🦋البارت 26 🦋
حل ليها الباب ديال لوطو
بدر : ركبي نوصلك لدار مخاصكش تمشي بوحدك ونتي فهاذ الحالة
عيتاب : ( نطرات لفاصمة من جيدبهتها ولاحتها ) لا أنا بخير غير سير شكرا غادي نمشي بوحدي
بدر : ( ضار جنب وحك جبهتو وهو ينطق بشوية ) ياربي ترزقني الصبر معاها ياربي
عيتاب : ( طلات عليه ) مالك مزوج بيااا راه غير القراية لي كاتجمعنا هنااا حدنا كانخرجو مكاتعرفني مكانعرفك أأستاذي ( تمات غادية وكاتمتم ) والله الى تحمس قاليك ياربي ترزقني الصبر الله يغبر ليك الشقف حتى نتا
بدر : ( عيط ليها)؛عيتاب !
عيتاب : ( باقا غادية وهي متسارعة فخطواتها وفنفس الوقت كاتجابو) نصحك بلاما تبعنييي وعطيني بالتيساع حسن
بدر : ( شد فجنبو وهو كايشوف فيها ) ياربي شهاد البنت راسها قسح من حجرة
حل لوطو وركب و ديمارة لوطو وتبعها ولكن بقى صايك غير بشوية وحاضيها من بعيد
🎶نمشيو عند عيتاب لي كانت متسارعة فخطواتها وفنفس الوقت كاتدوي غير بوحدها
عيتاب : الى ما ندمتكومش البيتشات راني ماشي بنت الآصل غير صبروو عليا
(🎶هاذي هي بطلتنا نفسها عزيزة عليها ودقتها ابموسي تخليها عندها ضروري ترجع الصرف وبزيادة وشخصيتها قوية بزااف ومستحيل ذل راسها قدام شي حد ولا تسكت ولهذاا كانصحكم تكونو بحالها وترجعو دقتكم حيت بحال هكا غادي ديرو قيمة راسكم وحتى ناس يديرو ليكم القيمة 🎶)
بقى تابعها من الور حتى وصلات الدار من بعد كسيرا مخلي العجاجة من وراه
(اوا شبان ليكم فبدر بان ليا انا دغية طاح فيها 😂 )
حلات الباب وهي تدخل طلعات البيت لاحت شكارتها من بعد بدلات حوايجها لبسات سيرفيط كحلة مخليا شعرها مطلوق على راحتو من بعد تلاحت فوق الناموسية على ضهرها وسدات عنيها دخلات السعدية هازة فإديها حوايج التصبين ديال عيتاب لي نشفو حطاتهم ليها فالماريو وتوجهات جلسات حداها حتى كاتلمح الضربة لي فجبهتها
السعدية : ( نفضاتها حتى قفزات ) اوليييي ابنتي مالكي شوقع ليك شكون ضربك
عيتاب : الميمة خلعتيني هووف
السعديةة: ( كاتقيس ليها فالجرحة ) دويي قولي شكون لي ضربك
عيتاب : غير دخلت فالحيط الميمة ماعندكش علاش تخافي عليا
السعدية : ( جراتها عندها معنقاها) اويلي على بنيتي عودي ترضي البال ونتي غير مدرمة كيف البقرة
عيتاب : وخا الميمة غير كوني هانية ( نطقات بين راسها . الى ما رجعت ليهم الدقة راني ماشي عيتاب )
نمشيو عند بدر لي كان جالس كايتغدا مع ماماه فصمت حتى كاتهرسو ( ماشي كاتهرسوو بعصى غير بالهضرة 😂😂)
أنت تقرأ
أستاذي المتدين🤎مكتملة🤎
Roman d'amour💎مكتملة💎 ❌حصرية على الواتباد❌ 😇رمضان مبارك سعيد أميراتي نتمنااا إدخل عليكم بصحة وسلامة😇 ✨🥂أول حاجة وقبل كل شئ عواشركم مبروكة أميراتي.......🖇️ جينا ولا تتقولواا ماجينا جيناكم بقصة كاتحمل فطياتها أمور دينيا ولي كاتهضر على أستاذ متدين لي...
