أستاذي المتدين🤎مكتملة🤎

🤎الجزء 57🤎

البارت : 57 ❤🦋
بدر : ( عقد حواجبو ) فين الخاتم ديال الزواج ؟
عيتاب : ( شافت فيه ولسانها تبلع ولكن ستجمعات قوتها ونطقات ) راه فدار
بدر : علاش مكاينش فصبعك ؟
عيتاب : غير كنت كانغسل الماعن وحيدتوو ونسيت ما رجعتوووش
بدر : امم ما علينا طلعي بدلي حوايجك شوية ونرجع
عيتاب هبطات من لوطو موجهة لدار أما بدر فكان مقابلها حتى دخلات وهو يديماري لوطووو ومشاا
عيتاب : المييييمة ( كاتعيط لسعدية )
السعدية : ( خرجات من البيت ) نعام ابنتي ياك لباس شوقع
عيتاب : المييييمة علااااااش قلتيها ليييييه ضرورييييييي الحقيقة ديك ساعات قوليه مشيت نتقدا شلا كدووووب ...جاي انا كايتهز عليا
السعدية : ( قرصاتها بالخف فكرشها ) سكتي يالهبيلة راه كون تشوفيييي كي ولااا وجهووو فاش عرفك تلاقيتي مع ياسين غير لقيتيه تحكم فراسوو أما كون حط عليك إديه
عيتاب : والله حتى نهرس لو يديه قاليك يحيط عليا يدو شايطة عليه .. الهبااال صاااف
السعدية : الراااجل الى مغار عليك عرفيييه غير كايتفلى عليك وهو باينة فيه باغيك أبنيتي اوااا جمعي راسك وترزنيي وحافضي عليه لا طيريه من بين يديك
عيتاب : الى بغى يمشي لهلا يرضوو قاليك نحافظ عليه راسي وما هزيت ليه الخاطر بقى غير بوركابي...ماعلينا الميمة عطيني شي زيف
السعدية : ( ضحكات ) شبغيتيه أبنتي
عيتاب : ( جلسات فوق الكرسي ) بدر قاليك لبسي شي حاجة مستورة وديري زيف
السعدية : هههه سيري لماريو وهزي لي خاصك أنا نمشي نتاصل بالعائلة نعرض عليهم العرس
عيتاب : وخا
مشات طلعات مع الدروج توجهات لبيت جداتها خدات زيف مع جلابة فزرق سامبل ومزوقة بعقيقات ولبسات فرجليها سبرديلة بيضة عالية شوية توجهات حدى المراية كتفات عكر بارد فغوز وشوية مسكارة هزات الخاثم دارتو فيديها وخلات شعرها مطلوق ودارت الشال
من بعد مسالات نزلات مع الدروج لقات جداتها جالسة وكاتشوف فدفتار لي مقيدة فيه نوامر العائلة
السعدية : (شافت فيها ) تبارك الله على بنيتي طايح عليك السر مشاء الله ولكن علاش خليتي داك السويلف مطلوق ( تاجهات عندها وهي تجمع ليها شعرها على شكل كعكة وقدات ليها الزيف )
عيتاب : صافي دبا مقادة لاي يبداا ينكر عليا
السعدية : ( شدات ليها وجهها بين يديها وهي تبوسها فخدها ) زوينة بنيتي زويينة
عيتاب : ( بتاسمات حتى لمعوو عينيها ) كايعجبنيي نشوف ضحكتك الله يدومها فوجهك ياربي ( باست ليها راسها )
السعدية : آمييين أبنتي . عرفتي هاذ الجلابة ديالمن
عيتاب : ديالمن ؟
السعدية : ديال ماماك الله يرحمها
عيتاب : ( شافت فيها وهي تبتاسم ) ريحتها زوينة تمنيت كون بقات عايشة تحضر لعرسي 🥺
السعدية : ( عنقاتها ) شاء الله أبنتي

سمعو الدقان توجهات السعدية حلات لباب لقات عزيزة لي كاتدق رحبات بيها وهي تدخل مخليا الباب من وراها محلول
عزيزة : ( كاتشوف فعيتاب ) مشاء الله على عروستي الشهبة وعلى مزويناتها
عيتاب : ( بتسمات ليها ) شكراا أخالتي قولي ليا بدر فينا هو ؟
عزيزة : راه خليتو فطموبيل كايتسنا فيك
عيتاب : أه وخا أنا مشيت بسلامة عليكم
السعدية هي وعزيزة : بسلامة أبنيتي