أستاذي المتدين🤎مكتملة🤎

🤎الجزء 69🤎

البارت : 69 🤍⚜

داخلين لقاعة والزغارييييت عالية فأرجاء المكان من طرف النكافات .. كانوو شادين فيد بعضياتهم وعدسات الهواتف والفوتوغرااف كاتصورهم .. وصلوو حدا الكرسي وقفوو كايشوفو فالحضوور وكايبتااسمووو من بعم ما لتاقط ليهم المصور عدة صور جلسو فمكانهم .... النقاشة دارت دوك العيبات الخضرة لبنات لي مزال ما مزوجين أما عيتاب فدارتها ليها فاللون الذهبي.. بدات كاتنقش ليها بدر ناض هبط لدار على ما تسالي ليها جلس فصالة هو وزكرياء أما الرجال لخرين فكانوو فالقاعة
بدر : واحد أمين فينا هو ؟
زكرياء : راه صونيت ليه صباح قال ليا غادي يجي ما عرفتو دبا فين تعطل ( بدى كايصوني ليه تيلي شاف شكون وهو ينطق ) ها هو البغل كايصوني
زكرياء :( بلاااتي عليا نوصف ليكم زكارياء .. بيض شعروو كحل عنيه زرقين تشوفيه تحلفي عليه أمريكي فعمروو 27 عام ) فينك أصحبي ؟ راه وا بداا العرس ونتا مزال غابر

......

صتاصيونا لوطوو جنب دار عيتاب ومزال فيها..
أمين : هاني أصحبي قدام الداار أنا والواليدة بغيت ندخلو خفت نكونو غالطين فداار بان دير شي حركة ...... صافي وخا أنا نتسنااك
.. مكانش بزاف ديال الوقت خرج بدر هو وزكرياء كايقلبو عليه حتى كايبان ليهم هو وماماه غيثة واقفين واهزة فإديها كادو ديال العرس .. توجهوو لعندهم من بعد دخلو الدار .. بدر وزكرياء وغيثة لي كانت رحبات بيها عزيزة والسعدية طلعو القاعة أما أمين فدخل لطواليط ...

🥀🥀🥀
إيمان : ( شافت بدر جاي وهي تنوض من بلاصتوو ) عيتاب أنا نزل حتى لعند رانية كاتصوني عليا نشوف شنو بغاتني ونرجع
🥀
نزلات فدروج وهي هازة قفطانها بيديها لي ما فيهاش الحنة وكاتجري باش ترجع دغيا العرس من بعد ما وصلات لتحت غادية فالكولوار لي كان قصير الضورة لي بغات تضور حسات براسها داخلة فصدر حديدي لي خلاها ترجع لور فاقدة التوازن ديالها حتى كانت غادي تطيح هاذ الأخير مسكها من خصرها النحيف مانعها من السقوط وفنفس الوقت ساهي فملامح دوجها .. كانت سادة عنيها كاتسنى تطيح فالأرض حتى كاتحس بيد شادتها حلات عنيها وهي كاتشوف فعنيه نيشان ... بقاو مصدوومين فعضياتهم ...أو نقوول بداية حب ؟ حب من أول نضرة بين إيمان و.... ؟