أستاذي المتدين🤎مكتملة🤎

🤎الجزء 79🤎

البارت : 79 ⚜❤

بقات السعدية تحت العناية المركزة يوم كامل وصل الصباح خرجوها ..
بدر كان مشا لليسي حيت مقري فالعشيا .. عزيزة ورانية دوزوا معاهم نهار كامل .
عيتاب (متكية حدا جداتها لي كانت كاتلعب فشعرها ) الميمة ماتمشيش وتخليني بوحدي
السعدية : ( كاتدوي بصوت العيا ) هاذي هي الحياة أبنتي ..
عيتاب: الله ينقص من عمري ويزيد فعمرك
السعدية : لا أبنتي الله يطول فعمرك أنا صافي شرفت براكة عليا شبعت من الدنيا
عيتاب : ( سكتات وهي دموع غادين مع خدودها )
🍂🍂عند ايمان لي كانت دخلات تحت الغطا باش تنعس حتى كاتسمع صوت التيلي كايرن شافت شكون لقات نمرة بريفي ! وهي تقطع وحطات تيلي فوق الكوافووز ولكن رجع صونا عليها ورجعات قطعات .. ولكن المرة التالتة جاوبات
إيمان : واش لهاذ الذرجة ما عندك مايدار امم شكون نتااا لي مصدعني فهاذ اليل ؟
أمين : ( قهقه ونطق بصوتو الرجولي ) كبرتي فعيني
إيمان : شكون معايا ؟
أمين : لهاذ الذرجة نسيتي شكون أممم
إيمان : أمين ؟ ( كاتدوي بصوت منخافض وفيه النعاس )
أمين : أه ... أمين كيف راكي لباس ؟
إيمان : حمد الله هاذ الساعة ونتا ؟
أمين : حمد الله أزين
إيمان : الخرى أنا ..قول ليا منين جبتي نمرتي كاع ما عطيتها ليك ؟
أمين : حتى نتلقاو ونتفاهموو على هاذ الخرى ..
ايمان : جاوبني منين جبتي نمرتي؟
امين : سر المهنة .. المهم صونيت عليك باش نخبرك بلي غادي نجي نخطبك إن شاء الله .. ياك باقين عند عيتاب بعدة ؟
ايمان : بقات ساكتة وهي مصدوومة كفاش ماتصدمش وهي بغاتوو وحتى هو بغاها وقرر يكمل معاها دينوو
امين : الو ؟
ايمان : أه باقين ..احم الووو صراحة ماعرفت مانقول ليك أنا مزال كانقرى وو
أمين : قرايتك غادي تكمليها مغاديش نحبسك عليها .. المهم غدا ندويو فهاد السيجي دبا سيري تنعسي
ايمان : تصبح على خير ( قطعات الخط وهي كاتنقز من الفرحة )
🦋🤍أصبحنا وأصبح الملك لله 🤍🦋
صبح صباح جديد كانت الساعة كاتشير 10:12 دقيقة
فدار عيتاب كانو مجموعين على الطبلة كايفطرو حتى بدر كان فطر وكمل ناض مشا من بعد ما لقى عليهم السلام
خرج ركب فلوطو موجه ليسي بحيت كان مقري سعتين .. صونا ليه التيلي وهو يدير الإربود فودنين ونطق
بدر : أمين هانية ؟
أمين : حمد الله أساط لمهم .. راني حتى انا قررت نتزوج ونكمل ديني
بدر : اوا مبروك عليك اخوياا الله يكمل عليك بالخير
أمين : أمين أساط لمهم علم العائلة عشيا غادي نجي نخطب إيمان على سنة الله ورسوله
بدر : هههههه مشاء الله
أمين : اواا أصحبيي كاع تزوجتوو بقيت غير أنا
بدر : ( مزال سايق) اواا شنقول ليك الله يكمل عليييك ويسر ليكم اخويا