أستاذي المتدين🤎مكتملة🤎

🤎الجزء 48🤎

♨️البارت 48 ♨️

بدر خرج من المكتب معصب .... من بعد خرج من الإدارة موجه لقسم فين كايقري طلع مع الدروج من بعد تم غادي مع الكولوار حتى وصل حل الباب ودخل لقى التلاميد كايدويو وكل واحد فين شادها
بدر : (شاف فيهم لي كانو سكتو من بعد ما دخل ) جبدو المقطع القرآني قراوه فصمت وستخلصوو المضامين والعبر المستفادة منه
جلس فالكرسي حل لبيسي وبدى كايشوف فيه
بدر : ( نطق بين راسوو متدكر الضربة لي كانت فجبهة محسين . صدقتي نتا و الصلكوووت ديال صاحبك لي سخيتو بقرايتكم وتابعين عيتاب دبا غادي نوريك الضصارة فين كاتوصل )
🍃🍃

عيتاب لي كانت جالسة وحاطة راسها على يديها وكاع مامسوقة هي فين جالسة أما عقلها كان مشوش ومرون بكترة المواقف لي وقعوو ليها مؤخرا خصوصا فاش عرفات بمرض جداتها
ريم : ختي عيتاب عفاك عطيني داك الستيلو الحمر ( ريم تلميذة كاتقرى معاها فالقسم وكاتجلس حداها فمادة الرياضيات ..بنت زوينة عندها حقها فزين قصيرة وخمرية حروفها كحلين وضريفة )
عيتاب : ( مداتو ليها بلاما تنطق بحتى حرف )
ريم : شكرا ليك اختي
عتياب : هانية
🥀فبلاصة خرة 🥀
عند السعدية لي كانت جالسة مقابلة مع الطبيب
الطبيب : خاصك ضروري نديرو ليك عملية والى راكي غادي تخسري حياتك
السعدية : الأعمار ديالنا بيد الله وأنا ديك العملية مغاديش نديرها وحتى العلاج غادي نوقفو حيت دوايات ما دارو ليا والووو
الطبيب : الله يهديك الالة انا كانقول ليك حياتك فخطر ونتي كاع مكاينة فهاد العالم
السعدية : هاذا هو الكلام اللخر عندي الله يعاونك اسيدي
ناضت غادية حتى كاينطق
الطبيب : عندك شي حفيدة ؟
السعدية : ( ضارت شافت فيه ) أه عندي وحدة علاش ؟
الطبيب : المرض ديالك راه عرفاتووو
السعدية : ( تصدمات ) علاش قلتيها ليها ؟
الطبيب : سمعات هضرتي مع الممرضة عليك وانا اضطريت نعاود ليها
السعدية : ( شافت فيه مطولة وهي مصدومة من بعد خرجات من عندوو )
🍂🍂
دازو ساعتين عند عيتاب ديال الماط عادية من بعد خرجات عيتاب وغادية ريم فجنبها
ريم : عيتاب وخا توقفي ندوي معاك
عيتاب : ( وقفات وكاتشوف فيها ) وخا شنو بغيتي
ريم : اجي نوقفو حدى هاد الشجرة فضليلة وندويو
^مشاو حدى الشجرة من بعد نطقات ريم ^
ريم : علاش مكاتجمعيش مع بنات القسم علاش كاتبقاي معزولة وسمحي ليا على السؤال
عيتاب : ما ناقصني نيفاق بنادم لواحد هو لي يبعد حيت فكلتا الحلات مغادي نستافد والووو
ريم : ( بصوتها الحنين ) صراحة عندك الحق . واش كانو عندك صحبات من قبل؟
عيتاب : ( بصوتها الرقيق الأنثوي لي فيه طابع من الجرئة ) لا مكانوش عندي حيت انا ما بغيتش
ريم : وخا نوليو انا وياك صحبات ؟
عيتاب : ( كاتشوف فيها وهي مرتاحة ليها ومن شكلها باين فيها ضريفة وداخلة سوق راسها ) ماعرفتش شنو غادي نقول ليك حيت انا ولفت نبقى بوحدي
ريم : ماعرفتش أختي انا قطارحت عليك الفكرة حيت رتاحيت ليك وبالخصوص حيت مكاتدويش الدراري بحالي
عيتاب : امم فصراحة نجرب
ريم : ( بتاسمات ) شكرا لقبولك طلب الصداقة
عيتاب : ( بتاسمات ليها ) استاذ الفرونسي مجاش؟
ريم : لا مكاينش
عيتاب : أنا غادي نوض نمشي مافيا لي يجلس هنا
ريم : عفاك جلسي معايا هاذ الساعة
عيتاب: وخا

🍂🍂🍂
دازت ساعة من بعد خرجات عيتاب دايزة من طريقها المعتاد وهي غادية حتى كايوقف بدر بلوطو نزل الزاج ونطق
بدر : ركبي
عيتاب : ( حلات الباب وهي تدخل معنقة شكارتها قدامها من بعد ديمارة موجه لدار )