أستاذي المتدين🤎مكتملة🤎

🤎الجزء 70🤎

البارت : 70 🤍⚜

بقاو على داك الحال مدة قليلة ساهين فبعضياتهم .. هاذ المواقف كايوقعوو غير فالأفلام ؟ ولكن وقعوو حتى مع إيمان وأمين ....
عيتاب : ( كاتدوي بينها وبين راسها وهي مركزة الشوفة فأمين .. شحال زوين وااش لهاذ الدرجة هو حقيقي ولا غير كانحلم )
أمين : ( كايشوف فعيونها لي مزينيهنم شفارها الطوال الطابعين ونطق هو الأخر بين نفسوو .. واش نتي حقيقية ؟ )

وقفها من درعها وهي مرجعا شعرها الأسود ورى ودنيها وكاتشوف فيه ولكن ما قدراتش تشوف ليه فعنيه
أمين : نتي بخير ؟
إيمان : ( أشارت ليه براسها بلإيجاب ونطقات ) أه انا بخير سمح لي دخلت فيك بلاما نحس
أمين : ماشي مشكيل ( كايشوف فيها وهي كاتشوف فيه )

إيمان بتسمات لوو فوجهوو ببتسامتها الساحرة من بعد تحركات من قدامو أما هوو فضار متبع ليها العين حتى غابت عليه .. وإبتسامتها تحفرات ليه فقلبوو ..

🤍🤍
دخلات للبيت عيتاب وهي سادة الباب من بعد تكات عليه وكاتشوف فرانية لي كانت متكية وهازة تيليفونها
رانية : ( تقدات فجلستها ) اولي اصكعة مالك تخطف منك اللون
إيمان : ( توجهات جلسات حداها وهي كاتدوي وقلبها كايفرفر ) نارييي أصحبتي ... كون تشوفي نارييي علىىىى تيتيز دخلت فيه .. حتى حسيت بدووخة شوية كنت غادي نطيح كون ماشدني بيديه
رانية : ( ضحكات ) اويلي أصحبتي وليتي كاتشوفي أحلام اليقضة .. ويلي قاليك دخلتي فيه مالكي عورة .. كون قلتي تيتز حاضر نقول عادي اويلي والله حتى هربيتيني
إيمان : والله حتى داوية من نيتي . والله حتى كنت جاية عندك كانجري مع كانت دار خاوية ما حسيت براسي حتى دخلت فيه
رانية : اواا ما عرفتييش سميتووو ؟ وصفيه ليا وصفي نشوف هاذ اليتيز لي خلاك مدوخة هكدا
إيمان : ( كاتوصف فيه وهي دايخة عنيها كايسقليقلوو ) ياختي حروفوو كحليين وطوييل مشاااء الله عليه متر تسعين .. وبيض
رانية : هههه حلفي ههه نارييي الى كان لي فباليييي واااااو على صدفة
ايمان : مالكي شكون فبالك دوي اصحبتي
رانية : هاذ المواصفات ديال أمين صاحب خويا
إيمان : ( نقزات بالفرحة وكاتضحك) أصلااا أنا حبيتووو قبل ما نشوفوو ودبااا حبيتوووو كثر وكثر
رانية : ياربي يكون هو هههه صرااحة تجيو مع بعضياتكم
إيمان : اواا نووض نرجع نشوفوو هههه ( ناضت غادية حتى كاتوقف ) قولي ليا حقاا شنو بغيتيني حيت صونيتي ؟
رانية : راه دازت لأبيل غير بلغلاط ههه هي لي سارت ليكم سباب
إيمان : ههه ناري على بلان ( دازت حدى المراية كاتقاد فحالتها هزات عكر حمر عكرات من بعد قدات شعرها بيديها وشافت فرانية ) مزيانة ياك
رانية : راكي زوينة غير سيري تشطحي باش تعجبيه وتعجبي موو الى جات معااه ههههه
إيمان خرجات من البيت وهي كاتجري بغات غير إنتا توصل لسطح فين مقيم العرس ... كان الشعبي مطلوق على الجهد والكل فرحان وناشط دخلات إيمان بخطوات راقية ومكاتشوفش فجنابها ولي كانوو بعض نضرات الشباب موجهين ليها من بينهم نضرات عصام ولد عم بدر ( فعمرو 25 عام سمر محسن كاع شعروو مخلي غير شوية باين طويل وسبورتيف ) ... باش ما تشوفوش الى كان كايشوف فيها حتى كاتلقااه واقف حدى الكرسي ديال العرووسة وكايصور فالعرسان والبنات كايشحطو حداه ( بنات الجيران.....) وكذالك زكرياء كان حداه هاذ الأخير لي تبت ليها بلي هذاك أمين ....