أستاذي المتدين🤎مكتملة🤎

🤎الجزء 80🤎

البارت 80 🤍🦋
داز نص نهار عادي عند شخصيات القصة
وصلات الخمسة كانت العائلة وجدات الشهيوات مستعدة بترحيب أمين وماماه من أجل الخطبة .. الكل كان جالس فالصالة وفرحان أما عيتاب وإيمان ورانية فكانوو كيف العادة فبيتها ..
سمعو الدقان ناض بدر والسعدية حلو الباب ورحبو بيهم
دخل أمين كان لابس كوستيم كحل وهاز بوكي ديال الورد كبير فالأحمر والبواطة على شكل قلب فيها الشكلاط .. أما غيتة فكانت لابسة جلابة فالخضر ومخيطة بالراندة والعقيق
السعدية نادات عليهم .. جاين ودايرين ايمان فالوسط كانت لابسة قميس فالزرق الملكي وطالقة شعرها الأسود توجهات جلسات حدا باباها سي عبد القادر أما عيتاب فجلسات حدا راجلها بدر ورانية كذالك جلسات حدا خوها بدر
غيتة : لمهم سبب زيارتنا ليكم هو حنا جينا طالبين راغبين فبنتكم إيمان لولدنا أمين على سنة الله ورسوله.
عبد القادر : مانزيدكم غير الخير الى كانت قابلة بيكم بنتي (شاف فيها ولي كانت حادرة راسها وحشمانة )
أمين : السكوت علامة الرضا ياك أعمي عبد القادر
عبد القادر : اوا شنقول ليكم مبرووك علينا .. نقراو الفاتحة
كل واحد من الحضور قرى الفاتحة فنفسو
عبد القادر: اوا فاش خدام أولدي ؟
أمين: كوميسير أعمي الحاج
عبد القادر: مشاء الله الله يعاون اولدي

دوزوو الخطوبة بخير وكلشي مزيان تافقو على الصداق والعرس لي غادي يكون من بعد ما تدوز إيمان الجهوي..
أما الاكت فغادي يدوزوه قبل ...تقريبا من نهنا لشهرين