أستاذي المتدين🤎مكتملة🤎

🤎الجزء 60🤎

البارت : 60 ❤🍂

وصل عيتاب الدار  هبط هو وياها توجهو دقو فالباب حلات ليهم السعدية تسالمو وهما يدخلو من الدخلة ديال الدار كاتحس بلي فرح كاين فدار وأجواء العائلة  والدراري الصغار كيالعبووو .... وصوت الأغاني مطلوقة  ( الشعبي ) بدر ما عجبوهش الأغاني ولكن دار لعيتاب خاطرها  ... دخلووو الصالة سلمو على العائلة لي كانت عبارة عن  خولات عيتاب وكذالك عيالات  خوالها وعمها وبناتهم  ... فالكوزينة كانت خت السعدية وعزيزة وخالة عيتاب الكبيرة ... بدر دخل لصالة عند  خوال عيتاب  او ولادهم او حتى عم عيتاب  كان حاضر
عيتاب  من بعد ما سلمات على خولاتها  طلعات لبيتها دخلات وهي تسد الباب من وراهاا وهي تبتاسم بلاما تحس  توجهات بدلات عليها لبسات قفطان جوهرة لي كانت خيطاتو ليها السعدية مع دهازها ... كان فلون الأبيض وفيه طرز بالخضر  من العنق واليدين   تلقات شعرهاا ... دخلات لطواليت غسلات وجهها بصابون من بعد رجعات دارت فوندوتاه وعكر فلون الوردي ... ورجعات نزلات عند العائلة لي كانت صوت ضحكاتهم والهضرة مالية الدار ....
بدر لي كان سلم على رجال العائلة وستئدن من بعد خرج توجه عند    عزيزة لي كانت فالمراح  جاسلة حداها عيتاب وكاتبتاسم شاف فيها ونباهر من جمالها بتاسم ...
بدر : الواليدة أنا غادي نمشي حتال الدار  شي ساعة نرجع ....
عزيزة : وخا اوليدي
بدر : ( كايشوف فعيتاب لي كانت  متجاهلة نضراتو وهو ينطق ) عيتاب راسك معري ؟
عزيزة شافت فيها وهي تبتاسم  أما عيتاب فنطقات
عيتاب : راني دبا فدار
بدر : نوضي غطي راسك راه الرجال معاكم ماشي جالسين بحدكووم .. أه ونسيت العدول غادي يجي لدار من الأحسن  الواليدة علمي خالتي السعدية  ...
عيتاب : ( ناضت عندو من بعد ما مشات عزيزة لعند السعدية لي كانت فالكوزينة ) بدر واش ما زربتيش خلي حتال الغدا ؟
بدر : من الأحسن ليوم لمهم بدلي حوايجك هادشي لي لبستي ما عجبنيش  شوفي توب كيف داير رقيق بزااف
عيتاب : وخا لي بغيتي ولكن من بعد وغادي نتفاهموو  على هادشي
بدر : إن شاء الله
مشا خرج مخلي عيتاب كاتشوف فيه   رجعات جلسات شوية وهي ترجع عزيزة  وهي تنطق عيتاب
عيتاب : خالتي عزيزة ولدك والله حتى عيق   عليا حتى من صيات قال لي ما تلبسيهمش
عزيزة : ( كاتلعب ليها فشعرها ) اواا شديري أبنتي بدر نفسوو حارة   ومكايبغيييش التقزاااب كون تشوفي ختوو رانية  لبسها الحجاب الشرعي ومني تزوجات لبس ليها راجلها النقاب ههههه
عيتاب : كاع ما كنت عارفة بلي بدر عندو ختووو
عزيزة : عندو  ختوو صغر منوو فعمرهاا 24 عام  والدة وليد  سميتوو يانيس كايشبه لبدر هه .. راه غدا غادي تجي وتعرفيها
عيتاب : إن شاء الله