عيتاب : لا راه عارفة واحد آخر سميتو أمين كوميسير ولكن صراحة ما عرفتش ياكما عندو صاحبتو ولا شي لعبة
ايمان : سكتي سكتيي الله يستر قولي ليا زوين ياك
عيتاب : الى جا العرس وشوفي أنا كاع ما رضيت ليه لبال
⚜🤍❤
مكانش بزاف ديال الوقت حتى علا صوت الطموبيلات ل كايديروو طوط طوط 😂 قداام دار عيتاب
عيتاب ناضت طلات من السرجم ديال الصالة وكدالك ريتاج نقزاات كاتطل ....كلشي كايطل.. كان بدر سابقهم بلوطوو لي كانت مزوقة بالورد ( راكم عارفين لوطو كيف كاتكون 😂) ومن وراااه خمسات طموبيلات ( لمهم اجي نعرفكم على لي جاب بدر معاه .. لوطوو الثانية كان فيها عموو دريس مع مراتوو فاطمة مزوج وعندوو زوج دراري لول مزوج وعندوو بنت والثاني كايقرى فلفااك ... الطموبيل الثالتة كان فيها خالوو أحمد كذالك مزوج وعندوو النساب وعمو براهيم .. أما الطموبيل الرابعة فكان فيها صاحبوو زكرياء ومراتووو ... والخامسة كانت طموبيل خاصة ( تنسات عليا سميتها 😂) هي جابت الدهاز ...