☄البارت : 2☄
عيتاب : ،الميمة هاني غادية لليسي
السعدية : لا ابنتي جلسيي حتى تفطرييي عاد سيري
عتاب : ما فياش الميمة والله واصلااا مشى عليا لحال راه اونص هادي
السعدية : غير جلسي تاكلي ليك شي حاجة شوفي حالتك كيف ضعافيتي انا نمشي نتاصل بطاكسي يوصلك
عتاب : (جلسات منفخة حدى الطبلة ) والميمة شحال فيك هاني غادي ناكل يالله غير بقاي على خاطرك
من بعد ما عيطات السعدية ( لي هي جداتها ) لطاكسي رجعات جلسات تفطر معاها
السعدية : ( هزات كاس ديال الحليب بشكلاط ) حلي فمك حلي ابنيتي شربيه كلو ما تخلي فيه والو
عيتاب : ( شداتو من عندها وبدات كاتشرب) والله الميمة ما فيا لي ياكل شي حاجة غير خليني نمشي واصلا مافيا لي يركب فطاكسي بغيت نتمشا
السعدية : ( جبدات من طابلتيها الفلوس ومداتهم ليها ) يالله هاكي باش الى ضرك الجوع مني تخرجي شري شي حاجة وكوليها
عيتاب : ( عنقاتها ) وخا شكرااا هاني مشيت ( شافت فساعة لي كانت معلقة فالحيط كانت كاتشير 8:45 )اي مشا الحال ( توجهات كاتجري مخلية جداتها كاتفطر وتضحك عليها بحب )
*******
من بعد 15 دقيقة كاتوصل ليسي كاتلقاه مسدود دقات فالباب الرئيسي حتى حد ماحلش ليها وهي تحل سرجم صغير كاين فالباب خشات ايديها وحلاتو من بعد دخلات كاتلقى الليسي خاوي توجهات لومبلولا لي معلق تشوف عندمن داخلة لقات عندها الساعة الولة ديال الإسلاميات شافت القاعة شمن رقم من بعد توجهات ليها مني وصلات دقات زوج دقات
مكانش بزاف ديال الوقت حتى حل ليها الأستاذ
بدر : شحال فساعة ؟
عيتاب :بلاتي نشوف ( جبدات التيلي من جيبها شافت شحال فساعة من بعد نطقات ) امم 9:10
بدر : كان عليك ابنتي قبل ماتجي ونتي معطلة دوزي خودي ورقة التأخير ؟
عيتاب : أول حاجة انا ماشي بنتك ودباا طلقني ندخل ولا نرجع منين جيت؟
بدر : دخلي دخلي وأخر مرة تجي معطلة
دخلات القاعة وجميع الأنضار كانو عليها توجهات الطاولة فالوسط كانت خاوية وجلسات فيها
بدر : الله يهدي شباب يومنا هذا لم يتبقى لا حياء ولا أدب
دخل جلس فمكانو ورجع كايشرح ليهم فشي أمور دينية وبالخصوص كايدوي على الآدب والحياء ويقدر نقولو هنا كان كايكلاشي عيتاب غير بالفن لعلى وعسى تراجع نفسها . سلات الساعة والكل جمع ادواتو باش يخرج حتى كاينطق بدر
بدر : آنسة خليك واحد الدقيقة بغيتك
عيتاب : ( شافت من وراها من بعد شافت فيه ) معايا أوستاااذ ؟
بدر : أه معااك كاندوي خليك بغيت ندوي معاك
القسم كلو شاف فيها من بعد خرج توجهات عيتاب وقفات قدامو بحيت هو كان جالس فالمكتب وكايشوف فينا بنضرة عادية !
عيتاب : شنو بغيتني حيت زربانة
بدر : ( هز حاجبو وبتاسم ) الطريقة باش دويتي قبيلا ما نسيتهاش؟ هذاك أسلووب يدويو بيها التلاميذ مع استاذهم ؟ قبيلا سكت حيت كان اول عام نقري هنا او بلأحرة اول ساعة ليا معاكم مرة خرى مغاديش ندوزها اتلميذتي
عيتاب : ( شافت فيه بستهزاء ) لي فجهدك ديرووو حيت مكاتهمنييي لا نتاااا لا هاذ اليسيييي
بدر : ( وقف ) شهاد التربية دزنقة حتارمي راسك شوية راك قدام أستاذ ماشي صاحبك
عيتاب : ( نطقات ببرود ) إحترم تحترم ديك الهضرة كولها اوستاذي
بدر : صراحة والديك ما رباو فيك والووو وخاصهم يعاودوو ليك الترلية من اول وجديد ولا غادي نعاودها ليك انا نيت
عيتاب : ( بالهضرة لي خرج من فمووو حل ليهااا اصعب جرح لي غير بزز باش كاتكالميه هنا الدموع فعنيها تحجروو ونطقات بصوت باكي جامعاه ببتسامة ألم ) مع الآسف والديا الله يرحمهم ماتوو مني كنت صغيرة وعلى ما بان ليا نتا لي خاص لي يربيك ماشي انا
لا حت عليه هاد الكلام وخرجات متسارعة فخطواتها وهي كاتحاول تحبس دموعها قداموو
بدر : آنسة ! ( جلس فوق الكرسي ) واقلة تسرعت فبعض من الكلام لي قلت لا حولا ولا قوة الا بالله العلي العظيم الله يرحمهم فهاذ النهار والله يهديها
أنت تقرأ
أستاذي المتدين🤎مكتملة🤎
Roman d'amour💎مكتملة💎 ❌حصرية على الواتباد❌ 😇رمضان مبارك سعيد أميراتي نتمنااا إدخل عليكم بصحة وسلامة😇 ✨🥂أول حاجة وقبل كل شئ عواشركم مبروكة أميراتي.......🖇️ جينا ولا تتقولواا ماجينا جيناكم بقصة كاتحمل فطياتها أمور دينيا ولي كاتهضر على أستاذ متدين لي...
